【愛情甜故】我同條女敦倫的日子: 共處時光

行街

「你睇你食雪糕食得幾污糟，食到成嘴都係。」

「咩啊，我食得急左少少姐。」

「仲講，我幫你抹下啦。」

我幫茹姐抹抹嘴。
.


.
.
行山

「頂你唔好行得咁快，呢度好多碎石又多青苔我驚仆街。」

「睇下你幾淆底，抓實我慢慢行啦。」

爬頭嘅茹姐伸手叫我抓住佢行。
.


.
.
冒險樂園

「茹姐你再俾我試多一次，今次一定推到銀仔。」

因為多次推銀仔失敗，我再問多次佢拎銀仔，而我嗰啲一早用晒。

「算啦你推左咁多次都唔得，慳返啲代幣玩其他仲好。」



「就差少少，你俾多一個我實跌俾你睇。」

「嗱，最後一個嫁啦，得唔得都算。」

我拎左一個銀仔後入落部推銀機，而咁啱個銀仔就碌到所有銀仔後面，部機向前一推個銀仔，好多銀仔就咁跌左落黎。

「YEAH!都話今次我得。」

然後部機就不斷地出飛，茹姐見到後都冇野好講。

「叻仔喎，咁都俾你推跌到，不過應該係你好彩姐。」

就係咁，咁大個仔最有成功感莫過於呢次，因為我真係未試過成功過。
.
.


.
溜冰

「頂地下好冼，我唔想仆街。」

我扶住欄杆好小心咁一步步溜出去，而茹姐就早已溜到我面前，真係估唔到佢竟然連溜冰都留有一手。

「你唔識溜冰...?哈哈。」

茹姐見到我溜冰溜到荒失失嘅樣即刻恥笑我，不過我都知好柒。

「好彩我以前中學有學過溜冰，唔係今日就會變得好似你咁。」

見佢係我前面邊溜冰邊串我，表現得十分輕挑，我就心有不甘。



「邊個話我唔識，我不知幾識...」

俾佢睇小後我好不忿，然後我鬆開扶手靠自己溜向前，點知行左三步都冇我就向後仆左街。

「哈哈哈，我都話你唔識溜，你認乜野叻，又要威又要戴頭盔。」

之後佢就好快溜過黎扶我起身。
.
.
.
就係咁我地經常出去玩，快樂不知時日過，好快我地已經一齊左一個月，

每次出街佢都會搞到我好開心，成日做埋啲on9野又鐘意認叻，同我一樣，

但無可否認嘅係佢的確好聽我話，我想去邊佢都會陪我去，出街亦拖得我實一實，



有一次佢仲用自己口水係我手背上畫左個心心，話呢個心係佢送俾我，

我嗰刻就覺得佢無比on9笑左出黎仲覺得有啲核突，但佢就話佢好有新意，連墨水都慳返，我也是無奈了。

至於阿欣方面，因為日日茹姐都陪住我，我已經慢慢開始放低佢，冇再為佢而頹廢做人，

雖然係咁，但人都係肉心做，我間中仲會懷念下佢，睇下以前嘅相、睇下佢生前個樣，

有時就算發夢都會夢見佢同我去玩，但有時佢亦都會叫我唔好留戀佢，就好似阿欣一直仲係我身邊，但時至今日佢已經冇係我夢中出現。

而呢日我地就去啟德郵輪碼頭度睇日落，

我地到達後就搭lift上去露天平台，上到去後好寧靜好靚，然後就去左草地度坐住，



坐低後我拎左部手機出黎篤左陣，我打開左ig黎睇，

坐係我隔離嘅茹姐就唔知點解偷偷地瞄左我部機一眼，

「哼!依家係ig上面搵其他女唔洗理我啦!」

「邊度有?」

「我明明見啱先有個女仔follow你你仲禁埋入去睇，仲想呃我?」

我啱先的確禁左入條女嘅個人檔案睇，條女嘅icon仲幾靚，睇黎茹姐有啲吃醋，但我反而忍唔住笑左出黎。

「乜野女仔，佢係...佢係偽娘黎嫁，哈哈哈哈...」

我禁返"條女"嘅個人檔案俾佢睇，我即刻笑到停唔到口，今次仲唔輪到你柒。

「頂你原來係偽娘，搞到我吃晒醋，我仲信到十足，玩鳩我。」

然後茹姐尷尬咁打左我幾下，佢今次真係可以柒返夠本。

「我唔想嫁，係你自己望過黎，哈哈哈。」

「仲好講喎頂你個肺。」