【愛情甜故】我同條女敦倫的日子: 回憶地2

「喂 唐富豪!」

係街上漫無目的行緊嘅我突然聽到側邊有把女仔聲叫我，把聲好熟，

我往右邊一望，竟令我十分驚訝，心中綻放出無比的喜悅。

「阿欣，係你?我終於搵到你...」

我即刻撲上去攬住佢，眼淚亦慢慢流下。



「你知唔知，我真係好掛住你，我唔會再俾你離開!」

「做咩事攬得我咁緊啊，我依家咪黎搵你玩囉。」

我回過神眼對眼望住佢。

「你唔再嬲我?」

「我嬲你啲乜?做咩要嬲你?傻仔黎，我地去玩啦。」



「你唔嬲我就好，yeah!」

我興奮到孭住佢周圍走。

「你唔好走咁快啊，因住仆街。」

之後孭住佢黎到一間雜物店。

「有波板糖食喎，買唔買?」



「買啊買啊，支波板糖咁大有排食。」

「仲有棉花糖、辣條、雪糕，樣樣都係你鍾意食嘅野，買唔買?」

「好啊，通通啱我口味。」

然後我將佢鍾意食嘅野買晒俾佢食。
.
.
.
直至佢手上所有野都食晒，佢話想返去。

「啲野食係咪好好味?今日係咪玩得好開心呢。」

然後阿欣竟然佢有佢行唔理我，所以我拍拍佢肩頭再講:



「阿欣，其實呢，你覺得我地可唔可以復合?」

「我諗過嫁啦，我地冇可能再係埋一齊，我啱先出現都係諗住玩下你嫁咋。」

佢大力地fing開我隻手，我聽到佢咁講十分驚訝，佢語氣360度地改變，究竟咩事...

「唔好講笑啦。」

我瞬間感到心如刀割。

「我真係要走先，拜拜。」

最後佢真係走左，掉低我一個係街上哭泣。
.


.
.
「啊!!」

我嚇到彈左起身。

頂，原來又係一場夢，我望下架鐘，原來已經上午11點。

我再望下我手上拎住幅相，係我地嘅合照，原來我琴晚對住幅相傷心過度瞓著左。

「阿欣，你唔好玩我啦，你究竟係邊，我好想再見到你。」

然後我落床再拎起台上張我琴晚拎返黎嘅電費單黎睇，我先記起我不斷用緊佢間屋啲資源，

我覺得我唔可以再係阿欣屋企白食白住，我做錯野仲要搶埋佢間屋更加對唔住佢，所以我決定今日就會搬翻自己屋企住，我只會帶走一幅我地嘅合照。



雖然話就話搬返去住，但我今日會繼續出去搵佢。

然後我搭巴士前往中環，唔知我會唔會好似之前何紹偉同阿彤係中環海濱再次相遇咁俾我遇見阿欣。

上到巴士，今日巴士唔算多人，我上上層搵位坐住，

我再次見到我地以前嘅影子，每當搭巴士你都會扣住我隻手慢慢熟睡在我的肩膀，

望住你熟睡個樣，嘴巴仲會微微向上揚，真係覺得你幾可愛。
.
.
.
直至到達中環海濱，呢度同平時一樣都係咁多人;一樣咁多人、咁多情侶排隊坐摩天輪。



「我第一次坐摩天輪。」

我望住眼前不停緩慢轉圈嘅摩天輪，忽然腦海中閃出阿欣講過嘅一句，

我想同你坐第二次、第三次......我真係好想見到你。

不過你真係好蠢，竟然唔知我地係高處望落個海係藍色。

唉，就係因為你蠢先會鍾意上我呢個淫蟲，

就係自我上次係度un你嗰陣，我就開始變，變得慢慢失控。

上次我同阿欣好sweet地前來;今天只有我帶著孤單嘅身形前來。

世界上好多嘅野都係度變緊，但呢度並沒有變，碼頭、摩天輪仲係度，同平時一樣車水馬龍、人來人往。

變嘅只係人，以前經常陪伴在我身邊嘅某人，依家已經不復存在，亦係一種缺失，

要怪嘅只有怪自己趕走左人地，唔識珍惜。

「早知今日，何必當初。」
.
.
.
最後我再去左唔同地方，經過一整天我都係搵唔到佢，

究竟你去左邊，我已經兩個禮拜冇見過你，

定係你已經厭倦我，所以故意同我斷絕所有聯絡去避我?係咪你已經唔再鍾意我?