愛是恆久忍耐: 第四章

第四章
大家一定會以為故事發展係我同Ashley食完野, 會去同一個車站,跟住搭同一班車返屋企。
 
Sor9ly,我開頭都有ff諗住係咁。不過現實還是歸返現,我最尾同佢唔同車站上車之餘,我連佢既手提電話都冇拎到。
 
因為未行近巴士站,Ashley的巴士已經準備埋站。
 
「唔同你傾啦,我架巴士就走啦! byebye。」講完呢句之後,我都重未有機會講返byebye。佢已經一支箭跑上架巴士。
 
我目送Ashley架巴士離開既同一時間,原來我架巴士亦緊隨其後既同一時間開出左。




 
「頂!掛住睇走左班車。」
 
架車唔走都走左,冇辦法之下只有等下一班車,等車無聊唯有拎部手機出來篤一下消磨時間。
 
打開電話見到阿康既未接來電同埋whatsapp 訊息叫打返電話俾佢。我第一時間就打返電話俾阿康。
 
「喂!康哥搵我做咩野事呀?」
 
「我俾條女飛左,想搵你傾訴下係唔係唔得先?」




 
「老細,我有冇聽錯呀!從來都只有聽你飛條女,我又真係未見過你俾女飛過。」
 
「咩野料呀full少,我宜家俾女飛好唔開心,你重要串我。你一陣食完飯出來陪下我。」
 
「好難得情場浪子竟然有唔開心既一日,你講到咁我唯有捱下義氣陪下你。一陣8:00老地方等。」
 
「宜家6:00都未夠,反正你屋企都未煮你飯,你陪我出去食,最多餐飯我請你又點話。」
 
「好彩我未上車,你下次要約我早d講啦!我打個電話叫屋企人唔好煮飯。」




 
「頂!係你條pk仔冇聽我電話,你重好意思話我。岩岩做咩野事唔聽我電話呀。」
 
「我部電話又冇震又冇響到未冇聽到你個電話。大佬呀!我又唔係你條女,一定要聽你電話既咩!」
 
「好心你賣過部電話啦!好在我睇得開冇自殺,如果唔係我諗你會內疚死都似。」
 
「通常一個真係想自殺既人,係唔會想同人傾訴,你搵得我傾,即係你暫時冇自殺既需要啦!我唔同你傾住,我打左返屋企再搵你。」
 
「得啦!你條友真係好鬼死長氣。」講完之後阿康就cut左我線。我亦打返電話同我老媽子報到左先。