人渣誠自傳（完整版）: 二十八
「你講緊邊個啊?」
振威冇用同言語回應我，向我打打眼色。
我隨着振威既視線，尋找該女子既身影。
一望...
Hi，肥婆麗黎既喂!
「你係咪玩勁我啊?我會鍾意個肥婆麗!?」個豬西二百幾磅架喎，點消化呢。
「Hi，唔向左走向右走係條肥婆啊，佢對面個個啊..」
向左走向右走睇到咩，個肥婆咁大份，摭住哂。我稍作移動，睇下藏係肥婆巨大身軀下既係何方女子。
見到隻腳喇，ok喎...
見到條腰喇，少少肥喎...
見到個樣喇...
亞太區有一天成為亞太區你個街亞視...啊唔係，林優怡黎既喂!
「我會鍾意林優怡個男人婆!?」
「扮乜丫，識你咁多年，一眼就睇穿你啦...」
一眼望穿我，你估你賭聖啊。
「你望佢個個眼神，一睇就知你有野啦。我肯定你係鍾意佢!」振威續道。
我...鍾意林優怡?
我肯定你係鍾意佢!
振威既聲音係我腦海中揮之不去，不斷重播。
「唔向左走向右走係掛，咁多女唔鍾意，居然鍾意林優怡。」
「一係你就係我面前扮野，一係就你自己仲未察覺到姐。」振威說。
Auntie丫，前幾個禮拜仲係條死毒向左走向右走，依家口吻咁似兩性關係專家既?
Lunch完，又要上堂。我望住身旁既林優怡，從頭到腳打量佢，其實佢側面都唔差丫..
佢扭轉面，見到我望住佢。
「做咩啊?...」你以為佢會咁溫柔咁問我?錯哂喇。
「你望乜春啊?做你自己野啦!」
頂你個肺丫，望兩眼都唔比。
冇可能，我一定唔會鍾意佢!
依個男人婆，又粗魯，又肥，又on勁。我又點會鍾意佢呢?
唔會，一定唔會!
然後一次，我屋企出左事，我又幫唔到手。好無助，好難受，好想揾個人傾訴。
唔知點解，我第一個諗起既人，唔係振威，唔係彥琪，而係佢。林優怡。
「喂，你得唔得閒啊?」
「做咩啊?又想叫春?」林優怡問。
每次我同佢傾既都係八卦野，再唔係就係感情上既問題，個次算係最嚴肅既一次。
「嗯，今次係屋企...」
老實講，我好少提起自己屋企既事，甚至係振威都好，我都唔多會講。所謂「家醜就不外傳」，加上佢地又幫唔到手。
儘管如此，我都係同林優怡講左，都唔知點解咁信得過佢。
「咁你就更應該好好孝順佢地啦..」佢一本正經咁對我說教。
哈，真係同佢既人物性格好唔match。
傾傾下，已經朝早六點，我地原來傾通宵。但當中傾過啲咩，我都唔係好記得喇。
「好喇，我差唔多要訓喇。」林優怡說。
「我都差唔多喇。」幾個鐘後，我仲要返工。
我居然為左同佢吹水，寧願休息都不要。
「我真係好，聽你個廢青叫春叫左成晚。」
「得喇，知你好喇..」
硬係要人讚架喎，不過點都好啦，
「多謝你。」
從左平時會叫下春，吹下水之外，我同林優怡仲會打賭。
「喂，你今日作左邊題?」我問。
臨近考mock仲有好多級測，今日測既係中文作文。
「我作去行山，之後愛上大自然個題。How about you?」
「孔子個句古文，作左議論囉。」
「你實fail啦。」隔住個moon都feel到佢個招積樣。
「鬥高分丫傻仔，敢唔敢啊?」
「好啊，一餐飯。」
Stop la啦，明明仲差我一餐未還。
「今次我贏左呢，你就請我食。我輸左呢，我就走數。」
頂你丫...
「好狗啊又走數。係咪驚輸姐?」
「拿，你依家就係度串串貢，到時就唔好比我高分過你。」
「你次次走數點同你賭啊，男朋友...」
「好，今次開始唔走...到時你跪係度都冇用。」
「你話架，攞定銀包出黎啦傻仔。」就信你一次咁多。
「我已經可以諗定食咩。」林優怡續道。
On勁，贏就緊，輸就新聞。
依場勝負，許勝不許敗，食硬你...餐飯。
「仔仔，食飯喇!」老媽子敲門，道。
「哦，好啊，依家出黎。」
我收拾書本，到客廳同老媽子食飯。
「仔啊，阿媽可唔可以問你一個問題啊?」老媽子問。
「問囉。」
「你，最近係咪又拍返拖啊?」
「冇啊，做咩咁問既?」
我好耐都冇再帶過女仔返屋企，佢點會覺得我有女架...
「最近見你個樣有返朝氣，阿媽以為你有新女朋友仔滋潤啊。」
「哈，邊有啊...」我冷笑一下，說。
就算有啊，都唔敢同你講啦老媽子，唔怕你擔心咩。
「之前見你因為曉玲，個人殘哂，但依家見你開心返，阿媽都好開心...」曉玲，即係Heidi啊。
當時佢因為擔心我，晚晚都食唔安，訓唔落。唉，老媽子真係好錫我。見到佢咁，就算我真係有女，都唔敢同佢講啦，所以我先冇同佢提過阿欣。
「如果你真係識到個女仔既，隨時再帶佢返黎介紹比我識啦，阿媽唔會反對你既，寶貝仔。」
「咁...你覺得我應該揾個點樣既女仔啊?」
「好似你阿媽我咁靚架囉!」老媽子笑住講。
......
「講笑姐，最近揾一個可以令你笑既，你覺得係佢面前唔洗顧慮任何野既女仔，咁就得架喇。」
可以令我笑，係佢面前可以流露最真既自己。
收到!
食完個飯，沖個涼再打陣機，我就訓左喇。
原本以為有排都未派得，點知考完第二日，就已經知道結果喇。
究竟係我贏，定林優怡贏呢?
「今日會派返琴日作既文。」Miss手上攞住一疊試卷。
我望住林優怡，向佢打個眼色:贏緊你啦。
「等陣輸左唔好喊。」佢好認真咁講。
講多無謂，事實將會證明一切。
老老豆豆，個次我自覺作得唔錯，唔係最好既一次，但Seven既都有限度。不過我都唔可以輕敵，話哂林優怡中文一向好過我，但至少作文，我仲有丁點兒信心可以高分過佢。
「林優怡。」聽到Miss呼喚佢個名，林優怡行出去攞卷。
佢接過卷後，露出一個奸險既笑容，仿佛正在向我宣佈佢既勝利。
見到林優怡自信滿滿既表情，我有少少怯。
心諗，唔向左走向右走係掛，唔通我會輸!?糧尾喎大佬，唔好啊...
「李志誠。」
「一定要高過佢。」我合起雙手祈禱。
一睇，Hi Hi喇，得六十七 。
「你幾多分啊?」林優怡走過來問我。
「六十七...」
我輸左喇...
「Hi，我低你一分!!」
吓，有咁既事!?