【愛情甜故】我同條女敦倫的日子: 孽報
我地係旺角行下行下好快太陽開始落山，正當我地行落地鐵站準備離開時，茹姐呢個時候突然忽發奇想提出一個提議。
「阿豪，不如今晚去埋海濱。」
海濱!?FUCK，咁咪又令我勾起唔少阿欣嘅回憶?究竟佢係咪阿欣派黎嘅臥底黎，專門帶我去啲以前我同阿欣去過嘅地方。
「去海濱?點解?」
「可能因為夜晚嗰度涼爽掛，同埋嗰度夜晚又靜又浪漫，總會令我思緒泛濫，我地咪當靜靜地傾下計。」
唔通茹姐都會有心事?
「既然你咁想去，我就陪你去埋啦。」
算啦去就去，我話過要放低阿欣，唔通度度都唔去咩。
「叻仔，咁咪好。」
應承佢之後我地就搭地鐵向觀塘出發，
直至去到海濱，陣陣海風吹過十分涼爽，而同我同行嘅茹姐就索晒鼻涕咁樣，一睇就知佢冷親，明明佢著到成隻種咁仲會冷親。
「冇野嘛茹姐，你好凍咩，你戴晒圍巾嫁啦喎。」
「冇...冇野，我琴晚舖少左張披凍親姐，邊學得你咁咁凍仲可以著件短袖出街。」
咁又係啊，同佢同行又真係有一個好大嘅反差，佢著到成隻種咁我就著件T-shirt出街。
「我俾張紙你啦。」
我馬上從褲袋掏出一包紙巾。
「嗱。」
然後我就遞俾佢。
「唔該晒喎。」
接過紙巾後佢就不斷地呻鼻涕。
.
.
.
「好啲未啊!」
一陣之後佢就冇再呻，我地繼續沿住海濱向前行。
「好啲啦，其實我自己有紙巾洗乜你俾我。」
「你有紙巾你都唔會拎出黎嫁啦，你咁懶。」
「點解你要對我咁好成日幫我?」
「咁朋友之間緊係要互相幫忙。」
「又唔見你以前對阿欣、對啲朋友咁好。」
茹姐做咩冇啦啦問埋呢啲野。
「你又知我以前對朋友唔好?」
「阿欣佢乜都同我講晒，話你好鹹濕根本唔會幫人，所以你講真話啦。」
俾佢識穿左我個大話之後，我即刻收起笑容。
「既然你咁想知，我就不妨同你講。」
「其實當我同阿欣分開左之後，我一直都責怪自己覺得好自疚，我對佢做左好多衰野，仲趕走埋佢。」
「事後我先想好好珍惜佢，但一切已太遲，我已經冇得挽回返佢，之後我為左要彌補以前所犯下嘅罪孽同埋唔想再重蹈覆轍。」
「所以我同自己講我日後要好好咁樣對啲女仔、要幫佢地、要珍惜佢地，而唔係再趕走佢地，我相信咁樣亦都係阿欣想見到嘅境像。」
我望一望茹姐，佢好專心咁聽我講野。
「所以你先咁幫我?」
「係啊，如果唔係阿欣離開我，我估依家應該都仲係好殘暴咁對女仔，更唔好話對佢好。」
「咁佢離開都算幾有意義，幫你改變左咁多，仲對抗埋心魔。」
「係啊，我相信佢以前走嗰陣應該都係好心痛。」
「係呢，咁你以前點解會鐘意佢?」
「其實我都唔知，總之由我見佢第一眼開始我就好似已經鐘意左佢，我個心會跳得好快，佢眼大大當我望住佢嗰陣就有種放電嘅感覺，同埋佢真係好可愛。」
「我地好夾，夾到連性慾方面都一樣咁強，就咁樣我地一齊左。」
「咁你地咪即係一見鍾情?」
「都算係嘅。」
「咁如果有個都幾靚、又同你啱傾又玩得嘅女仔出現，你會唔會鐘意佢?」
「如果真係有呢個女仔出現，呢啲野都要睇有冇感覺嘅，不過如果好似你啲咁嘅男人婆就緊係唔會哈哈。」
「頂你又話鳩我，我先唔會鐘意你呢啲咁嘅柒頭。」
當我串完佢佢又打左我一下。
「哈哈...係呢，咁你又有冇經歷過啲乜野?」
我識左佢差唔多兩個禮拜都未聽過佢以前嘅經歷。
「我啲經歷都唔算好好，都算係一個孽報。」
「講啦我會聽。」
「其實我以前收過唔少兵，有好多男仔都俾我玩過感情。」
茹姐以前竟然收過兵!?真係睇唔出。
「嗰陣我覺得做娘娘真係好正，一人之下，萬人之上，只要我一聲令下，啲男仔就會撲過黎幫我做野。」
「為左要得到佢地嘅歡心我有時會扮關心下佢地，俾假希望佢地，然後佢地就會更加迷戀我。」
「收兵雖然開心，但好竟不常，慢慢我發覺就連我條仔都玩緊我感情，最後佢就飛左我。」
「我真係好鐘意佢，曾經我好幾次想挽回返佢，但每次佢都將我打走，有一次仲俾我斷正佢拖住條女出街。」
「我喊左足足兩個禮拜，好耐都放唔低佢，佢傷得我好透，曾經我仲認定佢係呢個世上最愛我嘅男仔，最後先知原來佢假情假意，貪求嘅只係我嘅美色想同我上床。」
「然後我就知道呢啲就係我收兵後嘅孽報，之後我先散走晒啲兵慢慢開始從良。」
茹姐嘅經歷同阿欣有少少似，不過孳報方面咪就同我一樣，有因必有果。
「咁你即係已經...俾人"入"過?」
「嗯...」
「我嘅第一次已經俾左佢，我真係好驚日後我鐘意嘅人會介意我呢點，所以關於我嘅經歷都好少向外公開。」
「我好希望我之後會遇到個真正對我好嘅男仔，又會對我專一唔玩感情，如果真係出現，我想同佢走到終點。」
「唉，曾經一度風光嘅你最後都落得如此下場，真係風水輪流轉。」
「咁如果你係我鍾意嘅人，你唔會介意我?」
「我係你鐘意嘅人?」
「我話如果!」
「如果你問我我會話我唔會介意，如果我介意就唔會同阿欣一齊，因為曾經阿欣係公廁...」
「我知，不過都多謝你唔介意我嘅身勢。」
「大家咁話啦，我地都係過來人。」
真係茹姐唔講唔覺，我都開始慢慢覺得我越黎越似暖男，
雖然我對茹姐冇感覺，但當佢有咩事我都會幫下佢，每當幫完佢我內心都會安樂啲，可能呢啲就係我想得到嘅珍惜，
呢晚我地係海濱傾下心事又再令我進一步了解到茹姐。