【愛情甜故】我同條女敦倫的日子: 不離不棄

太陽慢慢落下，橙色光茫照到我整遍整個大地，使得海面上反射出閃亮嘅光粒，而太陽亦變得橙紅。

「係呢阿豪，你係咪仲好唔捨得阿欣?」

無啦啦茹姐竟然提起阿欣。

「點解咁講?」

「冇啊，我見你銀包上面仲擺住你同佢嘅合照姐。」



茹姐講完之後我沉默左幾秒。

「講起阿欣，我的確仲有少少唔捨得佢，因為每當我地去到某一啲地方我都會記起佢，加上呢張合照對我黎講好重要，我會好好珍藏。」

「就好似今日睇日落，我就記起以前同阿欣一齊去嘉頓山睇日落，真係好浪漫，真係好想返返去舊時咁。」

「咁...都係嘅，呢幅相對你黎講咁重要，真係要好好珍藏，要繼續留係銀包入面唔好拎出黎。」

我睇得出當我提起過往我同阿欣啲往事後，茹姐面露有少少唔開心嘅表情，我就知咩料。



「你吃醋呀?」

我即刻微笑住咁對佢講。

「冇...冇啊，邊度有。」

女人通常口不對心我點會信佢。

「既然你唔鐘意咁我拎走佢放我地嘅合照好唔好?」



「真係?你唔係話要珍藏咩?」

茹姐即刻感到有啲不可思議。

「珍藏都有好多形式嘅，我可以拎返屋企擺係相薄入面。」

「咁你...」

「唔洗再解釋啦，你一定係心諗點解我地一齊唔係擺我地嘅相而係擺其他女仔嘅相，你覺得咁樣俾你啲friend見到會令佢地亂諗。」

今次到茹姐沉默不語。

「傻豬，我諗通左嫁啦，我話過要放低阿欣就唔可以日日一打開銀包就見到佢，咁樣我只會成日都唔捨得佢，過去嘅事應該要由佢過去。」

「加上依家我愛嘅係你，我地應該要好好地製造屬於我地嘅新回憶，一齊幸福咁行落去。」



我邊講兩手邊貼住佢塊臉。

「衰鬼，你真係好清楚我諗乜，不過都開心你終於識諗通，以後我地一定要開開心心咁行落去，有咩事我都唔會離開你。」

「咁既然我話要製造我地嘅新回憶，拿拿林我地selfie返幅相先啦。」

「嗯!!」

然後我拎起手機伸向前對住我地，茹姐貼住我，而我就用左手攬住佢，我地嘅頭都側貼住對方，面露一絲微笑。

「叱吒。」

手指一禁落粒白色圓圈製閃左閃就影左相，我地嘅第一幅合照就此製成。



「阿茹，我仲有樣野想同你講。」

「嗯?」

「以後你黎我屋企住好冇?」

「點解突然想我黎你度住?」

「因為我想日日時刻都可以見到你，另外你係度我唔洗覺得寂寞，唔洗成日都記起阿欣掛住佢。」

「你真係想我黎你度住?聽講成日見得多會好易冇新鮮感。」

「我愛一個人就會長長久久咁愛落去，要咁多新鮮感做咩，加上有你係度我日日都只會開心唔會覺得悶。」

「好...好啦，既然你都叫得我我想拒絕都難啦。」



「YEAHS!!以後我一定會好好照顧你。」

「既然我去你度住，伯母會唔會反對?」

「唔會，佢見到我帶條女返屋企開心都黎唔切啦，佢不知幾想屋企可以滋潤下。」

「都係，話晒你都已經廿歲仔，估計伯母都唔會有太大反對。」

我一直都冇同大家講其實我已經廿章，以前因為我成績差留過兩年級，所以我自畢業嗰陣已經19歲，所以個個都話我老餅野。

「同埋我老母唔係阿欣個伯母，佢見到有人黎我地屋企都會變得好客氣。」

「嗯，咁就好，我可以日日陪住你。」



「係呢講起伯母，阿欣伯母係咪真係已經拉左入青山?」

「關於佢嘅消息，佢俾差佬拉左之後就將佢送去青山單獨囚禁亦加深左對佢嘅看管，但我上個禮拜竟然睇到有單新聞...」

我講到呢度停住左，因為佢嘅結果令我不可思議。

「嗯...?唔通又講佢走左出黎?」

「消息指佢已經係青山入面...自殺左。」

茹姐聽完都表現得好驚訝。

「佢死前仲不斷大叫"我大仇終於得報，佢終於死左"。」

「佢係點死?青山入面唔係有好多安全設施嫁咩?」

「新聞話佢係用佢鋒利嘅指甲鎅開左條頸自殺。」

「咁樣都得?佢真係好恐怖。」

睇黎連茹姐都估唔到伯母會用咁樣嘅方法黎自殺，就連我都覺得好不可思議，

「如今伯母咪開心，佢嘅心願達成左，殺左自己個女之後再自殺埋。」

「佢死左之後我地就唔會再有危難，我會癡實你。」

說罷茹姐就雙手攬實我，頭挨住我肩膀，坐住一齊望住前方橙紅色嘅夕陽，

茹姐你放心，日後嘅日子我唔會再俾你受到任何傷害，因為如今我係你嘅男人，我有責任，我係你嘅依靠，

就算以後日子有幾艱難我都唔會離棄你，呢個就係阿欣想見到嘅畫面。