愛是恆久忍耐: 第三十四章

第三十四章

因為訓喺度極唔舒服,所以我就問護士可唔可以扶我起身,令到我可以坐直個人唔洗訓喺度同Ashley傾偈。

護士走咗之後Ashley就坐喺我張床側邊「放心啦,可能只係短暫性郁唔到,唔會一世都係咁。」

雖然佢咁樣安慰我,但我個腦個一刻空白一片,等醫生個一段時間,我就好似等緊宣布死刑既囚犯一様。

醫生幫我檢查一下之後,就同我講需要再便一個詳細既檢查先可以確定到底係咩事。





於是就安排左我去做檢查,檢查結果出嚟既報告係一切正常,醫生到最後話再觀察一下同埋同其他醫生研究先可以知道原因。

老豆老媽子聽到之後,佢哋兩個既反應好唔同,老豆就好冷靜咁同我講叫我好好休息一下先。但老媽子一知道我唔郁得之後,就喊到收唔到制咁。好無奈之下,我只能夠安慰佢話唔一定有事既。

而阿康條死仔我諗住佢會在聖誕節呢個日子攬女happy緊,但估唔到佢竟然會過嚟探病。

「唔洗陪女咩？轉死性呀做咩走過嚟探我病都唔攬女呀!」

「兄弟入咗廠,我似重有心情攬女既人咩？女不嬲都可以再搵,但兄弟有事我一定係睇左兄弟先。」





面對阿康呢一番說話,如果唔係我郁唔到,我呢一刻一定會大大力咁攬住佢。當然呢一刻我能夠做到既就只有眼定定望住佢。

「我估唔到你竟然會拋棄班女選擇探我,唔知道既話重諗緊你係唔係中途轉gay。」雖然我宜家行動不便,但我把口同埋我個腦並沒有行動不便,為咗避免阿康擔心,所以我就用返平時既語氣串佢。

阿康聽到我咁講之後,捉住我完全無知覺既左手,然後用一個情深款款既眼神同我講。「阿Full其實從第一日返學個一刻,我就認定左你係我既終生伴侶,如果你好返之後你同我結婚好唔好。」

「咳咳！唔好意思阻到你兩個人談情,但探病時間就完,阿康你唔好阻住阿full休息啦！如果有咩要傾明天探病時間再講。」Ashley講完之後就同阿康兩個人離開左病房。