【愛情甜故】我同條女敦倫的日子: 前度的朋友

幾日又過去，

自從老母同我講完關於心魔嘅出現之後，我終於覺得自己罪惡感冇咁重，

雖然我仲係好放唔低阿欣，但多得老母呢幾日勸告，我知道咁樣落去都唔係辦法，

老母講得啱，我再咁樣折磨自己頹落去佢都唔會返黎，如果我連條命都冇埋就連阿欣一面都見唔到，更加唔好話掛住佢，

與其一直為一個冇可能返黎嘅女仔而頹廢，倒不如自己做多啲開心嘅野，可能會快啲放得低佢。



老母又講得啱，我應該去做下gym keep 翻fit個身子，成日聽人講gym房好多儀器，我都想去睇下係點，順便玩下，

由細到大我淨係鐘意打飛機扑野，我都冇諗過仲可以做gym keep fit，今次就當係一個新嘗試，

然而我著左件T-shirt同短褲就出發左去做gym，雖然陣陣寒風吹過，但我已經唔覺得凍。



直至我去到gym房，入面空間唔算太大唔算太細，不過就有好多儀器，排得好整齊，差唔多每部儀器都有人做緊，



入到黎隔離有幾張凳俾人坐，前面右手邊就有幾部跑步機，跑步機上面都有人跑緊，

而最接近門口部跑步機就有個女仔跑緊，咁啱跑步機係對住塊鏡，所以我望到佢個樣幾標緻，望落似接近20歲，

佢紮馬尾，著住件灰色短袖運動衫，黑色緊身長褲，身高大約都有165，側面睇有幾分似阿欣，

見住佢chok住手跑跑到出晒汗就連面都紅晒但都冇停落黎，佢呢份堅持我真係要對佢欽敬欽敬~

然後我視線移離再望下其他位置，我望到有啲阿婆阿伯竟然都有黎做gym，真係寶刀未老，



我以為黎到個個都年青力壯大大隻，但原來唔係，有啲瘦到成條柴咁嘅人都係度做gym，佢地較到最輕玩緊部推胸機，我心中暗暗地恥笑左佢地一下。

而成個gym房淨係得幾個係真係大大隻，佢地拎緊大大個啞鈴舉緊，舊肌肉仲大過我個頭，癡撚線!

同我預期有好大出入，可能呢啲就係現實與幻想，睇得戲多以為呢度個個都係大隻佬，

不過都好嘅，以後我黎到就唔洗咁自卑，就唔洗凝住自己係最瘦嗰個驚死俾人笑。

「呯!」

正當我仲係度周圍巡視緊之際，突然我前方傳出一聲巨響，我視線迅速地向前望，

「小姐小心!」

原來係正在跑步嘅嗰個好標緻嘅女仔從跑步機上面跌低左，我第一時間即刻衝去扶起佢，扶起佢之瞬跑步機仲未停，聽到呢下巨響全場啲人視線都立即聚焦晒過黎，



隔離有人見到就即刻幫手禁停左，而我就扶到隔離張凳坐住。

「冇事嘛小姐?」

「冇...冇事。」

佢話冇事但我就見到佢手踭流緊血，睇就知有事啦扮乜野。

「冇事?你手踭流緊血喎。」

然後我搵下我褲袋，竟然俾我搵到塊膠布，唔通係老母擺落黎?

我唔理咁多就拎出黎幫佢黐住，黐完之後我再抬起頭望住佢。



「得啦，應該係擦傷下嫁姐，依家真係冇事啦。」

「唔該晒。」

突然佢對我露出一絲微笑。

「咦，你咪係張倩欣條仔?」

「點解你會知?」

「我係佢個friend，佢有俾過你嘅相我睇，仲講到你好衰不過依家睇黎又唔似喎，其實你幾好啊。」

係呢度竟然會俾我撞到阿欣嘅friend。

「原來係咁，咁都撞到你。」



「不過聽講你地最近散左，真嫁?」

「係呀，不過已經唔係最近，已經係幾個月前嘅事。」

睇佢款都幾樂觀，竟然一直主動同我呢個陌生人傾計。

「雖然佢以前話你好衰成日同我呻佢同你一齊有幾辛苦，但依家睇落你又唔似呀。」

「有好多事你都唔知，我同佢之間經歷過太多野。」

「係呢講翻你先，點解你會無啦啦仆街?」

「都怪我唔小心，我唔小心左腳kick右腳失平衡仆低左。」



「咁你呢?平時都會黎做gym?但我好似未見過你。」

「其實我今日係第一次黎做gym，諗住黎鍛鍊下keep fit下個身子。」

「咁遲啲可以一齊黎做gym喎，既然你咁想鍛鍊。」

佢真係好樂觀，知道我係阿欣嘅前度之後佢對我竟然完全冇戒心同我暢所欲言。

「好啊!」

「我地...可以做個朋友?」

然後佢更主動向我提出想做friend。

「可以，我正缺朋友，我叫阿豪。」

「我知，你叫唐富豪嘛。」

「咁你呢?」

「我叫黃芷茹，你可以叫我阿茹。」