《名為青春的樂章》（ 逢星期日晚更新）: 第十四集：佢地兩個究竟發生咗咩事？
係旺角嘅表演第一次嘅練習，原本就應該同平時一樣嘅，但唔知點解今日啟明同旻宇佢地兩個捭人地嘅感覺非常之奇怪。
平時應該咩都傾嘅佢地自從係旺角嘅表演之後突然之間就粒聲都唔出，當然我、依琳同埋浩朗都好擔心佢地兩個，所以我就趁住休息期間去問啟明究竟發出咗咩事。
「啟明，你其實同旻宇佢發出咗咩事呀，點解無啦啦你地兩個突然之間好似陌生人咁嘅？」
「吓？我有咩？」
「有。」
「呃...我最近只不過係太攰姐，無事喎。」
「咁呀，無事啦。」我講完就走到去依琳度，同佢講返我頭先同啟明只係維持咗四句嘅交流。
「哇～」依琳佢完全唔知點做好：「依下真係難搞喎。」
「唉，點算呀？」
忽然浩朗把聲插咗入嚟，嚇咗我同依琳一跳：「HI！」
依琳好唔容易先從浩朗嘅『驚喜』回復返嚟：「喂，想嚇死我地咩？」
「對唔住！」浩朗身後嘅靜詩連忙同我地九十度鞠躬道歉，又一次嚇咗我同依琳一跳。
我托住個額頭講：「今日我究竟係咪運呀...」
「係啦。」依琳突然間醒起可以問靜詩啟明佢究竟發生咗咩事：「你知唔知啟明佢究竟同旻宇佢發生咗咩呀？」
「完全唔知。」
「唉...」
「咁而家究竟點算好呀？」我問。
浩朗突然提議：「咪好似啲動漫咁跟住佢地一日，睇下佢地究竟發生咩事囉。」
我即刻推咗佢嘅建議：「小學生咩，玩跟蹤...」
依琳佢竟然同意浩朗：「但係而家咁嘅情況落去，睇嚟我地都係要跟住佢地，睇下佢地究竟係咩事。」
「依...依琳...你唔係真係打算咁做呀嗎？」
「你有其他辦法咩？」
「無...」
「今次真係死得啦。」我心諗。
第二日一早，依琳、浩朗埋靜詩三個就匿咗係啟明屋企附近，等佢出嚟。
「靜詩，Target出咗嚟未，over。」依琳透過手機問。
「Target仲未出嚟，over。」
「咁等多一陣先啦，over。」浩朗說。
佢地就咁等咗成個鐘，你問我點解知道？
因為我被依琳同靜詩佢地兩個逼住一齊等啟明佢從佢屋企出嚟囉，最緊要嘅係嗰日又好唔好彩咁鬼死熱，對我地嚟講間直就係折磨。
「其實我地已經係度等咗成個鐘，不如返去囉。」我好唔耐煩咁講。
浩朗都同意我：「係囉，咁等落去唔係辦法喎。」
「好啦，我地都係返去啦。」依琳諗咗一陣，最後都係決定返去。
第二日，我終於可以搵到啟明，一齊去咗一間cafe，我一同佢坐低就同佢講咗琴日我被逼去跟蹤佢嘅事。
「你地真係去跟蹤我呀？」啟明聽到我咁講笑到停唔到落嚟。
「我叫過佢地唔好咁做，只不過佢地話無其他辦法，所以佢地先咁做囉，嗰日真係熱死人...」我問：「不過其實呢，你同旻宇佢究竟發生咗咩事呀？」
啟明佢聽到後塊面一瞬間紅到不得了，佢用盡辦法冷靜返落嚟：「係咁嘅...我而家其實同阿宇佢...」
佢一講到依度塊面又一次紅咗起身，我見到佢咁：「你鐘意佢？」
啟明聽到我咁講之後塊面比幾分鐘前更加紅：「呃......係。」
「我係你朋友，點會爆你嘅秘密，唔洗驚，咁究竟發生咗咩事呀？」
啟明佢冷靜咗落嚟之後開口：「係咁嘅...」
旺角嘅表演之後嘅星期六。
因為之前先有一場表演，所以我地嗰日就無一齊去練習。
啟明佢趁有時間就係自己間房度寫下歌，打算係下一次嘅練習由我幫佢作埋曲。
原本今日對啟明嚟講應該只係一個平常嘅星期六，直到一把熟悉嘅聲音係屋門外響起。
「阿明！」
啟明過去屋門一睇，居然係攞住成堆行李嘅旻宇。
啟明即刻開咗屋門：「阿宇！咩事喇？」
旻宇佢將佢啲行李放咗入屋：「你地可唔可以捭我係度住呀？」
「吓？！」啟明完全捭咩反應好。
「我之前住間屋因為太耐無交租所以捭人收返，而阿爸阿媽佢無啦啦就話佢地要去外國出差，但係佢地居然只係帶我細佬佢地去咗外國，剩返低我一個人...」旻宇講到一半就喊咗出嚟。
啟明連忙安慰旻宇：「唔...唔洗喊，既然你阿爸阿媽就咁就抌低你一個，而且你而家都無地方住，咁我同阿媽講一講，捭你係度住啦。」
旻宇抹乾咗眼淚，驚訝地望住啟明：「你...真係捭我係依度住？但係我無嘢可以報答你...」
啟明打斷咗旻宇：「你之前同俊昇佢一齊為咗我搵返靜詩，咁而家我地兩個咪無欠過對方任何嘢囉。」
旻宇沉思咗一陣，點了點頭：「唔，咁好啦。」
「...就係咁，我而家同旻宇佢同居緊。」
我聽咗啟明嘅回憶之後同佢當時嘅反應一模一樣－唔知捭咩反應好。
「咁...點解你唔一開頭就同我講？」
啟明佢歎咗口氣，繼續同我講同旻宇同居嘅事：「咁係因為我同佢發生過啲事，我地最後都係決定唔同你地講...」
「吓？」我仲未反應過嚟，啟明佢就繼續講落去。
「不過其實我都想問你點算嘅，但係你可唔可以保證唔同其他人講呀？」
「可...可以。」
啟明放鬆咗落嚟之後開始回憶返佢同旻宇究竟發生咗咩事：「係咁嘅...」
《待續》