【愛情甜故】我同條女敦倫的日子: 自由的一日

經過海濱嗰日後我的確對茹姐了解左好多，而好快又過左一個禮拜，

自從識左茹姐之後，佢唔係不斷炸我機就搵我出去玩，所以我部手機每日都響不停，你都咪話唔煩。

而呢日起身佢竟然冇wts我，平時起身我都會見到佢一直叫我起身猛地轟炸我，

我頓時感到無比清靜，終於冇再聽到訊息聲響起，

而佢最後上線時間係01點43分，同我講嘅最後一句話係:「瞓先早抖~」



既然今日咁得閒又冇人煩就緊係搵啲野黎做，而我平時出街就見唔少人係條街跑步，所以我都想試下，就當再做下運動keep fit下身子，

所以我會由屋企出發跑到去海濱，睇地圖睇落唔係好遠，但對於我呢個第一次跑步嘅人黎講都幾遠，應該都會跑到變on9。

然後當我食個早餐換好晒衫後我就出發了，我著左件青bb嘅T-shirt同條短褲去跑，我check左check天氣，今日都有成14度，唔算太凍，

我開頭好慢咁跑，仲慢過隻龜，就連街邊啲阿伯都快過我，所以我加快左少少，然而當我一加快就發覺仆街，條氣開始有啲喘。

當我沿住一條藍色嘅天橋落到去工業區嘅一個十字街口等過馬路時，我已經滿頭大汗，癡撚線原來跑步係咁辛苦，唔怪得阿偉佢以前跑都跑到變on9，



紅燈轉眼變成綠燈，然後我越過馬路沿海濱方向繼續跑，

沿路我見到間安盛金融中心，近睇真係好撚高級，再向前跑就係熟食中心，大排檔feel，呢度就好撚污糟曱甴滿佈，而對面全部都只係工廈，

一個只有100多米嘅地方就可以充分體現出高級同低級嘅分別，

真係得自己一個嗰陣先可以咁留意周圍嘅事物，原來一個人都有一個人嘅好處，見識嘅野都多左。

跑下跑下又到左一條馬路，後面嘅牆就貼住幅鬼佬大字樣「8177 7778」，



而馬路對面就係之前阿彤買水俾阿偉7仔，亦係嚇阿偉嘅嗰個轉彎位...我望見呢間7仔令我諗起阿偉，我好唔捨得呢位兄弟就咁走左，冇得再同佢齊齊癲齊齊爆粗。
.
.
.
再跑左幾分鐘好快就到左海濱，我成個人已經濕晒，亦都喘晒氣，既然一場黎到緊係係到休息下，

我周圍望左望，都幾多人不過好彩茹姐唔係度，如果唔係一定纏實我，然後我行左一陣就坐低左係張凳，

陣陣海風吹過黎真係好舒服，我做左咁多年人都未試過靜心咁一個享受下個大自然，真係嘥晒，

如果呢刻阿欣係度就好，我可以同佢一齊感受~
.
.
.
直至下午我返屋企食完lunch，茹姐仍然冇搵過我，佢最後上線時間依然係01點43分，即係佢冇上過線，



我覺得有啲唔尋常，平時我見佢上線時間好頻密，今日就一次都冇上過，我開始為呢個煩人有啲擔心，

不過另一方面又壓抑住股擔心，覺得佢應該係未瞓醒嫁姐，有時佢好懶瞓，等佢瞓醒佢就炸鳩我機，

所以我都係決定打機唔理佢住，行樂需及春，費事等陣我對佢過度擔心點知佢乜事都冇我就會柒左，佢就會笑鳩我，我唔敢冒住柒嘅風險去搵佢。
.
.
.
快樂不知時間過，好快就打到下午5點，太陽都開始落山，而茹姐都係冇搵過我，最後上線時間不變，

我呢個時候唔單止好擔心佢，更加有種不祥嘅預感，覺得佢可能出左事，所以我拎起電話就打俾佢。

「...嘟嘟...」



電話接通左!

「...嘟嘟...」

雖然接通左，但等左好耐都冇人聽，最後仲收埋線，

然後我再打多幾次俾佢，希望佢快啲聽電話，但結果並沒有變，依然係冇人聽電話，

本來今日佢唔搵我我應該覺得自由同清靜，因為真係難得，但奈何我依家竟然又因為佢唔搵我而感到焦急。

「阿豪，冇啦啦你做咩咁驚青，呢排見你開心左好多嫁。」

老母一出廚房就見到我焦急嘅樣。

「因為平時我傾開計玩開嘅女仔今日竟然音訊全無左，我依家好擔心佢出左事。」



「原來你呢排又識左個女仔~唔怪得你開心左咁多。」

「唔好講呢啲住，你覺得佢會唔會出左事?」

「你話佢今日音訊全無左，咁做咩你早啲又唔搵佢?」

「我以為佢未起身嘛，平時佢成日炸我機，上線時間好密嫁，但到啱先維止佢仲係一粒聲都冇，打左幾次電話俾佢都冇人聽，所以我先開始擔心佢。」

「衰仔，早啲又唔搵佢掛住出去跑步返到黎又打機，你點樣照顧女仔嫁，可能人地依家出左事啦。」

聽到老母咁講我就表現得更焦急、手足無醋，如果佢出左事就真係多得我唔少，我真係唔想再見到另一個女仔係俾我累死。

「咁我依家究竟點做好!?」



「你出去啲平時你地成日去或佢成日去嘅地方搵下佢啦。」

「好，我依家即刻出去!」

老母俾左個方法我之後就開始出去搵佢，希望佢會乜事都冇，

而呢刻不祥嘅預感就更強烈，眼眉亦開始不規律地跳動着。