愛是恆久忍耐: 第二十八章

第二十八章
對於我呢啲體能差反應更差既人,呢隻game我之前只係同過阿康打同埋對電腦,我對阿康既戰績重要係玩十場輸足九場,我重要唔確認個一場係唔係阿康放水俾我。

對於Ashley呢種運動型既人,我打定左輸數俾佢炒,但結果係冇呢回事發生。

一開頭玩咗幾個mini game,佢一場都冇贏過。喺有主場之利,同埋練習訓練過嘅情況下,我唯有放一放水畀佢。

玩保齡球gamr嘅時候,我決定放水。因為保齡球呢個game係最容易放水,你可以好易控制個波碌落坑。

幾經辛苦之後Ashley終於可以贏到呢個game。(係每一關佢都出現落坑嘅情況,其實我要輸我覺得真係好難。)





「乜你咁屎㗎,連我未玩過都可以贏到你呀,你頭好好反省下啦!」

「你贏咗一場就巴巴閉閉,我之前幾鋪贏咗幾場我都未出聲。」

「你理得我啫,而家我贏咗我就有權利話你屎,不過時間唔早,我都係時候返屋企啦,你拎返啲嘢畀我呀!」

我喺間房嗰度拎返三袋嘢畀佢。

「我送埋你落去搭車,你拎住咁多嘢應該唔方便。」





「咁你幫我拎住是但一袋呀,其餘兩袋我自己拎返得㗎喇!」

跟住我同佢兩個人就落街等車,佢上咗車搵個位坐好之後,就隔住個車廂玻璃同我揮手bye bye。