《名為青春的樂章》（ 逢星期日晚更新）: 第七話：我們某程度是出了道...吧
元旦已經過咗幾日，我地都返到平時返學放學嘅日子。
而唔知點解，我地學校偏偏又要係聖誕假後即刻考試，不過既然全港嘅學生都係差唔多依個時間考試，我都無理由埋怨...
兩個星期後。
「終於考完喇！！」係我旁邊嘅浩朗好興奮咁喊。
我心口放咗一舊大石咁歎咗一口氣：「係呢，希望我地考得好喇。」
忽然係我地後面傳嚟熟悉嘅聲：「俊昇！」
我拎轉頭望過去，係依琳、啟明同埋旻宇。
「點呀，你地考成點呀？」我問
「呃...我無咩信心...」依琳說。
「一切照常。」啟明笑住同我講。
「同阿明一樣。」旻宇說。
「咁首先同大家介紹，佢係浩朗，當初如果唔係佢嘅話我地根本無可能一齊夾到Band。」我拍咗拍浩朗嘅膀頭說。
「大家好，我係浩朗。」
浩朗同大家互相打咗招呼後，我地五人一齊去哦附近嘅大快活食個午餐。而我就同浩朗講咗最近嘅事。
「其實你地點解唔打算將你地嘅作品擺上網嘅？」浩朗問。
「擺上網呀...我曾經係有諗過，不過－」我講到一半捭啟明打斷咗。
「雖然我地由一開頭就無打算將我地嘅作品擺上網，不過過咗咁耐，不如我地就試下喇。」
「呃等－」我又未講完就捭人打斷。
「同意！」坐係我對面嘅依琳好興奮咁講。
「唔反對。」旻宇說。
「呃...」我見到另外三人都同意，唯有妥協：「咁好喇，不過係器材方面...」
「唔洗擔心。」一直以嚟都唔係點講嘢嘅旻宇提議：「咪方面我有，我地只係要煩混音方面。」
「混音呀...我地完全無經驗喎...」啟明說。
「咁...我嚟試下喇，反正混音應該同剪片無咩大分別，而且有唔少教程，我應該可以嘅。」我說。
浩朗對我嘅回應十分驚訝：「吓？！你唔係反對咩？」
我歎咗口氣：「咁既然其他人都同意，咁我都要做啲嘢嘅。而且我嘅強項唔係CP咩？」
「又係嘅...」
「咁混音就靠你喇。」啟明說。
「唔。」
我地之後諗咗一陣，就各自返去了。
返到屋企，我即刻拎番N年前家姐買嘅I Mac，希望佢部機仲有Garageband。
「好彩你仲未刪咗佢，咁而家最緊要嘅就只係熟悉點用佢姐。」
我結果用咗成兩晚嚟學點用Garageband。
星期日，我同平時一樣去咗阿Sam個度，不過係同佢地錄音。
「俊昇，咁靠你Handle混音啦。」啟明一邊同我講一邊係度整理器材。
我拍咗拍自己嘅心口：「沒問題，我依兩晚成晚都係度學點用Garageband。」
「咁靠你喇。」另外三人同我講。
啟明望住寫滿歌嘅記事簿笑咗笑：「先錄咗『Voices』喇，反正係我地第一首寫嘅歌。」
我地點咗點頭，就即刻開始錄音。
多得我地一直都有練依首，錄音嘅過程非常之順利。
錄完之後，我睇住部I Mac不斷咁修飾首歌。
依琳拎咗包檸檬茶過嚟：「你嘅。」
「唔該。」
佢望住部I Mac望到好入神：「哇，你真係前晚先學點用嘅...」
「又唔算係琴日先學點用嘅，咁混音本質上同剪片分別唔大，所以我好快就上手。」
「咁樣呀...」依琳突然間醒起：「我地一直都無諗過Band名喎。」
「Band名呀...Les Jeunes Années。」旻宇說。
我同依琳捭旻宇嘅法文嚇咗一跳：「你頭先講咩話？」
啟明連忙出嚟解釋：「Les Jeunes Années，即係法文嘅青春歲月咁解。」
「呃...」我完全無語了。
「都係唔好嗰個Les...Les唔知咩喇，難記又難明。」依琳說。
「咁呀...」旻宇講下講下拎咗啟明嘅記事簿嚟睇：「不如用VOICES啦。」
「VOICES依個名幾好呀，易記又符合我地嘅風格。」依琳說。
啟明都同意。
我伸咗個懶腰：「咁就用VOICES喇。」
「你終於搞完啦。」另外三人同我講。
我完全唔知發生咩事：「吓？我搞咗好耐咩？」
旻宇指住Band房嘅鐘：「係呀，你睇下而家幾點。」
我望咗過去個鐘，原來而家已經係成七點了。
「哇～時間真係過得好快呢。」我好尷尬咁講。
「咁不如一齊去食啲嘢？」依琳說。
「好呀，反正我今晚本身都要自己一個人食飯。」我說。
「我無所謂。」旻宇說。
「既然我而家仲係度，你認為我會唔應承？」啟明說。
我地執好嘢，一齊去咗元朗廣場食啲嘢，不過基本上全部餐廳都Full曬。
「最後都要係吉野家食呀...」我食住牛肉飯講。
「唉，鬼叫全部餐廳都Full曬咩，我已經食到厭了...」依琳欲哭無淚咁講。
旻宇只係望住自己桌：「你認為得你一個食到厭呀，我已經連續食吉野家成個禮拜了...」
只不過啟明狼吞虎嚥咁食住自己嘅牛肉飯：「好吃呀！」
我地三個只係望住佢，係用嗰啲對待微妙嘅眼光望住佢。
「你未食過吉野家咩？」我問。
啟明只係好簡短咁答我：「係呀。」
旻宇只係拍咗拍我嘅膀頭：「我地係永遠都無法了解阿明嘅喇。」
我拎番部I Mac，搞完啲未完成嘅嘢。
「連食飯時都繼續做埋佢呀。」依琳說。
我點點頭：「咁只差少少就搞好，梗係做埋佢喇。」然後將首歌Upload到Youtube：「Wish us luck。」
旻宇望咗望手錶：「唔...咁行囉，都成九點了。」
「但係我地仲有佢...」依琳將目光擺咗係仍然食緊牛肉飯嘅啟明。
「又係喎。」旻宇說。
「等埋佢先走喇。」我說。
明明只係一碗四十蚊左右嘅牛肉飯，啟明居然用咗成個鐘先食完。
結果我返到屋企時候已經係十點鐘，我一返到屋企就即刻跑去張床訓。不過係我訓之前我睇咗睇YouTube，依一刻我根本無辦法相信我眼前嘅景象。
「我地居然上咗Trending Page...」我心諗。
《待續》