【愛情甜故】我同條女敦倫的日子: 和好2
「阿欣佢好好嫁，會關心我體貼我仲同我成日行街街去玩人又靚女又得意，可惜因為心魔嘅存在令我越變越差什至趕走埋佢，到佢走左我先開始掛住佢。」
「有一次我係街撞翻佢諗住挽回翻佢但點知心魔再次出現仲上我身想搞佢，之後乜野都唔知到嘅佢當然又嬲左我，仲叫我以後唔好再搵佢，我真係好hurt。」
「所以由嗰刻開始我就要發誓消滅左隻心魔然後先再追翻阿欣，我真係好愛佢好想同佢過返以前我地最初嘅日子。」
「佢走左之後就冇人再關心我，我覺得好孤獨，晚晚發夢都會夢見自己一個係度喊。」
係呢一次同心魔對抗嘅事件上面，我深信係我人生中同老母最融洽嘅一次，可能連個天都想我同老母有呢一日嘅出現。
「點解孤獨?你啲朋友呢?聽講你以前有個好好嘅朋友嫁。」
「唉，我將佢趕走埋啦，因為我連佢條女都搞，條女仲係阿欣家姐。」
「佢係我唯一嘅兄弟，以前我地真係乜都可能傾一餐，好開心，而淨低嗰啲都只係豬朋狗友、酒肉朋友，唔會真係同我傾心事。」
「我知你都唔係有意嘅，最緊要係你依家肯改嫁姐，遲啲你再試下搵翻佢地啦。」
「仲有啊，你孤乜野獨姐，老母我唔係人啊，有乜事咪同我傾下。」
老母係第一次咁樣鼓勵我，真係世上只有媽媽好。
「你要記住，老母我以前拍拖嗰陣你有經歷過同你類似嘅情況......所以我會明白你。」
「咦，睇黎你都有個故事喎。」
「hey，我嘅事你唔洗理啦，總之你要記住你並唔係孤獨。」
「雖然我平時唔多理你，但你始終都係我生出黎，我都唔想白白睇住你死，有乜野幫手我會盡幫。」
「嗯，多謝你。」
真係估唔到以前最唔理我嘅人到我失去晒所有野嗰陣竟然會成為最關心我嘅人，係你令我知道我並不孤獨，真係要多謝你。
.
.
.
幾日之後我出左院，我同老母嘅關係亦都係呢件事上面變好左，大家溝通多左，
不過冇變過嘅係，佢依然會串嘴同死要面，語氣仍然會粗聲粗氣。
「點啊，呢幾日仲有冇見暈?」
呢日係屋企老母少有地問侯我。
「冇啦，已經好返晒，狀態好左好多。」
「咁就好，記得有咩事就叫我。」
「嗯。」
真係唔講起我都唔記得，我呢幾日確實開朗左好多，支野冇再痕、青筋亦消退左好多、性慾都降低晒，亦冇再聽到心魔把聲，冇再俾佢控制，我終於做翻我自己。
同之前阿欣走左之後嘅狀態一樣，不過唔同嘅係我冇再咁憂傷，可能我已經少少放得低阿欣，雖然話就話有少少放得低，但係想搵翻佢嗰個決心仲係度，只係冇再咁傷心咁解，
如今我消滅左心魔，好應該同阿欣共享天倫之樂，去好好回報翻佢，所以我好希望再可以同佢重遇，
我依家先知道原來唔扑野都可以咁開心，脫離打丁扑野成癮嘅日子可以做更多有意義嘅事，成個人會清爽左好多，
以前我咁鹹濕日日淨係諗住最緊要扑野其實為乜，為嘅都只係自己一時嘅快樂，最後連自己身邊一切嘅人都趕走晒，依家諗翻起真係覺得自己好自私。
「阿豪，你又諗緊你同阿欣嘅往事?」
應完老母一聲之後我就發晒呆。
「係呢阿媽，你話你以前同老豆嘅經歷同我差唔多，究竟係點?」
「做咩?家陣你都識八卦啦?」
「咁都係問下姐，冇理由我咁大個連自己老豆係點都唔知。」
「既然你咁想知，我同你講都無妨。」
「嗯，講啦。」
「其實你老豆都係一個性慾好強嘅人，佢晚晚都會同我搞野，不過佢脾氣就好暴燥，有時飲醉左返到黎就會瘧打我，又或者有時我同反抗佢都會打我，一定要我百分百服從佢命令。」
「就係佢晚晚都同我搞野，加上又唔戴套，好快就有左你，直至你出左世冇耐佢好快就同第二個女人走左路，亦同我離婚，我真係好hurt，就係咁你細細個就冇左老豆，係我一手一腳湊大你。」
「可能你遺傳左你老豆，所以你天生性慾就好強好鹹濕，一見到啲靚女就眼都唔眨咁望住人。」
老母提起我好鹹濕，我就記得我中二嗰陣因為我地班黎左個好索嘅MISS，小息嗰陣我就手多多偷偷地摸左下佢pat pat，然後就俾個MISS話我非禮最後記左個小過，
而呢件事好快就傳遍整個級，所以由嗰刻開始個個都認定我係鹹濕仔，冇一不知「豪哥」呢個大名。
「但我記得細細過同你相處嘅時間唔多。」
「係因為我嗰陣要返工賺錢養你，所以我就帶你俾外婆睇住先，而每晚放工你都已經瞓左，所以我地先咁少時間相處。」
「唔怪得之我由出世至依家都未見過老豆一眼，原來一早已經離左婚，枉你仲一直呃我佢死左。」
「當時你仲細嘛，你根本連離婚係乜都唔知。」
「算啦算啦，呢啲事都已成過去，不過估唔到你都會有一段咁悽慘嘅往事。」
「老母我有好多事你都唔知，你唔好以為老母日日都係咁安樂過日子，有啲事有苦自己知。」
「有咩事咪講出黎囉，我地兩母子黎，你並不是孤獨，你講嫁。」
「衰仔，家陣學我講野就學得咁快，又唔見你以前讀書學野學得咁快。得啦，傾下囉。」
「呢啲叫孺子可教啊，你識條鐵咩哈哈。」
就係咁，今日我正式同老母打開左溝通橋樑，亦對老母了解左好多，
如果你話阿欣係度見到呢個場面你話幾好。