《名為青春的樂章》（ 逢星期日晚更新）: 第九話
自從個次嘅事件之後，唔知點解啲『Fans』再都無好似個日後咁癲，而且因為浩朗佢話會係社交網站方面幫我地，所以我地嘅人氣一直好穩定咁上升。
兩個月後。
「啟明，你無事啊嗎？」我見到啟明最近好似好頹咁，真係好擔心。
佢只係好簡短咁答我：「係你呀，我無事呀。」
「唔係呢，你最近真係發生咗咩事呀？明明琴日我地一齊練習個陣你無事嘅。」
「我真係無事呀！捭我靜下好無！」佢忽然向住我怒吼，嚇到我一個措手不及。佢講完就一支箭咁走咗，靜返我一個人。
「唉，我之前講過我地永遠都無法了解阿明，我係認真嘅。」
「旻宇，係你呀。」
「唉，阿明佢真係可憐，自己唯一嘅親人就咁留低佢一個...」旻宇講到一半就無再講落去。
我聽到佢講嘅嘢後，只係好驚訝：「你頭先講咩呀？！」
「係喎，我從來都無同你地講佢究竟發生咗咩事。是咁的...」旻宇就係咁開始講起佢同啟明嘅事。
十年前。
當時嘅啟明係一個孤兒，而點解佢會係孤兒院度，旻宇就唔知了。總之佢嘅童年都係自己一個人...唔係，係兩個人過。
「兩個人？咁姐係你都係...」我說。
「唔係，我都係中一先識阿明佢嘅，當時同佢一齊嘅係佢阿妹。」
我點了點頭，就繼續聽落去。
原本佢地係應該一齊去被領養嘅，不過唔知點解，佢地兩個居然被兩個唔同嘅家庭領養咗，而阿明佢就從此再都無見過佢阿妹。
「但係咁嘅話，佢唔應該而且家先咁頹嘅。」
「我都未講完，聽埋落去你就會明嘅喇。」
雖然佢係新嘅家庭生活得唔錯，但係佢仍然好想知道佢嘅親生父母究竟係點嘅人，所以佢一直都有去調查，而且成日去問返以前孤兒院嘅職員，希望可以搵到一啲線索。
「係喇，其實我有樣野覺得有啲奇怪。」
旻宇好疑惑咁望住我：「咩事呀？」
「點解你會咁了解啟明嘅過去嘅？」
「係喎。」旻宇向住自己點了點頭，同我講：「咁佢曾經同我講過佢嘅過去。」
「既然佢肯將佢最唔想同人地講嘅事講捭你聽，睇嚟佢真係好信任你。」
「啱一半又唔啱一半。」
我呆咗一陣：「咁姐係意思姐。」
「佢當初其實唔係咁肯同人地講野嘅，係咁嘅...」旻宇又向我講返佢同啟明係中一嘅事。
兩年前。
當時嘅旻宇同而家無咩大分別，不過啟明都係同而家係兩個人。
有位女同學走過去問：「你係叫啟明係咪啊？」
啟明只係好簡短咁答佢：「係。」然後就繼續係度睇書。
聽到佢咁簡短嘅回答，個位女同學唔知點答佢好。佢只係失望咁返到去課室對面同另外二人講同啟明只係維持咗五秒嘅交流。
二人入面戴住眼鏡嘅男生說：「連阿晴你都唔得呀...」
當時嘅旻宇說：「你梗係唔得嘅喇。」
「連我地班嘅女班長都無辦法同佢維持超過五秒嘅交流，咁佢真係無得救嘅喇喎。」戴住眼鏡嘅男生托咗托眼鏡說。
「天宇，佢雖然係唔鐘意同人講野，但係咁都唔係一種病啦。你地無聽過佢嘅過去咩？」阿晴好嬲咁同天宇講。
「係，佢係喺孤兒院大，不過都唔會搞到佢咁樣嘅。」
旻宇歎咗一口氣：「你啲料真係過時嘅，唔單止佢係喺孤兒院大，而且佢同佢阿妹唔知點解由兩個家庭收養，加埋聽講佢地父母係拋棄咗佢地，所以先搞到佢咁。」
「哇～你真係了解佢嘅姐。」天宇拍住手咁講。
「其實...你係點知道咁多野嘅？」阿晴問。
「咁係佢自己同我講嘅。」
「吓？！」天宇同阿睛異口同聲咁喊。
「你...你點問到嘅？」阿晴不可置信咁問。
「我都唔知，佢曾經同我講過話我嘅氣質好令佢安心...掛。」
天宇又托咗托眼鏡：「你肯定你唔係講緊啲愛情小說嘅plot？」
「120％肯定。」
「咁呀...睇嚟佢都只肯同你講野。靠你啦。」天宇拍咗拍佢膀頭講。
「唔，靠你啦。」阿晴點了點頭同佢講。
「...總之就係咁，我就做咗阿明唯一嘅聆聽對象。」
「等陣，你識得隨天宇？」我說。
「係呀，佢以前同而家間直就係天與地嘅分別。回歸正題，佢今朝先知道其實自己嘅父母其實一早已經死咗，所以先咁樣囉。」
「你講到唔似好大件事咁嘅？」
「佢係咁嘅喇，好快就會返到原本嘅狀態，不過我都係好擔心佢。」旻宇說。
「咁不如幫啟明搵返佢嘅阿妹？」我說。
旻宇完全無辦法相信我：「你唔係講笑呀嗎？」
「咁我地應該可以返到去佢以前一直係住嘅孤兒院問返佢阿妹而家嘅屋企地址，希望可以捭佢地兄妹見返對方。」
旻宇聽到我嘅建議後諗咗一陣：「好啦，返正我都想佢地可以見返對方。」
「Ok then，今次依件事都係唔好話捭其他人知，費時捭啟明知道。」
「唔。」
《待續》