《名為青春的樂章》（ 逢星期日晚更新）: 第十二話：重逢
「阿...阿哥，好耐無見喇。」靜詩有啲緊張咁講。
啟明並無回答，只係望住靜詩，嘗試整理成件事。
坐係我隔離嘅依琳見到佢只係望住靜詩，細細聲咁問我：「啟明佢搞咩呀？」
「佢而家只係喺度整理緊成件事...掛。」
唔知過咗幾耐，啟明先開口：「靜...靜詩，真係你呀？」
「係我呀，哥哥。」淚水係靜詩嘅雙頰不斷地流下來，「估唔到過咗十年，我地兩個可以見返對方。」
啟明二話不說就衝咗上去，緊緊地抱住靜詩，折磨咗自己唔知幾多日嘅負面情緒係依一刻終於爆發咗，而靜詩同啟明一樣喊咗出來。
我地四人都知道而家最好都係由得佢地兩個，只係係一邊望住佢地。
過咗一陣，啟明同靜詩終於喊完，啟明望向我地：「你地...點搵到佢住係邊嘅？」
浩朗笑咗一笑，指住我同旻宇：「唔係我地，只係佢地兩個姐。」浩朗繼續講落去：「我地都係頭先捭俊昇叫過嚟...」
兩個鐘前。
琴日天宇通知旻宇靜詩決定聽日去見返啟明，而旻宇叫我先喺啟明屋企樓下等佢地兩個。
過咗一陣，旻宇同埋靜詩終於來到了。
正當我地三人要入去時旻宇突然間話：「係喇，點解我地唔叫埋依琳同埋浩朗佢地，啟明佢明明係我地嘅一員，我地應該全部人一齊去見佢嘅。」
「係喎，等我一陣。」我講完就打捭依琳同浩朗，叫佢地過嚟。
「...就係咁我地先過咗嚟。」浩朗講完之後我繼續接落去：「雖然係只有我同旻宇去搵返佢－」
「我明嘅。」啟明打斷我：「你地可唔可以捭我同靜詩一啲私人時間呀？」
「可以嘅。」我講完就拉埋其他出咗去。
啟明係我地出咗去後拎返過來望向靜詩：「呃...依十年你過得點呀？」
「我呀...而家有第二個阿哥，叫天宇。」
啟明聽到之後非常之驚訝：「天...天宇？你唔係講緊隨天宇？」
「誒？你點知佢嘅？」
啟明依刻嘅思緒非常之亂，佢用咗啲時間捭自己冷靜咗落嚟：「所以一直以嚟你都係住係佢度呀？」
靜詩只係點咗點頭，並無回答佢。
「唉。」啟明歎咗一口氣：「原來我地一直離對方咁近。」
「係喇，其實你點識到佢地嘅？」
「點解呀...說來話長，或者有一日得閒嘅話我同你講啦。」
「唔...係啦，你唔係應該叫返佢地入嚟咩？」
啟明返出屋門，叫返我地入嚟。
「係啦。」我醒起之前阿sir同我講嘅事：「之前我見到隨sir，佢問我地可唔可以係七月嘅才藝表演做嘉賓喎。」
「隨sir？佢唔係只係訓導咩？」啟明問。
「佢唔單止係訓導，仲係學生會嘅顧問老師。」
一直無講野嘅旻宇突然開口：「我地一直都只係網上活躍，我地真係得嘅咩？」
「又係喎，我地並無任何嘅現場經驗...」啟明講下講下就開始沉思了起來。
「經驗依家野好簡單姐，搵日開場live咪得囉！」依琳說。
「Live啊...係邊度先係個問題...」浩朗說。
「喺旺角咪得囉。」
「咪講笑啦。」我說：「你唔記得之前元旦件事咩？」
「我記得，只不過未試過點知呢。」
忽然間浩朗插咗入來：「你地兩個之前元旦發生咗咩事嚟呀？」
「無事！」我同依琳異口同聲咁講。
啟明盡力忍住唔好笑：「但係你地兩個嘅反應好明顯係有野囉。」
「好啦好啦，唔好拉開話題啦。」旻宇及時幫我同依琳解圍，「咁我地就係旺角度做第一次live啦。」
「好啦。」啟明說：「咁時間係...幾時好呀？」
「時間呀...下個月嘅二號啦，反正嗰日放假，應該唔會有好多大媽掛。」我建議。
「好呀。」另外三人異口同聲咁講。
「就一預咁話啦。」
靜詩睇咗睇手機同我地講：「但係今日已經係十一號喇喎，你地真係夠時間咩？」
「係喎...」我說：「我唔記得咗。」
「依個唔係問題，」依琳好肯定咁講：「我地一直都有係度練習，應該無問題嘅。」
「應該掛。」啟明同旻宇異口同聲咁講。
五月二號，旺角行人專用區。
本來我地都對今次嘅live無咩期望，始終係行人專用區度，我地都預咗一定會有成推大媽係度『唱歌』。不過今日居然無咩人係度做音樂表演。
我拎住啲設備同埋我把結他講：「就係依度啦。」
另外三人都點了點頭同意，於是我地就即刻開始set好曬所有嘢。
大約半個鐘後，我地終於搞完曬所有嘢。
「其實...」啟明停咗一陣，「其實你地緊唔緊張嘅？」
「仲要問嘅咩？」依琳說：「當然啦，我地雖然係依幾個星期日日都有練。」
「咁我地都係第一次做表演，緊張都係正常嘅，我諗。」我說。
「每次表演都會緊張嘅喇。」旻宇少有咁笑住同佢講。
我試咗試支咪，向住途人講：「呃...大家好，我地係VOICES，今次係我地嘅第一次live，請多指教喇。」
《待續》