《名為青春的樂章》（ 逢星期日晚更新）: 第十三話：＂演唱會＂
當然，幾乎無人注意到我地。
我轉過頭望去另外三人度，點頭示意直接開始。
「由《voices》開始啦。」
「OK！」旻宇點了點頭，依琳同啟明都準備好直接開始：「1！2！3！4！」
結他同鋼琴互相配合着，之後加上低音結他，然後最後加上敲聲，同埋我同依琳嘅歌聲。
all those ordinary noise
all those ordinary voice
now i finally know
the importance of them
it's ironic is it?
only in the end that you see
how it all shape you
how precious is it...
唱完之後，我先注意到原來已經有大約二十人係度聽住我地。佢地係我地唱完後都一齊歡呼。
「哇...」我停咗一陣，望向另外三人：「我真係估唔到反應會咁好。」
「你而家先注意到呀？」旻宇笑住同我講。
我笑咗笑，望返去觀眾道：「大家好，咁捭我地重新一次自我介紹，我地係VOICE。」
依琳接落去：「咁下一首歌就係所有玩過《Deemo》嘅人都應該會知道嘅歌。」
我地嘅觀眾基本上都估唔到我地講嘅係邊首歌，我清咗清喉嚨：「以下落嚟就係Night Keeper嘅《愛麗絲晚安》，希望大家鐘意...」
看流星 劃過天邊 找夢的起點
億萬光年的疲憊 就為了愛的許願
妳卻緊抱傷悲 不想睡
更不想 被看見
Alice good night good night 迷霧漆黑 我會陪你穿越
Alice good night good night 把希望拼圖 一片片找回
別再怕 星移物換 昨是今非 我在你身邊
Alice good night 我就在身邊...
唱完之後，我地只係休息咗幾分鐘，就即刻準備好唱下一首歌－The Maine嘅《Into Your Arms》...
兩個星期前喺阿Sam嘅band房度。
決定咗嗰日會表演邊幾首歌之後，第一大難題就係關於嗰兩首翻唱嘅歌
「咁就係《voices》、Night Keeper嘅《愛麗絲晚安》、The Maine嘅《Into Your Arms》同埋《Rainfall》啦。」我同佢地一齊諗咗成兩個鐘之後終於決
定咗係依幾首歌。
「《voices》、《Rainfall》同埋Night Keeper嘅《愛麗絲晚安》就無咩大問題，」啟明說：「只不過《Into Your Arms》...」
「係呢。」依琳都同意：「我地要因為成員嘅限制重新編曲喎...」
「《Into Your Arms》原本係要兩個結他嘅，睇嚟要重新編過曲啦。」我說。
「唔洗，」旻宇說：「啟明部電子琴可以記低一段嘅音樂不斷loop嘅，咁原曲嘅鋼琴嗰part咪搞掂囉？」
「咁嘅話原本主音結他嗰度就由啟明做啦。」
「無問題。」
「OK。」依琳說：「之後就只係點樣分我同埋俊昇你嘅部分就得喇。」
返到而家，多得我地依兩個星期日日都係阿Sam度練習，我地翻唱嘅《Into Your Arms》以幾乎毫無失誤嘅水準搞掂喇。
唱完之後，我地正當要同大家唱埋《Rainfall》時候，突然附近有位大媽勁吵咁係度唱歌，唔單止嚇咗我地同埋觀眾一跳，而且嗰個大媽咁樣係度煩住我地
真係搞到我地無辦法唱埋落去。
「...唉...」依琳同我都諗返起之前元旦嗰日被大媽折磨嘅事，而家仲唔可以好似嗰日咁走附近避開佢地，同時歎咗口氣。
「無嘢嘅。」啟明拍咗拍我搒頭同我講：「咪當佢地無到囉。」
我諗咗一陣，點了點頭拎返去觀眾度：「咁跟住落嚟就係最後一首歌，係我地到而家都未公開嘅《Rainfall》，希望大家鐘意喇。」
同我地之前作過嘅歌唔同，《Rainfall》嘅前半部分只有我嘅結他同埋依琳嘅獨唱，始終佢係學校嘅合唱團團員，所以都可以頂得順附近大媽嘅『歌聲』。
唱完之後，我地同觀眾謝咗幕，然後就係我覺得最煩嘅事－執嘢。
執到一半，依琳突然講：「係啦，反正而家先七點半，我地都未食嘢，不如就一齊去食嘢啦，順便當慶功宴。」
「但係去邊度食呀？」啟明問。
「又係喎，咁就去一啲平時少食嘅地方啦！」
因為我地三個咁啱都只係食咗早餐，所以我地唯有跟住佢去佢口中嘅『平時少食嘅地方』。
最後出乎所料，我地去咗一間好鬼死出名嘅食肆，唔係因為佢啲嘢好食，而係因為佢係大家樂。
「大家樂...你玩我呀？」啟明完全無法相信自己眼前嘅景象。
依琳尷尬地笑咗笑：「咁我地無咩錢，唯有係度食啦。」
「唉。」我歎咗口氣：「雖然我從來都未見過有隊band居然係大家樂度做『慶功宴』，但係而家我地唯有委託啦。」
我地上到去之後只係自己食住自己嘅嘢，充滿住唔舒服嘅氣氛。
我地四個食完之後就名自己返去，當然我係同依琳一齊返去啦。
「係啦，而家搭地鐵太嘥時間喇，一齊搭巴士啦。」依琳說。
我望咗望手錶，原來己經係成九點喇。
「咁好呀。」
我地好快就上到巴士，好彩上層仲有啲空位，於是我就同依琳佢一齊坐咗隔離位。
我只係專注於窗外嘅風景，而依琳就因為太攰訓着咗，直接嗌咗落我膀頭度，我原本想將佢個頭推開，但係佢咁樣望過去真係好可愛。
「冷靜，冷靜...」我心諗。
我望返過去依琳，個頭真係好亂。
「或者有日我同佢表白...掛？」
《待續》