【愛情甜故】我同條女敦倫的日子: 打聽消息

於是，我再苦搵左佢幾日但始終都係音訊全無。

但係有件事唔講都唔覺，自阿欣離開後至依家，我已經慢慢唔再覺得J痕，脾氣亦好左好多，

可能係呢排冇扑野，以致支野啲青筋都消退左好多，其實都係源於性慾有所降低。

我真係唔清楚係咩一回事，就好似阿欣係度先會影響到我J痕、越變越差。

但我唔信，就算我搵返佢同返佢一齊我都相信我一定唔會再好似以前咁樣。



突然我好似記起有一個人可以幫我搵到阿欣或者知道佢嘅下落一一何紹偉。

但係我上次先同佢反左面，依家又搵返佢有啲尷尬，硬係有層隔幕係我地之間。

但係為左要搵到阿欣，死就死啦，最多咪俾佢屌一餐。

我拎起手機打開聯絡人，冒住緊張同淆底嘅心情打電話俾佢。

「嘟嘟......嘟嘟......」



「喂? 唐富豪你仲敢打黎?」

阿偉聽左電話。

「阿偉......上次件事好對唔住，我想問下你知唔知阿欣去左邊?」

「你咁問到即係阿欣已經離開左你?」

「係啊，我真係好想再見到佢，我好掛住佢。」



「你仲掛住人做咩，你以前對佢做左咁多衰野、受左咁多苦，仲想搞埋阿彤，佢離開你係好事，佢可以過返啲好生活。」

「我知我以前真係好對唔住佢，但我依家真係會改，我發誓唔會再好似以前咁。」

「你會改?你會改就唔會等到失去左先黎珍惜啦，出面好多賤男都係咁。」

「你信我好唔好，我性慾已經冇以前咁強。」

「豪哥，你唔好再自欺欺人啦，我識左你咁多年你有邊刻性慾係唔強。由中學開始你就一直係我身邊不斷灌輸AV世界嘅日與夜，仲不時贈鹹書俾我，你唔好再呃人啦。」

「係，以前我係不斷向你灌輸AV知識，但我依家已經變左。你唔信問下阿強，我呢排已經冇同佢去蒲。」

「你唔好再辯駁，我唔會再信你......」

「偉仔，俾個電話我聽。」



突然電話另一邊傳來彤姐把聲。

「豪仔，我聽阿妹講佢同你一齊受左好多苦，你就俾佢走啦，兩個人其中一個變心都好難再維持。」

「曾經我都叫佢離開你，但佢就偏係相信佢會改變到你，如今佢知道真係無能為力走左嗰陣你應該俾佢靜下，唔應該再纏住佢，因為你地就算勉強再係翻埋一齊都唔會有好結果。」

「阿彤，以前我咁樣去撩你，我以前真係好賤格，對唔住呢啲都係我嘅錯。但如今到我知錯肯改嘅時候，我真係好掛住阿欣，呢刻先發現我最愛嘅都只係得佢一個。」

「我真係好想再見到佢、再陪住佢，我求下你同我講佢係邊，我保證我以後會好好地咁對佢、鍚佢，我會俾翻啲好生活佢。」

「我真係唔知佢係邊，佢淨係同我講佢離開左你搬出去住。豪仔，我唔係唔信你，但你以前實在對阿妹做得太多壞事，依家咪當係一個懲罰，俾佢冷靜下啦。」

咁又係，就算俾佢咁快見翻我，佢只會唔知點面對我。」



「如果可以，我想佢俾多一次機會我去改，我好對唔住佢。」

「仲有件事我想同你講，以前阿妹每次同我見面嗰陣都對我哭訴話你變左好多，同初認識陣嘅阿豪唔同晒，仲話你成日打佢，覺得好辛苦。」

「係，我之前真係好暴燥，但我真係唔想，我控制唔到。」

「算啦，你依家後悔已經太遲，人都已經走左後悔黎都冇用。」

或者彤姐佢講得啱，阿欣離開我係對我嘅一個懲罰，

又或者阿欣佢真係故意想迴避我，我根本冇可能搵到佢，究竟呢一走係咪代表我地就此分開永遠都唔會再見面?

佢想一個人冷靜下，我唔應該再苦苦纏住佢，就算俾我搵到佢都只會覺得我煩。

之後落黎嘅日子能唔能夠再俾我見到阿欣就只可以聽天由命，



所謂「佛系」，我唔會再去打聽佢消息，唔會再故意去搵佢，緣份來到嘅時候我地自然會相見。

希望個天真係會俾多一次機會我可以向阿欣親口道歉，只要見到佢一面我已經好開心。