人渣誠自傳（完整版）: 完
低form既時候，見到高form last day好似生離死別咁樣，以為會有幾特別。到自己last day既時候先知道，乜都冇既?
咪又係要上堂...
唯一唔同既係，我地係last day可以帶相機返黎影相。
一班女同學就會左手攞住即影即有，右手就會拎住數碼相機，行過黎問你，
「可唔可以同我影張相啊?」
好簡單，同佢熟既話，佢地就會用即影即有，唔熟既話，就只會用數碼相機。
兩個人既關係，就係即影即有同數碼相機既分別。
唔知，我同林優怡係邊種呢...
個日有揾我影相既，唔止一班唔識既同學，仲有一個好特別既人。我都估唔到，佢居然會揾我影相，
阿欣。
「喂，同我影張相啦。」佢走過黎問我。
「哦..好啊。」係數碼相機。
Hi Hi，好尷尬。
「拿，比你既。」影完之後，佢遞張卡比我。
除左瘋狂影相之外，last day仲會收到唔少心意卡，不過好多都千篇一律，都係講「DSE加油」之類個啲。
估唔到，佢會寫卡比我。
打開睇，嘩，咁向左走向右走短既!?啱啱好十隻字:「別再讓女孩們傷心 自重。」
算啦，肯寫比我都已經好好架喇。
「咁短既喂，有冇十隻字架?」我問。
「點會冇啊?」
一，二，三...
「頂，啱啱好得十隻既喂!」數一數，真係得十隻字。
「係咩!?我依家幫你加多啲..」
「講笑咋，唔洗啦。」
係last day依一日，阿欣終於同我講返野。之前都冇提過佢既野，依家講下啦...
阿欣依家拍緊拖喇。
見到佢同第二個發展，我良心都好過啲，總算冇累到人一世...好似係。
點都好啦，我相信佢會好好照顧阿欣既。
好好對人啦，昆仔。
好喇，講返正經野先。
Lunch都完埋喇，Hi Hi，林優怡都冇我影相。
根據我既觀察，佢同全部，甚至成年都冇聽佢出聲既死毒向左走向右走都影埋，就係冇同我影。
唔通又好似陸運會咁...?
唔好啊!!我唔制啊!!
「你未同林優怡影左相咩?」坐後面既昆仔問。
「未..」
「呵呵，我影左喎。」昆仔串SevenSeven咁講。
「Stop la啦!佢等陣一定會揾我影既。」
去到放學喇，佢都未揾...
我知喇!
最重要既人要留係最後先揾?
係喇，一定係咁!
惜別會完埋喇，林優怡到最後都冇揾到我。
「點解會咁架?」
救命啊，我係咪做錯咩啊?
「人地唔揾你，你咪自己揾人囉。」講野既，係肥仔射手。
其實佢叫肥蘇。
「Last day喇，唔好留低遺憾啊，去表白啦Hi 你。」肥蘇說。
老實講，當初比勇氣我去表白既，就係佢...
話說肥蘇有個女神，Hi Hi啲講句，佢一定媾唔到。而佢自己應該比我更清楚。
不過佢係last day，始終都係去左表白...
「點啊你?」我試圖開解佢。
「冇野啦，完左，冇遺憾喇。」
佢講就咁講，但我知道，佢一定好唔開心。鍾意左咁多年，我諗，一定好痛苦。
明知道衰硬都去表白，為既就係唔想係中學生涯留低遺憾。
我都唔想留低遺憾。
肥蘇得，我都一定得既，應該。
好，我要去表白喇!
放左學之後，大家話要打個邊爐，為我地last day寫下句號。
「我晏少少到。」
「去邊啊?」振威問。
仲洗問既，緊係去揾林優怡啦。
我企左係佢屋企樓下一陣，終於等到佢返屋企。
「你又會係度既?」林優怡問。
「..我有野想同你講。」
「咩呢?」
放膽講出黎啦，李志誠，講出黎啊。
「我鍾意你。」
「我鍾意你。」
終於都講出口喇...
「多謝你鍾意我。」林優怡說。
佢個樣好似唔係好驚訝咁，我諗，佢一早都估到架喇。
我地揾左個位坐低之後，又開始吹水。佢冇問我鍾意佢啲咩，我亦冇再追問佢既答覆，傾既都係頭先last day發生既事。
「做咩你今日唔揾我影相啊?」我問。
「廢事尷尬啦，我一揾你影相昆仔個啲又會起鬨，你知架啦，你男神黎架喎。」
昆仔，我真係亞太區有一天成為亞太區你個街。
「唉明啦，識左咁耐又唔揾我影相，又唔寫卡...」
連阿欣都有寫比我，反而林優怡冇。
「你夠冇寫比我啦。」
「其實我有...」
係，其實我有寫到張卡比佢，寫左啲咩就唔多講啦。但去到最後佢都冇揾我，所以我都冇主動攞比佢...
「吓，咁點解你唔比我啊?」
我都唔知，怕尷尬掛。
「我地之後一定要補影返，同埋你一定要比埋張卡我，唔可以留低遺憾。」林優怡一輪嘴咁講。
「好啊。」
個晚，我地傾左好耐。
「到時畢左業之後，可能就冇得再見面喇。明明住得好近，但都見唔到，諗起都想喊。」
「係囉，過多幾年可能你就會唔記得我係邊個...」我說。
老實講，我真係唔想自己係佢心目中咁可有可無，唔想佢好容易就忘記左一個叫「李志誠」既人。
但我又可以做啲咩?
「唔會既，到時你結婚記得請我。」林優怡道。
結婚...都唔係同你架啦，唉Hi。
「你都要請我。」不過我唔擔保會唔會上去唱阿牛。
「有得結先算啦。」
「咁又係，睇你個樣，都唔知幾先拍到拖。」
「唔急既，慢慢啦。我初戀一定要係我未來老公，如果拍拖唔係為結婚我覺得冇意思。」
依家諗返都唔知自己點解咁大膽，
「好，以結婚為前提同我一齊啦。」
「No，never!」佢一口拒絕。
冇錯，我比林優怡收左皮。不過講真，由佢講「多謝」個一刻，我都預左。係就係預左，但始終...
還是會有一點期待。
「我覺得我地依家既關係正好，維持呢種關係既話，我同你應該可以到老。」林優怡續道。
有人話，做朋友先可以做到老。我明白，要同林優怡長久既方法，就係一直做好朋友。
我明，但講真，我唔想。不過我又可以點丫，認命啦，人渣誠。
Guys like me don't get the girl.
「係，我都覺。」
講就咁講姐...
「夜喇，我走喇。」林優怡企起身，說。
「嗯，byebye。」
「Byebye。」
如果有下世，我唔再係李志誠，唔再係「人渣誠」既話，我一定會追你。
今世就做住好朋友先啦。
林優怡─ 一直到老既「好朋友」。
完。