《名為青春的樂章》（ 逢星期日晚更新）: 第十一話：重逢前
「你......你講笑掛？」靜詩完全無辦法相信旻宇的話。
先知道自己可以再一次見到自己嘅親生哥哥，但係同時知道自己嘅親生父母原來一直都係死咗，係邊個都無辦法接受。
「我唔係喺度講笑，你之所以會係喺孤兒院長大唔係因為你父母拋棄你地兩個，係因為當時佢地兩個知道自己時間無多，唔想你地傷心...」旻宇講到一半已
經唔想再講落去。
靜詩佢並唔係唔聰明，佢自己知道旻宇講嘅只係殘酷嘅真相，即使佢唔想承認。
「旻宇，你點知嘅？」一直係一邊嘅天宇依一刻只係充滿住對佢自己多年嘅『阿妹』身世嘅疑問。
旻宇並無回答，只係捭天宇一個好易明白嘅眼神：「而家你都係唔好講野好啲。」直接令到天宇收聲。
旻宇繼續講：「阿明佢其實同你有住一模一樣嘅反應，但係佢唔似你咁有人肯去支持佢，如果你可以去見佢嘅話，或者可以幫到佢。」
「見返哥哥佢呀...」靜詩諗咗一陣：「我係想見佢，但係可唔可以捭我一啲時間處理返我自己親生父母嘅事。」講完就返咗入間房，剩返旻宇同天宇。
天宇少有咁一次放低咗自己對人非常之刻薄嘅態度：「咁如果阿詩佢想見返啟明嘅話，我會同你講。」
「多謝你啦，天宇。有時候你依種人都會變得可靠呢。」旻宇講完就走咗。
另一方面，我已經係天宇屋企樓下門口等咗好耐。
「佢搞咩搞咁耐呀？」我心諗。
係等旻宇期間，可能係因為好耐都無好似而家咁係一個完全無野可以捭你專心嘅場合，我開始諗返起三個月前我決定唔同曉欣表白嘅決定，雖然當初曾經
同自己咁講：「人生係一定會有遺憾嘅喇，由其係依段時期。」嚟捭自己好過啲，加埋我全心全力咁投入VOICES嘅事，所以我一直都無真係反思過自己嘅決定係咪真係值得。
一諗返起曉欣，我對佢只係充滿住後悔，當然佢係有天宇，所以只係當我係一個好close嘅朋友，如果我嗰日真係踏出咗嗰一步，情況一定會比而家至少壞十倍，唔單止係同曉欣定係天宇，仲有依琳佢。但係我又唔知點解對我依個決定十分之後悔。
講到依琳，我係知道佢鐘意我，只不過我唔想佢成為曉欣嘅替代品，我唔想因為我決定唔同自己嘅人表白然後又突然間成日搵第二個人，一來我自己一定過唔到自己嗰良心，而且依琳佢一定feel到有問題，咁嘅話我都係暫時同佢保持住青梅竹馬嘅關係，「青梅竹馬，終成眷屬」聽落嚟係容易，只不過唔係我依個case。
突然一把我十分之熟悉嘅聲音打斷我嘅思緒，「何俊昇，估唔到你會係度呢。」
把聲嘅來源唔係邊個，而係好耐之前因為我係運動會偷走罵咗我一鑊嘅訓導阿sir，亦即係天宇同埋靜詩嘅老豆。
「H－Hi阿sir。」我說。
佢用唔同平時十分之寸嘅態度向我說：「你等緊人呀？」
我而一刻完全唔知講咩好，唔係因為唔知點答，而係因為佢依一刻嘅氣場同佢平時好唔同。
佢見到我咁樣，只係笑咗一笑：「我明嘅，我係做野嗰陣係好寸，不過而家我都唔係做緊訓導嘅角色，唔洗咁緊張嘅。」
我用咗幾秒嚟捭自己冷靜落嚟，同佢講咗關於啟明嘅父母同埋佢阿妹係捭咗阿sir一家收養嘅事。阿sir最初都唔係好信，但係佢諗起靜詩嘅事之後，就完全相信了。我地兩個之後傾咗好耐，直到佢突然間講到VOICES嘅事。
「係喇，你最近係咪夾緊band啊？」
「你點知嘅？！」我有啲驚訝咁講。
「咁兩個月前你地四個突然間捭成堆人追嚟追去，我身為訓導梗係要處理喇，所以我咪知道你地係度夾band囉。」
「但係你點解而家先提起嘅？」
阿sir佢突然變得十分之認真：「其實我想你地幫一幫我手，係遲啲七月嘅才藝表演度做表演嘉賓。」
我依家先醒起，阿sir佢唔單止係訓導，同時都係學生會嘅顧問老師。
我諗咗一kiu「我會通知佢地嘅喇，應該下個星期可以答你。」
「唔該曬喇。」阿sir突然間醒起：「係喇，我先走喇，費時又要捭老婆罵。」
「咁再見喇。」
阿sir佢向我點咗點頭就走咗，剩返我一個人係度等旻宇。
又過咗一陣，旻宇終於返落嚟。
「俊昇，靜詩話先捭佢一啲時間先去見返阿明。」
「咁呀，我地都係返去先喇。」
我講完就同旻宇講咗聲再見，返到各自嘅屋企。
幾日後。
啟明已經係第七日將自己困係自己間房度，同出邊嘅世界斷絕聯繫。
佢知道自己而家嘅行為係好幼稚，明明自己對自己嘅父母嘅記憶十分之模糊，而且當初認為佢地係拋棄咗自己同靜詩嗰陣已經唔再當佢地係自己嘅父母。
但係知道真相嗰一刻，終於承受唔到了。
雖然而家嘅生活唔係太差，只係嗰天偏偏將佢同自己親生妹妹格硬分開咗，而且自己而家嘅『家』而家只係充斥住壓抑嘅氣氛，佢以前曾經叫做老豆嘅人粒聲唔出就因為意外走咗。最好笑嘅係自己繼父嘅葬禮之後嗰日自己又知道自己嘅親生父母原來係因為知道自己時日無多少先將佢地交到孤兒院。
平時對人永遠都會帶住一度笑容嘅啟明，係笑容背後收埋嘅就只有一個唔知點解就係永遠無法同人地吐出心事嘅人。佢無論試咗幾多次都好，身邊嘅人只會因為佢係學霸而無視咗佢嘅真心話。
「今次全班同埋全級嘅第一名－陽啟明！」
「人地學霸嘅問題，我地凡人係永遠都無辦法了解嘅喇。」
「無啦啦講依啲咁負面嘅嚟做咩？睇開啲喇。」
「今次全級第一名肯定又係陽啟明佢喇。」
「唔係呀！」啟明已經係一日入面第二次從惡夢入面驚醒過嚟。
「點解無人肯明下我呀...」啟明只係不斷係自己腦海入面重複住依句。
係佢做人十四年以來，唯一唔會因為佢係所謂嘅學霸而唔肯聽佢嘅真心話嘅人就只有旻宇一個，只有她一人肯支持佢，而唔係好似其他人咁只會妒忌佢，
希望佢有一日失敗，好捭佢地對佢不斷落井下石；只有佢一個會為咗自己而東奔西跑；只有佢一個會為咗自己咩都做得出......
明明佢係最唔需要理自己嘅人，偏偏就只有佢一個肯去理自己，一個係人地眼中只敵人嘅人。
好唔容易先走出嚟，偏偏又因為自己親生父母同埋繼父嘅事，又將自己拉返入嚟依個惡性循環。可能好似嗰個出曬名嘅廣告咁「連個天都唔鐘意佢」
正當啟明要係自己嘅思想入面越踩越深時候，自己阿媽嘅聲音將佢拉返嚟現實。
「啟明，有人嚟見你呀。」
啟明並無答佢，而係繼續將自己困係間房度。
「啟明，我明白你嘅感受，但係佢話如果無見到你嘅話佢死都唔會返去喎。」
忽然旻宇把聲加咗入嚟：「啟明，唔該你出一出嚟啦，你而家咁樣唔單止我會唔開心，仲有佢...」
依個『佢』終於令啟明有啲好奇，究竟除咗旻宇仲有邊個因為佢而搞到自己唔開心。
佢終於打開咗房門，出邊嘅唔只有旻宇，仲有俊昇、依琳、浩朗，同埋一個佢並唔識嘅人，唔係，係一個好多年無見嘅人。
依刻啟明完全無辦法相信自己眼前嘅景象，唔係因為同自己一齊夾band嘅朋友係度，而係因為嗰個『佢』依個既陌生又熟悉嘅存在。
過咗十年，啟明佢終於見返靜詩。
《待續》
－－－－－－－－－－－－－－－－－－－－－－－－－－－－－－－－－－－－－
大家好，我係沒有名字的人。
首先關於上個禮拜四並無更新嘅事，我係度同大家講句對唔住。
同時因為一周兩更嘅事令到每一話嘅節奏太快，而且令到角色嘅性格並唔算好突出，所以從今話開始，更新周期會變返每個星期日一話。