愛是恆久忍耐: 第三十章

第三十章
時間眨下眼就過到12月,宜家我同Ashley嘅關係都係依然照舊係一個普通既同學,幾個月嘅時間我同佢既關係,都冇再增進過一步。

不過我決定咗你用聖誕節呢個咁嘅節日,好好地計劃一下點俾一個驚喜俾佢。

不過俾驚喜佢之前,我都要確認一下,佢嗰日其實得唔得閒。所以係聖誕節前既一個星期,我試探一下佢既口風。

「 係一諗起聖誕節假期有咁多假期,但又有咁多功課我就頭痛。」我send左個message俾Ashley。

「你都係返學校先抄功課㗎喇,有好多功課唔關你事既,你驚咩喎！」





「長假期嘅功課好難可以抄得切㗎,所以我點都會響聖誕嘅時候做下部份功課。」

「阿full先生,我有冇聽錯呀,你轉死性嗎？」

「你理得我啫,不過聖誕咁多日假期,你有冇咩嘢活動安排呀？」

......對方正在輸入中。

等候回覆嘅時間,就好似等同死刑執行前既時間一樣。





「聖誕依啲日子緊係約咗friend去玩,不過我就約咗夜晚黑,朝早就未知有咩野攪。 你問嚟做咩呀？」

「 冇呀我嗰日仲未搵到friend出街hea,所以睇下你有冇時間啫。」

「你唔約阿康去出嚟玩？」

「 個死仔聖誕節街緊係陪女㗎啦,點會約到佢呀! 我只不過都係順口問一問你得唔得閒啫,如果唔得嘅話就算啦！」

「 我又冇話唔得嘅,不過我4：00就要搵朋友,所以聖誕節嗰日你都最後係一個人過。」





「冇問題啦,同埋個日夜晚個個一雙一對,我寧願留返屋企打機重好。」

「你ok既話,我冇問題可憐下你,等我呢個靚女陪你渡過半日嘅聖誕節。」

睇到佢應承既一刻,我立即彈左起身,我估唔到佢會抽到時間同我出來。

「個日10：00在尖沙咀碼頭等。」

「ok,到時你再提醒我一下。」

確認咗個日佢得閒既話,咁我係時候要安排一下節目先得。