人渣誠自傳（完整版）: 三十
我唔敢追林優怡，我更加唔敢同人講我鍾意佢。
萬一傳下傳下，傳到林優怡度，我咪Hi Hi?
所以，知道我埋藏於心底既愛慕，只有兩個人知道。
第一個係振威就唔多講啦，咁多年好兄弟，我信佢唔會周圍同人講我既野。
第二個，其實唔係阿偉。並唔係因為我唔相信阿偉，只係，冇理由好地地同佢講我鍾意林優怡掛?好怪姐。
唔通我得閒冇野做走去拍一拍佢，同佢講，
「喂Hi 你，林優怡我mark左啊。」
咁好樣啊!?你估我係阿俊咩...
不過如果佢問我既話，我都會答佢。
第二個知道既人，叫做昆仔，我中六同學。
唔好誤會，我同佢其實就唔係好熟，普通朋友咁啦。之所以佢知道，唔係我同佢講，係佢自己發現。
「志誠，你係咪同林優怡一齊啊?」昆仔問。
「噗!」我嚇到噴哂啲朱奶。
「做乜咁問呢?」
「個次見到你地單獨約會...」
單獨約會..?
「我係上水撞到你地既，我仲偷拍左你地啊。」
「哦，我地去溫書姐。」
「頂，等我仲以為你地係咪一齊。」
頂，係就好喇......
「如果你地冇一齊既話，咁即係你單方面鍾意人啦。」
「噗!」我再次噴奶。
唔向左走向右走係掛，咁都估到!?邊位啊，福爾摩斯啊!?
「你都痴向左走向右走線既!緊係唔係啦!」我馬上澄清。
「Stop la啦你，日日上堂都見你用眼神黎到強姦佢，盲既都知你對佢有野啦。」
「咪向左走向右走住先，唔好講到咁難聽，我係望住佢，唔係視姦佢。」
掉左位之後，我上堂既時候，間唔中就會扭轉面望下林優怡，欣賞佢既側臉。
「啊Hi，好正啊...」
可能你會覺得我好變態，成個痴漢咁。但我唔係，真係鍾意一個人，隻眼就會不自覺比佢吸引過去。
再加上，如果你係我，係上堂既時候，你會揀望司徒sir個肚腩，定係揀林優怡丫?
好明顯啦下話。
「你Stop la啦，又借我過橋!」昆仔抱怨。
為左令我冇咁張揚，我會扮同昆仔傾計，但隻眼就係望住林優怡。
「吹咩!?」我冇理佢，繼續望。
佢既一舉一動，好迷人。
林優怡抬起頭，發現我望住佢，雙方對視住。
「Hi Hi喇，比佢發現左!」我心想。
佢拿出右手，合實拳頭，再伸出拇指同食指，
「砰!」佢攞「手槍」射我。
「啊。」我扮死。
「On勁!」佢一邊笑，一邊做口形。
這一槍，直中我既心臟。
這一槍，充滿着愛...
希望係。
一年前，我仲係度串振威，話佢，
「廢柴!表白都唔敢，算什麼男人啊?」
依家，唔同哂喇。
「BB，我好愛你啊。」振威錄音比巧婷。
「Hi，Stop la啦，聽到起雞皮喇!」
有時真係唔明，點解情侶之間講野把聲要高八度架呢?好地地講野唔得架咩，硬係要咁核鬼突突架喎。
如果我同林優怡一齊左，佢會唔會用咁既嗲我呢...
「On勁!」振威說。
「咩啊?」
「淨係企係度FF，想媾人就同人地表白啦。」
「唉，唔係咁易既..」
都係個句啦，我好驚衰。
「廢柴!表白都唔敢，算什麼男人啊?」
Hi Hi仔，抄我對白。不過佢又冇講錯，有口話人，冇口話自己。
我真係懦夫。
「好心你啦，仲有幾個禮拜就last day喇，過左就可能冇機會再見，自己諗啦。」振威開始講經。
「記住，唔好比自己後悔。」
熊仔頭都講過，表白衰左最多咪Seven，但未試過先至最後悔...
唔通，我應該表白..?
返到屋企，我不斷問自己同一條問題，法官大人，
「表定係唔表?」
就係我諗緊既時候，振威係RC send左一條youtube既link比我。
打開睇，求婚大作戰。
作為一個毒向左走向右走，你冇理由冇睇過依套野，但我都簡單講下關於咩。
簡單黎講，就係女主角比人媾左，男主角就回到過去追返佢，但係男主角返到過去咁多次都唔敢表白。
Hi Hi，同我有異曲同工之妙。
然後我再打開挽歌巴打既重演一次，每隻字都係講緊山下智久有幾後悔，幾想媾到條女。
「你甘心咩?」振威問。
乜都唔做，望住林優怡投入第二個男人既懷內，我唔制。
同林優怡結婚既人，會係我!
突然，電話響一響，係林優怡snapchat我。
佢影住既地方，我認得，係屋企附近既公園。我即刻衝出門口，笠對跑鞋就咁飛奔落街。
我在街道上如瘋子般奔跑，腦內一片空白...
林優怡，等我!
想要重演一次，坦率的說聲愛你
我跑啊跑，跑到佢影既公園附近，到處揾林優怡既身影。
「係邊呢?」我四處張望。
咦，紫藍色書包，矮矮地既女仔，仲唔係你!?
「喂，林...」正當我諗住叫停佢既時候，我突然諗起，
係呢，我做乜要跑過黎揾佢架呢?
啊係，表白!
但應該點樣開口好呢...
諗諗下，點解一定要今晚講呢?聽朝返學都見到架啦，係條街度表白好唔浪漫姐，倒不如揾個更好既場合，更好既時機再表啦...
就係咁，我望住林優怡既背影，目送佢離去。而我，掉頭就走。
「Hi，臨陣退縮!」振威聽完之後，道。
「錯哂喇，我係等緊更好既時機姐。」
「On勁，此時不攻，更待何時啊?就黎畢業架喇...」
「得啦，有分數架喇。」
嗯，我堅信住機會依家野，總會有既。
點知，等啊等，真係就黎畢業。
亞太區有一天成為亞太區你個街...