人渣誠自傳（完整版）: 二十六
「我想要一段柏拉圖式既戀愛啊!!」我仰天長嘯。
「你就Stop la啦。」林優怡說。
Auntie丫，次次都係咁架喎你。
「我冇唔通你個Seven Head會有咩!」每次我都一定會還擊。
我諗，都算係一種情趣既。
「我第時一定會識返個鬼仔男朋友，仲要係米八既大隻仔...」林優怡開始幻想。
「你收嗲啦，你咁q大個肚腩點會有人要啊...」
「拿，你第時既男朋友應該係依type啦。」我指住班上既肥仔恩。
「Stop la!!」佢大叫。
佢個樣，真係好on勁。
「其實你係咪鍾意又高，又大隻既靚仔啊?」我故作認真，問。
「係啊，實j死我。」
「咁你應該好鍾意我喇。」我笑着說。
「Stop la啦，你邊到靚仔啊!?」
我都唔靚仔，你係哪門子既審美觀啊?
冇女之後，一到假期我就變到好得閒。
禮拜日要仲要返五個鐘康樂園，但禮拜六就真係悶到Hi Hi。
「喂，打唔打波啊?」我問振威。
「唔得啊，約左我BB啊。」
Hi Hi仔，重色輕友。
「威啦依家，唔洗理兄弟架喇，六年既友誼原來咁脆弱。」
「今晚先啦，今晚陪你打波。唔講住先，換衫，bye。」死仔包cut我線。
我望望個鐘，先一點，有排都未到夜晚啦。振威又出左街，冇人陪我雙排。
原本諗住揾下浩仔，但都係算啦，無謂阻住佢同Bobo二人世界啦。
我訓係張床上面，禁電話，上高登，再睇下youtube...
Hi!!好向左走向右走悶啊!!
唔得，點都要揾啲野搞下，唔可以再留係屋企毒。
但係我可以邊呢...?
「去邊好呢...」我好苦惱。
然後，我見到書架上既一本書。
「哈，係你喇，少少肥。」我攞起書展買既書。
《自修室，學界既蘭桂坊》
我要去自修室，我要落老蘭!!
有睇過少少肥既人都知，自修室，並唔係溫書既地方，而係媾女既聖地。
去到自修室，我一定可以識到女仔，有一個完美既邂逅，然後發展成情侶。個女仔應該又大波，又白滑，個樣好清純。
嗯，我一定可以係自修室遇上我既真愛!
直到我真係去到自修室，我先知道，原來個故係呃人既。
又話有好多囡囡既?又話有旗袍妹行catwalk 既?又話有好多情侶既?又話有打茄輪揸波等AV情節出現既?
去哂邊向左走向右走度啊?
點解我淨係見到睇報紙既阿伯，扮溫書既死MK仔，同埋發育未完全既細路女啊??
亞太區有一天成為亞太區你個街，枉我仲一路行，一路睇本書，幻想住我自己既真愛出現既一剎那。
啊，那會有多美好呢!
...Hi Auntie我真係吹到啤一聲，女呢?係邊啊?
我要Jojo啊!!
「Hi，我叫Jojo啊...」把聲好溫柔，好甜美，但係...
「可唔可以幫我做份問卷啊?」佢在我耳邊細細聲問。
做問卷都算數喇，我都仲接受到。但係你男人老狗為咩要叫做Jojo先!?
你係咪有病啊??...
唔通真係要去到灣修咁遠先有女?
算啦，唔諗住，溫書作下文先。上次得3，今次一定要5!
咪住，大檸樂喇，冇帶紙...
唔緊要，揾林優怡先...
「喂，你有冇作文紙啊?」
「有幾張啦，做咩?」
「比張黎啦，我冇帶紙啊。」
「速遞比你?」
「你攞比我啦，我依家冇紙用啊救命。」
「我今日出圖書館啊應該，你係邊啊?」
「上水圖書館囉，你快啲啦。」
「Okok」
我好記得，佢搞左成個鐘都仲未出到黎。
「到未啊你?」
「比多少少時間我，五分鐘後實到。」
「遲到請食飯。」
「好啊。」
我見佢應到咁爽快，以為佢應該到附近，唔會遲得去邊。點知，佢真係遲。
「多謝你餐飯先。」
「我賴貓 。」
正男朋友，最憎人走數。
「到上水喇，等多陣啦。」
「走數者，非人也。」
「到喇到喇，邊個位啊?」
我望向門口，見到個着白色jacket，藍色牛仔褲既女仔，係佢啦。
佢見到我望住佢，行坐過黎，坐係我隔離個位。
「頭先扶阿婆過馬路，所以遲左。」林優怡說。
「你Stop la啦，找數啊。」
「我咁好人特登出黎攞作文紙比你喎，係都你請我食啦。」佢係書包攞出一疊紙。
「係喇，知你好喇。」我接過佢手上既作文紙。
一睇，咦，Hi 你小學既?
「XXX小學既喂?點解唔係學校作文紙啊?」
「原來我冇，所以攞左我阿妹個啲。」
我頂你個肺丫...
「是旦啦，有得你用咪算好囉。」好，我忍。
跟住，我同佢就埋頭於自己既工作，各自作文。我作完之後，睇睇佢，先作到一半。
「洗唔洗哥哥幫下你啊?」
「好似冇乜point咁...」
「睇過。」我搶走佢份文黎睇。
我讀書就真係唔叻，但姑且都算係勁過佢既，可以比啲意見咁啦。
「你呢...」我靠個頭埋去，佢亦坐近黎聽。
係寧靜既自修室入面，即使好細微既聲音，身邊既人都會聽到。我講緊既同時，見到有個笠住高達耳機既死毒向左走向右走，用一個厭惡既眼神望住我地。
心諗，吹咩?
我冇理會到個毒向左走向右走，繼續同林優怡呢喃細語。至少我覺得，係幾甜蜜既...
「都唔知係真唔係既。」林優怡質疑我專業既意見。
唔係同佢既話，可能仲甜蜜囉...當刻我係咁諗。