愛是恆久忍耐: 第二十九章

第二十九章
第二日返到學校,我同Ashley又變返普通既同學有一重隔膜,同佢一齊打機既時候feel到同佢好close,就好似發夢一樣。

可能呢一個只不過係我自己幻想出嚟嘅感覺,佢亦都唔會對我有咩意思。

個一日因為我亂諗嘢嘅關係,我全日返學完全集中唔到精神。

「放咗學有咩搞呀？」我send咗個message畀阿康。

「我book左場同Bonnie去打羽毛球,咩野事呀。」





「冇嘢喇你玩得開心啲啦咁!」

「你同Ashley之間有問題,想要問我？」我突然覺得阿康好似我肚裡面條蟲,或者其實我最近來來去去都係問緊同一個問題,就係關於我同Ashley之間既野,問到佢條件反射得到呢個答案。

「係呀,女人有時真係好鬼死煩,完全唔知佢諗咩嘢。」

「 其實你想要佢注意到你,你要識得點去拉近同埋同埋點樣去拉開同佢既關係。」

「你呢個講法好玄,我原全get唔到點去做。」





「時機到咗你自然會知道點樣樣做。」

「大佬你用個肺嚟講嘢呀,講啲嘢好廢。」

「 我又唔會同佢接觸,我點答到你應該點做。我講嘅嘢係咁多你自己慢慢參詳一下。我唔同你傾啦！」

呢一刻我終於明白咩嘢叫做「夏蟲不可語冰」, 對阿康呢一個溝女等於呼吸一樣嘅人,佢身體反應,佢所講都好自然地帶領住佢,令佢知究竟應該點樣做去溝女。

但對於我呢啲所未同女仔表白同拍過拖嘅人士,我完全唔會理解應該點樣去做先好。