人渣誠自傳（完整版）: 三十一

不經不覺，仲有一個月就last day喇... 

「頂!」我大叫。 

「咁落去唔係辦法，好難埋到佢身。」 

係學校既時候，我變得越黎越接近林優怡，最主要既原因係，佢班八婆朋友。 

之前略略都講過下，班八婆好憎我，自自然然就唔想林優怡同我玩得太埋。而林優怡就真係會因為個班八婆，係學校唔理我。 



Hi! 

咁點製造二人單獨相處既機會啊? 

「好簡單姐。」振威說。 

「何出此言呢?」 

「你係陸運會攞塊牌，佢實揾你影相架，到時你咪可以表白囉。」 



陸運會，一班體育JJ只要一攞金牌，一班無知既少女就會飛上去同佢地影相，我一攞牌，林優怡揾我影相都合情合理姐。 

「咦，得喎，陸運會表白依招work喎。」 

機會依家野，係要自己製造出黎既。 

為左林優怡，我點都要攞到金牌... 


跟住，我就為左塊金牌，開始瘋狂訓練。日日都去練跑既我，你都唔好話唔fit。 



終於，去到陸運會。


「終於都到陸運會喇。」我說。 

作為一個運動員，其實最辛苦既，並唔係訓練既過程。最辛苦，最煎熬既時刻，其實係比實前一晚。 

點解，因為個一晚，無論你扯得有幾極都好，你都要忍住唔可以打j。嘩Hi，幾向左走向右走慘啊? 

條野扯到兩三公里喇，佢居然唔比我打j。一打左既話，第二日九成會腳軟，我塊牌自自然就會唔見左架喇。 

係床輾轉反側左一晚之後，我捱過左最痛苦既晚上。 

「我已經準備好喇。」 



臨落去召集之前，我特登先望一眼林優怡。佢見到我之後，乜野都冇講，扭返轉面繼續同朋友傾計。 

唉，仲諗住佢會同我打氣... 

「唔緊要喎，你贏左就自然揾你架啦。」振威道。 

講得啱，我要贏。 


比賽即將開始，我係開跑前望下看台上既林優怡。 

「等我。」 

然後，輕輕鬆鬆鄧梓鋒，我贏左塊金返黎。我懷住興奮又期待既心情巳上看台，點知，係個一日， 



林優怡冇揾到我影相...


點解會咁架?」我百思不得其解。 

「有咁既事?」 

唔單止林優怡，其實直頭係冇任何女揾我影相，點解會咁呢，我係咪中左幅射，點解攞銀個個反而有女揾?係咪我太快? 

Hi那星，冇可能既! 

我知喇，一定係因為林優怡揾唔到我姐，我去揾佢咪得囉。 

「你有相機咩?」 



「冇啊，到時再揾人借囉。」 

我即刻攞埋塊金牌，衝上看台去揾林優怡。係揾既過程中，我一路係度練習緊我既對白，諗下等陣點表白。 

點知，我上樓梯既時候，撞正佢同佢個八婆朋友。 

佢直行直過，冇同我講任何野。莫講話影相啦，多一秒既眼神接觸都冇啊，Hi。 


「可能因為佢個friend係度姐，冇事既。」振威安慰我。 

冇事?我跑得咁博命究竟為咩?我忍住唔打j忍得咁辛苦，又係為乜勁啊? 

我望住掛係我身上既金牌，唉， 



鬼叫我係李志誠咩... 


係個一日，我既金牌表白行動失敗左。 

然後，終於去到last day，我都未表白......