《名為青春的樂章》（ 逢星期日晚更新）: 第八話
我見到我地嘅歌居然上咗Trending，既興奮又好覺得好唔真實。
我二話不說即刻Whatsapp捭佢地，通知佢地。
俊昇：快啲睇下Youtube嘅Trending Page！
啟明：OMG，我地居然上到去。
旻宇：第一次就有咁大回響，依啲簡直就係啲小說嘅情節嚟嘅。
依琳：不過咁嘅話，我地咪會係街上面捭人認到？
俊昇：唔洗擔心，我無Show我地嘅樣，不過係學校嘅話就係另一件事...
依琳：首先我把聲已經係易認嘅喇，而且俊昇你之前問過咁多人夾唔夾Band...
旻宇：捭班上邊嘅同學認又唔係好大件事，大不了就係幾個人問你。
啟明：希望唔會好大件事喇。
第二日，我一早就返到學校，好彩並無人走嚟問我關於夾Band嘅事。
正當我認為無人知道而鬆一口氣時候，幾個其他班嘅人過咗嚟喊：「就係佢喇！」
我仲未反應過嚟，就有成二十人過嚟不斷問我係咪VOICES嘅主唱。
我只係老實咁答咗地：「我係。」
佢地一聽到我嘅回答，就不斷問我要自拍，又問我同依琳嘅關係，我一時之間根本唔知點答好。好彩浩朗佢及時返到嚟幫咗我解圍。
「你再留係度只係會搞更多人過嚟咋，快啲避開佢地先喇，我會幫你應付老師。」
我連忙同浩朗講咗聲唔該，就匿到男廁廁格，暫時避開佢地。
忽然我隔離傳嚟啟明嘅聲：「喂，係咪俊昇呀？」
「啟明，你都匿咗係度呀。」我有氣無力咁講。
啟明歎咗一口氣：「我真係估唔到我地嘅反響會咁大，唔單止我地兩個，阿宇同埋依琳都係同我地一樣。」
「咁佢地點呀？」我問。
「阿宇就同匿咗係女廁，而依琳就唔知了。」
我望住天花板：「依琳佢呀...祝佢好運了。」
「係呀。」
「鈴～鈴～」說明課堂開始嘅鐘聲又一次響起。
「咁我返去先喇。」啟明講完就返咗課室。
我好快都返咗去課室，趁機班主任仲未嚟坐返好。
「你沒事嗎？」曉欣有啲擔心咁問我。
我歎咗一口氣：「咁我之前聽咗浩朗，終於將我地嘅歌Upload咗上去，而唔知點解佢上居然咗Trending。」
「間單嚟講，姐係你地出咗名，不斷捭人騷擾。」
我點了點頭。
曉欣拍咗拍我膀頭：「咁其實依啲嘢我就無法幫到你嘅，我唯有為你加油了。」
「其實我最擔心嘅係依琳佢，畢竟佢係公認嘅中四女神，你想像下佢嘅處境...」
（以下都係俊昇嘅想像）
「你究竟同嗰個人係咩關係呀？」
依琳不知所措咁：「呃...只係一齊夾Band，無咩...」
忽然係人群入面有人喊：「黃依琳，其實我鐘意你！」
「吓？！咩話？」
我一諗到依度，成身都毛管戙。
「你無事啊嗎？」曉欣說。
「無事。」
幾個鐘後。
一到午飯，又一堆人嚟搵我。
好彩我先同浩朗、依琳、旻宇同啟明講定係邊度一齊走，所以並沒捭佢地搵到。
「咁你地今朝嘅情況究竟有幾壞？」浩朗一邊食住午飯一邊講。
「我嘅情況同俊昇差唔多。」啟明說。
「我都係。」旻宇說。
「我呀...」依琳歎咗一口氣：「我唔單止比人地問係咪VOICES嘅女主唱，仲有捭人問點解應承俊昇、同佢係咪關係同其他問題。」
「咁你點答佢地呀？」我問。
「我咪話因為我地兩個係多年嘅朋友囉，只不過結果好似搞到好大件事...」
另外三人聽到依琳嘅話，都用極為同情嘅眼光望住我。
「呃...一陣返到去，我會盡力保護你嘅人身安全嘅。」浩朗好猶豫咁講。
「我地今次真係唔知點幫你好，加油喇。」旻宇同啟明異口同聲咁講。
今日真係好好姐，唔單止捭人追嚟追去，又要捭依琳啲『Fans』當係佢地最大敵人。
「早知會咁大反響，我地就唔好Upload喇。」啟明說。
「不過換個角度嚟睇，你地嘅作品居然大受好評喎，依件唔係好事嚟嘅咩？」浩朗說。
「係好事一件，不過如果每日都係咁樣嘅話，係你都會受唔到嘅喇。」我說。
「咁呀...又係嘅，我地而家唯有希望佢地會自己收手，唔再騷擾你地喇。」
我地四人都點了點頭。
依琳突然間好似諗起啲咩咁：「係喇，我地向佢地解釋成件事咪得囉。」
「吓？」我地四個一齊講。
依琳之後嘅十分鐘就長篇大論咁講咗自己嘅方法。
啟明係我耳邊講：「佢今日咁奇怪嘅？」
「我都唔知佢今日點解咁樣，平時佢唔應該係咁嘅。」
旻宇都靠咗過嚟：「我都覺。」
過咗一陣，我地一齊返咗去學校，不出所料，我不但止捭人追，而且捭一班中四嘅人好似見到仇人咁望住我，搞到我無得好過。
幾個鐘後，我地終於放咗學，浩朗佢因為始終好擔心我同埋依琳，就打算同我地一齊返去。
「其實你真係唔洗突登嚟陪我同依琳嘅。」我說。
「咁如果你兩個一齊返去嘅話，啲傳聞咪會仲大。」
「俊昇，佢有Point喎。」
我歎咗一口氣：「係喇係喇，咁快啲行喇。」
返去期間，我決定Whatsapp旻宇同埋啟明，問佢地仲係咪想繼續Upload我地啲歌。
俊昇：咁...我地係咪繼續Upload呀？
啟明：咁既然有人鐘意我地嘅音樂，我地都鐘意我地做緊嘅事，其實又唔係一件壞事呀。
旻宇：我同意，捭人認出嚟係煩，不過我地既然開咗個頭，就做埋落去喇。
俊昇：咁呀...咁我地就繼續落去喇。
「佢地決定繼續呀？」係我一邊嘅浩朗問。
「係呀。」
「Well,wish us luck.」依琳說。
我笑咗一笑：「你幾時學咗我嘅口頭譂嘅？」
「唔知呀～」
我地三個笑咗一陣，就一齊返咗去。
《待續》