【愛情甜故】我同條女敦倫的日子: 改變，係為了成就今日嘅我
又再過左一個月，我已經同阿欣兩個月冇見面，天氣依然好寒冷，而呢個月已經冇特別嘅事發生，
好多野我都睇化晒，我覺得感情呢樣野冇得強求，如果再俾我見返阿欣，我唔會再迫佢同我係翻埋一齊，只求見佢一面就得，
因為我知道勉強冇幸福，始終我以前真係有負於佢，大不了咪做翻朋友囉，俗語都有講「再見亦是朋友」。
而我同老母咪繼續平平淡淡咁生活落去，間中就鬥下嘴俾佢串咁解，
最近佢仲多左個師奶性格，成日見到平野或者大減價都會想買，仲會同人講價，真係服左佢。
「喂阿豪，今日觀塘有間舖啲野大減價，我俾張紙你你幫去買返黎好唔好?」
今日老母又叫我去買野，佢驚死我唔記得買乜所以寫埋個地址同想買嘅野係張紙度俾我。
「癡撚線，你買咁多野!?」
我一望張紙，佢想買嘅野多到張紙都寫滿晒，家具、食物、清潔用品，通通都有。
「係呀，今日大減價嘛，你咪當幫輕一下老母。」
「好彩我地住牛頭角去觀塘都唔算好遠，嗱我幫埋你呢一次嫁咋，下次你要自己去買咪叫我。」
「今次就當孝順你老人家。」
「得啦，下次我自己去。」
就係咁我就俾老母叫左去買野。
.
.
.
正當我出左門後，我再細心望一望張紙上面嘅地址，彷彿好似諗到啲野。
「咦，呢度咪係阿欣屋企附近?」
直至我到達間舖頭門口轉灣準備入去之時，我見到一個熟悉嘅身形吊住袋貨物從舖頭入面行出黎，
佢皮膚白晢，啡色長頭髮，著藍色風褸，黑色短裙，黑色長boot，佢出黎嗰下身上隨之而來嘅香氣亦傳進我鼻孔，
我認得呢陣香氣，就係你一一張倩欣。
我立即上前拍拍佢肩膀。
「阿欣?」
佢回望過黎，眼前令我一亮，真係你!!
「阿豪!?點解你會係度?」
睇黎阿欣都冇意料到我會咁樣撞到佢，一時佢都好愕然。
「冇...冇啊，我俾老母叫黎買野咋嘛，我地好耐冇見。」
「嗯，都有兩個月。」
唔知點解，明明心入面好多野想同佢講，但當我見返佢嗰陣我又講唔出口，可能因為我地太耐冇見面，大家都產生左一層隔膜。
「係...係呢，你依家仲係出面住?」
呢次見返佢，我心跳得十分快，仲要好緊張，所以講野都講到口疾疾，就好似返返去以前我地初認識嗰陣咁。
「冇啊，我上個月搬返返黎住啦，出面啲租金咁貴我點俾得起。」
「係啊，搬返黎住慳返唔少錢。」
頂，我緊張到連話題都諗唔到。
「你幫我屋執得幾乾淨，唔該晒你。」
「舉手之勞姐，哈哈...」
「阿欣，上次呢...真係好對唔住，我咁樣對你。」
我話過我見到阿欣之後一定會同佢道歉。
「唔緊要啦都過左去，我都有錯嘅打左你一巴仲咁決絕走左去。」
「咁又唔洗自疚，多得你嗰一巴先可以將我打醒。」
「嗯。」
「係...係呢，你今日唔洗返工咩，咁得閒黎買野。」
「我今日放假嘛，加上屋企又冇乜糧食所以咪出黎買下野。」
「原來係咁。」
「阿豪，咁你依家有女朋友未? 冇就快啲識翻個啦，我相信你第時個女朋友一定對你好好。」
我淨係想要你一個做我女朋友，我真係好鍾意你。，我鼓起勇氣講出埋沒左係內心中好耐嘅說話。
「阿欣，你可唔可以俾多一次機會我?我地重頭黎過好唔好?」
「...」
阿欣沉默左幾秒。
「你相信我，我依家真係百份百做翻自己，我會好似以前咁樣呵護你。」
「...」
阿欣繼續保持沉。
「我知我之前抵死我錯，但我保證之前發生嘅所有事唔會發生係將來，其實我真係好掛住你，我好放唔低你，我仲好想同你一齊開開心心渡過日子，我愛你。」
「...」
「你之前咪話過愛情、朋友、扑野邊樣最重要，依家我可以好肯定咁講，你係最重要，我會將你擺係第一位。」
「阿豪...恐怕我唔可以接受你，以前你提過好多承諾但就達成唔到，我已經對你失去晒信任。」
「你要知道，一對情侶信任係好重要，如果冇左信任只會互相顧忌，最後都唔會一齊得好耐，所以我地係勉強冇幸福。」
「不過有一點你係值得讚，我覺得你個人開朗左、精神左，仲要孝順左，睇黎你應該改好左。」
「係啊，我係為左你先努力將自己改好，你係我嘅動力，為左你改得再辛苦都會堅持，目的就係想俾你睇到我今日嘅改變。」
「我見到啦，你為左我而改變我都覺得開心、好有成功感，你以後就要靠自己啦，唔好下下靠我啊，快啲放低我，我地仲可以係朋友。」
「我地真係冇可能再一齊?」
「可能係我問題，我真係唔可以再接受你，我對你以前所做過嘅野已經出現陰影，我唔想一段感情再係咁勉強地撐落去。」
「咁...咁好啦，我唔迫你。」
我低下頭，表現出一個苦口苦面嘅面容。
「做唔成情侶咪做朋友囉，我又唔係瓜左，唔洗咁憂傷喎，振作啲啦，你要記得你依家係開朗嘅唐富豪。」
「嗯，仲有你可唔可以幫我同你家姐講聲我已經變好返，我想阿偉佢原諒我。」
「好啊，我會講。」
「係喎，講左咁耐你話你去買野仲唔快啲去買!」
「咁我去買野先啦，拜拜。」
「拜拜。」
我同阿欣揮手道別後，佢就離開左。
呢次同阿欣再次重遇我冇再對佢死纏爛打，因為我知道勉強冇幸福，不過話唔開心就緊係有，其實我個心真係好痛，
不過死纏爛打又有咩用，咁樣只會付佢更加想避開我覺得我煩，只希望我真係可以快啲完全放低你，
最後我只好帶著沉重嘅心情步入舖頭。