愛是恆久忍耐: 第三章

第三章
 
因為放學時間已經過左好耐既關係,去到小食店的時候有很多座位可以選擇,為了避免油煙味,我選擇了離開廚房較遠的位置坐好。
 
「我返到屋企重要食晚飯,所以我齋飲唔食小食了。」
 
「我其實都需要回家吃飯,只是現在想食少少野,請問有沒有什麼推介既食品可以介紹俾我。」
 
「小食既話,我推介炸老蛋,配埋一杯聯合國就唔驚返到屋企食唔落飯。」
 




「聯合國同炸老蛋?個名咁特別同埋餐牌上面見唔到呢而樣野既?」Ashley拎起餐牌前前後後睇左兩三次都見唔到我推介的食物及飲品
 
「打機都有隱藏人物,你當呢個係隱藏既食品你點完佢就會整俾你。」
 
「ok ,唔好食既話,呢餐你負責埋單。你要飲咩?」
 
「一杯大聯合國。」
 
「老闆麻煩落單。要兩杯大聯合國同埋十蚊炸老蛋唔該。」
 




在等小食既時候,因為諗唔到講咩野好既關係,所以我並沒有和Ashley講過野。
 
「你既兩杯大聯合國同炸老蛋。」老闆隨即將小食和兩杯汽水放低。
 
「其實點解呢杯野要叫做聯合國同埋兩杯野既顏色深淺唔同既?」
 
「名我就唔清楚貼解叫聯合國,不過就可以解釋貼解兩杯既顏色深淺不一樣。跟據老闆所講其實呢杯野係將唔同既汽水溝埋一齊,每一杯既汽水份量都唔係固定,所以可樂多一d或者少一d既情況下,都會令顏色唔一樣。」
 
「老闆親口同你講?」
 




「唔係。係朋友話我知既。」
 
「話時話,D炸老蛋真係炸到好鬼死老,同老伯伯塊面一樣。怪唔得叫老蛋啦。我叫左十蚊食唔哂,你幫下手食幾粒啦。」
 
「哦。」跟手我拮左一粒魚蛋來食。
 
「其實你係唔係唔太喜歡講野?」
 
關於呢個問題既答案,我係個一刻思考左好長既一段時間,我先答返佢。
 
「其實我唔係太識得講野同埋同人溝通。加上同女生溝通我也不知道應該談什麼樣的話題」
 
「女生其實同普通人一樣,就好似我一樣,岩傾既咪有話題,唔岩傾既咪”嗯””哦”去回應返人。」
 
「你應該不是普通女生吧!應該冇女生願意同我溝通。」本來我想反駁返佢,但我並不夠膽講出我既心底話。




 
「同異性溝通,你好似好有經驗。」心底話講唔出口,我經過深思熟慮後,決定這樣問返佢。
 
「通常男仔聊你既話都會有傾兩句啦!不過我好少主動搵男仔聊男仔的。快快手食埋個幾粒魚蛋,我差唔多要夠鐘返屋企啦!」
 
明明得個十粒魚蛋,正常人係一定會食得曬,真心唔明貼解女生總係會扮細食唔肯食埋去。