人渣誠自傳（完整版）: 二十五
好喇，開估啦。
冇錯，就係鄭中基既無賴。
https://www.youtube.com/watch?v=iyeRZfUn-3Q
我間中飲醉酒 很喜歡自由 常犯錯愛說謊 但總會內疚
遇過很多的損友 學到貪新厭舊 亦欠過很多女人
怕結婚只會守 三分鐘諾言 曾話過要戒煙 但講了就算
夢與想丟低很遠 但對返工厭倦 自小不會打算
但是仍 唯獨妳愛我這廢人 出錯妳都肯去忍 然而誰亦早知不會合襯 偏偏妳願意等
為何還喜歡我 我這種無賴 是話妳蠢還是很偉大
在座每位都將我踩 口碑有多壞
但妳亦永遠不見怪 何必跟我 我這種無賴 活大半生還是很失敗 但是妳死都不變心 跟我笑著捱
就算壞 我也不忍心偷偷作怪
我係唱既時候，望下台下既人。Heidi，張彥琪，阿欣，坐哂係台下。佢地坐係下面，望上台，聽住我唱歌。
係依一年入面，我由一個青頭既死毒向左走向右走，變到依家既「人渣誠」。
我由破處當日，覺得做完愛要對對方負責任，去到中出即飛，一心只想食人隻豬。
我由唔敢入便利店買套，變到出街既時候銀包隨時帶兩個套係身。
我由一個唔敢入neway唱k媾女既人，變到依家敢企係全校人面前唱歌...
我，真係變左幾多。
而且，仲害左好多人。
所以依家比人話係人渣，話我死Hi Hi仔，我都唔會有怨言。但係，我唔會再係咁喇。
係依段時間，無論我點樣比人話，但最親既幾個朋友冇因為咁而離開我。我知道，一定會有人係你地面前Hi勁我，數臭我。
多謝你地不離不棄，多謝。
無賴依首歌，我細細個就聽過，但當時既感觸並不大。
到依家算係大個左啲，細味下歌詞，我發現，
「Hi Hi，講緊我。」
每句既歌詞都係度講緊我，人渣誠，做過既事。
老實講，我打緊依篇故既時候，都係一直重播依首歌。嚴格上黎講，無賴可以話係「人渣誠」既主題曲。
歌，我就唱完喇。落到台，有一種鬆一口氣既感覺。
「喂，你唱得好難聽喎。」林優怡挖苦我。
「Stop la啦你，叫我歌神。」
我一啲實力都冇，所以，我係偶像派...
講笑姐，歌我就唱完喇，好唔好聽依啲，由佢啦。何必太介懷呢，至少我唱出左自己既心聲。
歌都唱埋喇，都差唔多入正題喇。
去到中六下學期，關於我同第五個女仔既故事...
中六下學期既時間十分之短，過得好快。兩個月之後，我地就會告別校園...
交代下身邊既人近況先，第一個就講Heidi先啦。
Heidi同左一個留級既男仔一齊，高高大大咁啦。
依家望到佢，都有一種好陌生既感覺。畢竟仲係同一間學校，係走廊撞到並唔出奇。
而每一次我地係走廊見到，都會直行直過。依種感覺真係好難用文字表達。
你諗下，一年前既佢仲赤裸裸咁訓係我張床，話要同我一生一世。依家見到連招呼都唔會打，形同陌路人。
一生一世，原來咁向左走向右走短。
第二個，浩仔，好有錢既死MK。佢都同我一樣，退左休喇。
點解?緊係因為女啦。
佢識到一個叫Bobo既女仔，話係佢既真命天女喎。
浩仔為左媾到Bobo同證明自己會專一，從此冇再聯絡阿俊個班人。佢冇再媾女，生生性性，專一咁對佢女朋友喇。
做兄弟既，當然衷心祝福佢啦。
好好珍惜佢啦，男朋友。
至於張彥琪，其中一個女主角。
之前都略略提過架喇，我同佢既關係好左好多，會互訴心中情。
但都只係知己，冇下文架喇。雖然佢keep住單身，但我冇諗過要媾佢。
因為我唔想再因為依啲男男女女既野，而累到我再失去佢一次。佢係一個好好既朋友，我唔想失去佢第二次......
平時吹下水，間唔中約出黎一齊溫書，咁就已經足夠喇。
唔知你生命中有冇一個，你覺得只做朋友都好幸福既異性。
做朋友，好似更適合我地。
啊係，仲有一個好耐冇出場既人，振威。
個死仔包，唔聲唔聲，媾到女。
你冇睇錯，振威佢有女喇...仲要係巧婷啊!!
你要明白，媾到女脫毒係一回事，媾到女神係另一回事。
聽講佢自從表白失敗之後，同巧婷仲有繼續聯絡。佢一直都冇放棄，等巧婷會愛上佢 。
佢既長情同佢一片痴心，打動左巧婷。
振威等到喇。
「我終於等到喇...嗚嗚...」我永遠都唔會忘記個一晚， 喊住咁攬實我。
「咁開心做咩喊，傻仔黎既。好好珍惜佢啦...」
「嗯，我會架喇...嗚嗚....」
見到振威終於可以過上幸福快樂既生活，我倍感安慰。
做兄弟，一定替佢開心。
當初我同佢都失戀，我選擇左瘋狂媾女去填補我既空虛，但振威決定等，用時間去證明佢既愛有幾真。
佢等到自己愛既人，我就做左「人渣誠」。
搞到我都有少少妒忌振威...
「記得用套啊。」放學既時候，阿偉對振威說。
「Stop la啦，我地好純潔架!」講完，振威就同巧婷一齊放學。
以我所知，佢地兩個係幾純潔既。因為，巧婷都係修女黎...
「冇所謂啦，同到佢一齊就夠。」振威說。
如果依句係出自阿俊，我一定Hi佢。但振威既話，我信。因為佢個人真係好怯，就算今日巧婷除褲叫佢入，我都好肯定佢唔敢。
見到振威咁幸福，搞到我都好想拍拖。
我想試下好似振威咁，唔講扑唔扑野，見到對方會面紅，心跳加速既感覺...就好似初戀一樣。
嗚啊!!我要初戀啊!!
人渣誠開始憧憬戀愛既滋味喇...
「我想要一段柏拉圖式既戀愛啊!!」我仰天長嘯。