【愛情甜故】我同條女敦倫的日子: 好消息

「就係阿彤佢有左。」

我有冇聽錯，彤姐佢竟然可以有左!?

「下...認真呢，係幾時嘅事?個仔真係你嫁?」

我對此十分驚訝，因為我唔相信一個弱精嘅人竟然都可以搞大到人地個肚。

「屌緊係真嫁啦唔通假嫁咩，我都係前幾日先發現。」



「但你唔係弱精咩...你竟然咁都可以...」

說罷唔知情嘅茹姐即刻望住阿偉，佢即刻感到一臉尷尬。

「頂你講細聲啲。」

「唔緊要嫁唔緊要嫁，你地繼續講唔洗理我。」

茹姐驚奇一陣後立即扮透明人。



「咁就真係恭喜晒，你係點做到?」

「我不妨同你講，其實我晚晚都好"勤力"。」

「我自知自己啲精弱，有嘅機率好低，而彤姐又難得唔嫌棄我，但佢又鐘意細路，所以為左不負眾望晚晚都同阿彤搞一次。」

「為嘅就係唔好連仔都生唔到，我唔要做"廢人"，我要創造奇蹟，結果就真係係前幾日創造左奇蹟。」

「係啊，佢為左我真係好博命，就算嗰日幾攰都會同我黎返一次。」



彤姐都為屌偉嘅努力而感到慨嘆，不過呢個故事又幾勵志嘅，透過努力由無可能變有可能，連我呢個"性人"都要佩服佩服。

「咁屌偉真係辛苦晒你喎，點解咁似以前嘅我。」

「我先唔似你咁扑野扑到失晒理性，以前我有同你講過有性有愛先係至高享受，依家我咪係，晚晚都好enjoy。」

原來屌偉先係真正嘅性人，不過話時話，我好似未真真正正地enjoy過有性有愛嘅享受。

「威啦威啦，祝你長扑長有、長長久久、用得持久啦。」

「正因如此，我地諗住4個月之後就結婚，我要俾阿彤一個幸福嘅人生。」

「wow，你地要結婚啦!?」

呢一下消息令我同茹姐都感到愕然，一齊同步講左出黎。



「你睇你地驚訝到聲都疊埋，到時一定要出席我婚禮啊。」

「屌偉，你真係大個仔啦，唔單止做爸爸仲就黎做人夫啦。」

「哈哈講呢啲，遲啲好快就到你做。」

「仲記唔記得bobo姐、林sir佢地，佢地嗰日都會出席我地婚禮。」

咁大陣容!?就連我地以前啲死敵都黎出席，作為兄弟嘅我更加要去啦。

「咁...TINA姐呢...?佢知道左之後有咩反應?」

「至於TINA方面，佢知道左我地嘅婚事之後，佢話會係監獄入面寫封信出黎祝福我地。」



「我睇得出佢係入面呢幾年變好左好多，聽講佢仲信埋聖母瑪利亞。」

「咁睇黎佢真係決心改過，就算日後出到黎應該都唔會再害人。」

「既然咁多人都出席，嗰日一定要見到你地兩個黎，話晒你都係我兄弟。」

「到你同阿茹結婚嗰陣我地一定都會撐你場。」

「一言為定兄弟!到時我同茹姐一定黎睇住你地兩個kiss。」

「好兄弟!!」

然後我地都開開心心地食過呢一餐飯，真係好耐都未試過我地大家聚埋一齊傾得咁開心。

時間真係過得好快，以前坐係我隔離一齊上堂嘅兄弟，眨下眼佢即將就要做人夫同爸爸，係大過仔嘅象徵，



有時真係好懷念以前一齊癲一齊爆粗一齊講鹹野嘅日子，不過隨著佢開始變得成熟，加上日後又會各有各忙，睇黎開心嘅日子真係會買少見少，
得
以前啲人話中學嘅生活片段好珍貴，我唔覺; 直到依家我終於體會到呢句說話背後嘅意思，真係好珍貴，我呢一世都唔會唔記。