《名為青春的樂章》（ 逢星期日晚更新）: 第十六話：出乎意料嘅發展

第二日一早，我就打咗電話捭啟明同靜詩到琴日嗰間cafe度一齊諗辦法改善番啟明同旻宇而家非常之危險嘅關係。

我喝咗啖咖啡：「咁...我地而家有咩選擇呀？」

「你有無試過送啲禮物捭佢呀？」靜詩望住佢手中嘅筆記簿問。

「試過啦...」啟明歎咗口氣：「但係都無用...」

「咁樣嘅話真係點算好呀...」連我都諗唔到辦法。

「你都無試過激嬲過你鐘意嘅人，緊係唔知點算好啦。」靜詩又望返去自己手中嘅筆記簿：「送禮物，out。」

啟明全程只係喺度喝住杯咖啡，唔知點算好：「依下真係死得啦。」

靜詩扶住自己額頭講：「你由琴日開始就不停地咁樣講都無用啦，而家最大問題係你同旻宇佢正喺度同居，唔同平時激嬲你鐘意嘅人咁可以捭佢地幾日冷靜落嚟。」

「或者...不如你就順住落去，咁嘅話咪正好有機會同佢告白囉。」我咁講，當然直接又一次捭靜詩罵咗一餐。

「你痴咗線呀？！而家咁樣咪變相自殺！你想像下後果可以幾毀滅性？！」

我居然用咗兩秒想像如果啟明佢真係跟住我咁去做嘅後果...

（俊昇嘅想像）

「呃...阿宇呀...」啟明佢好緊張咁講：「其實呢...我鐘意你...」

「吓？！」旻宇完全反應唔到過嚟，唔小心倒瀉咗自己手中嘅檸檬茶：「你講咩呀？」

「我鐘意你呀！」啟明敲起勇氣喊，但係換嚟嘅就只有旻宇因為嗰日件事嘅怒吼...

一諗到依度，我都不自禁咁打咗個冷震。

「咁點好呀～～～～！」啟明絕望地喊。

靜詩拍咗拍啟明膊頭講：「睇嚟我地係無辦法幫到哥哥你啦，唉。」

而正當我地三個消沉到連周圍嘅人都捭到我地影響嘅時候，喺我地身後傳嚟我地最唔想聽到嘅人把聲。

「你地會喺度嘅？」

我望向聲音傳嚟嘅方向，不出所料，係旻宇佢。

「呃...我地只不過喺度喝下咖啡。」靜詩唔知點答佢好。

「呀！」啟明佢突然間企咗起身。「我有啲事先返去啦。」我地仲未反應過嚟佢就一箭咁衝咗出去，九成係返咗去佢屋企度。

旻宇望住衝咗出去嘅啟明：「佢咩事嚟呀？」

「呃...」我同靜詩一時三刻都諗唔到點答佢好。

「唉。」旻宇佢歎咗口氣。「佢仲因為嗰日件事唔敢對住我呀...」佢咁講一瞬間完全推翻咗我地原本嘅推論。

「吓？！？！？！？！？！？！？！？！」

「誒？」旻宇依個時候先記返起我地嘅存在。「唔記得咗你地添。」

佢坐咗落嚟：「見你地係度，睇嚟你地知道咗我同阿明佢發生過咩事啦。」

我地兩個一齊點了點頭。

旻宇清咗清喉嚨：「其實我當時係有啲太大反應，但係自從嗰日之後佢就一直都唔敢對住我...」佢停咗一陣。「佢真係無諗過明明我係同佢一齊住，如果我
仲嬲佢嘅話一早就走咗啦。」

「咁啟明佢唔習慣對住人...尤其係你。」死啦！我講多咗！

「你頭先講咩呀？」旻宇望住我好疑惑咁問。

正當我諗唔到一個好嘅藉口時候，好彩有靜詩佢幫我打圓場：「咁佢得你一個朋友會真心咁關心佢啊嗎，我記得佢一直都係唔習慣人地嘅關心，所以先唔=15.6px習慣囉。」


咁樣嘅藉口都諗得出...而家唯有睇下佢buy唔buy啦。

旻宇佢好似審犯嘅眼神望住我地，過咗唔知幾耐先開口：「真係咁呀...」佢講完就企咗起身，離開咗cafe。

「呼。」靜詩佢鬆咗口氣。「睇嚟無事啦，」佢啤咗我一眼：「你真係嘅，點解要加多嗰四個字呀！」

「對...對唔住。」靜詩歎咗口氣，拎咗部手機出嚟同啟明講返啱啱旻宇所講嘅嘢。

一陣之後，靜詩將佢手機放返落佢口袋：「而家哥哥佢只可以靠自己啦...」

（啟明POV）

我返到屋企之後，二話不說就返咗入房，攤咗喺張床度。

過咗唔知幾耐之後，忽然靜詩Whatsapp咗捭我。

靜詩：哥，旻宇佢已經原諒咗你啦，唔洗再要避開佢啦。

靜詩：順帶一提，俊昇佢頭先差啲唔小心爆咗你鐘意佢件事，雖然我求其作咗個藉口應付佢，不過佢有可無buy。

靜詩：係啦！

靜詩：你不如就順水推舟，趁依個機會同佢告白啦！

我見到依句，差啲將喝緊杯水噴咗出嚟，突然間就叫人去告白...唔係喎，佢咁講咪係一個大好機會囉！

我諗咗一陣，決定跟住佢地咁做。

啱啱好旻宇佢返咗嚟，於是我就決定依三日入面，第一次正式對住佢。

「阿宇！」

「咩呀？」

「係...係咁嘅...」我停咗一陣，捭自己幾秒鐘時冷靜落嚟。「雖然我突然間咁講係好唐突，不過其實我...我...我...」

「阿明？你無嘢啊嗎？」

死就死啦！

「我鐘意你呀！」

《待續》

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

呃...大家好，又係我啦。
係咁嘅，因為我下個星期就要考試（成兩個星期），所以依兩個星期日並唔會更新，本人先係度向各位讀者講句對唔住，咁下一集將會到二十四號先PO=15.6px上嚟，敬請期待。