【愛情甜故】我同條女敦倫的日子: 相遇

就係咁我又渾渾噩噩咁過左幾日，我心情一直都好低沉，

始終都放唔低阿欣，曾經深愛過一個人又點會咁易放得低佢。

可能你地會問我點解隔左咁耐都唔再上佢屋企搵佢，

我想上嫁，但另一方面我又驚尷尬如果佢返左黎的話，唔知點樣去再面對佢，

始終我以前對佢作惡多端做左咁多衰野，加上大家又咁耐無見，大家之間點都會多左層隔膜。



所以我依家心情好矛盾，一方面好掛住佢好想再見到佢，另一方面又唔敢去面對佢如果見到佢的話。

所以呢幾日我冇再周圍搵佢，只係有時出街行下，不時回憶下我地以前美好嘅時光，只盼能夠係街上遇見佢。

呢日我入到間7仔買野，諗住買幾包即食麵返屋企儲備糧食，

我係貨架拎起一包即食麵，望住包麵上面嘅封面，見到係辣味，然後我好似諗到啲野口up up。

「麵...?黃色...?油麵...?辣味...?懷舊嘅相...?深水埗間茶餐廳...?」



「係喎，我仲未去過我地以前初認識陣一齊食野嗰間茶餐廳去懷緬。」

突然我內心有股衝勁湧上想即刻去返深水埗間茶記懷緬下，順便睇下我能否遇見佢，

加上全部我地以前去過嘅地方我都去過，依家就只差呢地方未去過，

如果連最後一個地方都唔見佢，咁我地就真係注定永遠冇機會見面，所以真係要好睇個天。
.
.
.


當我沿著人來人往嘅街道一直向前行時，不久就從街道脫穎而出，黎到一個較少人煙嘅地方。

繼續向前走，我終於見到間餐廳。一陣寒風吹過，令我不禁打一個冷震。

相隔一條馬路，馬路不時有幾片樹葉吹過，而對面間餐廳啲餐牌棟左出門口，寫住乜野醒神套餐又有ABCDE餐，

而餐牌嘅右手邊站著一個女仔，佢背向我望緊個餐牌，我視線全神聚焦在佢背影，

身型瘦削、啡色中長髮......著住一件紅色格仔加間條長袖恤衫...... 下身一條黑色短裙、白色運動鞋......

莫非佢就係阿欣!?

我腳步慢慢移動踏向前，行過一條馬路，我同個女仔嘅背影越黎越近。

好緊張，究竟前面個女仔係咪阿欣。與此同時，我嘅淚水唔知點解慢慢湧出沾濕我嘅眼框。



「阿欣?」

我行至佢後面拍一拍佢肩膀。

然後佢好快地擰轉頭，眼前視物立即令我十分驚喜，一張尖尖嘅臉孔配以紅唇呈現我眼前。

「阿欣，真係你，好掛住你。」

我見到係佢之後諗都冇諗即刻攬住佢，佢一時黎唔趕反應唔知講乜野好，應該係對我嘅出現感到驚訝，但並冇反抗。

但內心中突然又再傳出一把聲，

「快啲抓佢入殘廁屌!」



「我唔會再做對唔住佢嘅事，你唔好再慫恿我。」

我再次心對心同內心把聲對話。

「你再唔屌佢你就會冇性慾，你JJ亦都會越黎越短，你唔會再有得enjoy，從此失去男人唯一樂趣。」

「你收皮!我唔會再重視呢啲野，呢排我諗得好清楚，我寧願唔扑野都唔可以冇左阿欣。」

「你夠膽同我作對?你一定會後悔，你再諗清楚。」

「我屌你老母咪撚再嘈，我唔會再俾你撚鳩我，唔係你阿欣會離開我?會同我分手?我唔會再做對唔住阿欣嘅野。」

「好!你記住你呢句，唔好後悔。」

我冇再理把聲，亦冇再聽到把聲。



「阿豪?點解你會係度?」

隔左一陣阿欣終於出聲。

「阿欣，我真係好對你唔住，我以前對你做左咁多衰野仲咁包容我，直你走左之後留低封信同日記我先知道我以前真係冇好好咁珍惜你。」

「你知唔知我搵你搵得好辛苦，我好掛住你，依家終於俾我搵翻你，我真係好感動。」

一見翻阿欣我就有好多野想同佢講。

「你冇錯，係你對我殘忍我先可以對你死心，先可以及早知道你冇得救，當初你趕走左我如今你又黎搵返我做乜?」

「係咪想用甜言蜜語氹我返去然後又再瘧待我?其實我同你性格唔同我離開左你點解你仲要咁痴纏想格硬將我地拉翻埋一齊，我地冇可能嫁啦...」



然後我聽到阿欣開始哭泣。