愛是恆久忍耐: 第三十一章

第三十一章 
其實所謂既安排節目,只有短短半日時間,好容易就能夠填滿曬。 
宜家最重要既,其實有冇可能在呢短短幾個鐘頭內,製造到一個表白既機會。
 
我短時間內,諗左幾百種能夠表白既情境,但係我都在十分短時間內Ban曬。因為我知道我FF既情境應該冇可能會發生。 

時間一日一日過去,但我所講既安排節目,一直都俾我既拖延症影響,完全係0進度。 

結果,好快就到左12月24日當日。我因為想儘快見到Ashley,所以我9：00就到左尖沙咀碼頭。





我好記得個一日好凍,我就算著左一件長袖,一件冷衫,再加一件厚既外套同埋頸巾。碼頭吹過來既風又凍又濕,我就算點攬實件衫,d風都重係吹到入去我件衫,我等左30分鐘左右開始頂唔順,想行去室內搵個地方避下風。

雖然我有呢個諗法,但我最後都忍耐多20分鐘。到接近十點鐘嘅時候我已經兩行鼻水流曬出嚟。

所以我忍唔住去咗眼前最就腳嘅m記避風。

去到一個好溫暖嘅地方坐低,我就突然覺得好肚餓。呢個時候電話響起,係Ashley打現話俾我。 
「早晨呀,full先生你起咗身未呀？」 

「一早起咗啦！你當我咩野人呀！」




 
「 我搭地鐵過嚟我仲有一個站就會到,你去到邊度位置？」
 
「我已經去到尖沙咀碼頭,所以你唔使驚要等我。」
 
「咁就好啦！我今朝早出門口嘅時候覺得好鬼凍, 如果你要我吹住風等你嘅話,我真係會唔放過你。」 

「得喇得喇!我等你得未呀,你到咗再打電話畀我啦!」 

「ok,一陣見。」