《名為青春的樂章》（ 逢星期日晚更新）: 第五話

　　 自從聖誕節個日同曉欣出街個一日後，我雖然都係見到依琳，但係我地之間多咗一種距離，無辦法似之前咁。究竟係我避佢定係佢避我？或者我永遠都唔會知道。　　

　　幾日後，我起身洗完臉，自己真係好似好大厭力咁，諗到元旦就要同曉欣佢告白，又諗到依琳同自己好似有種距離咁，真係好煩。我決定打捭浩朗，同佢一齊散下心。

　　「俊昇，搞咩呀你，成個人咁怪嘅？」浩朗佢見到我咁嘅樣好擔心我。

　　「我就係為咗依啲事先嚟搵你。」我同浩朗係附近搵到一張長椅，向佢講咗我同曉欣嘅事。

　　「所以你就係因為打算係元旦同曉欣佢表白而搞到自己咁樣，am I right?」





　　「講中一半啦，其實自從個日後，我就一直同依琳佢多咗種距離咁...」

　　「依琳？你係咪講緊中四嘅黃依琳呀？」

　　「誒，你識依琳佢嘅咩？」

　　「係喎，你平時都唔理八掛嘅。是咁的，黃依琳佢其實係我地中四嘅女神之一，由佢入嚟依間學校開始就一直有被人追。咁你同佢又係咩關係呀？」

　　佢一咁講，我唔知點答佢。Wait，我同依琳佢只不過係青梅竹馬加同一隊樂隊嘅關係，無理由答唔到佢嘅。





　　「青梅竹馬加一齊做樂隊主唱。」我整理好自己嘅思維同浩朗講。

　　「但係你嘅反應好似個啲戀愛白痴咁囉。」

　　「下？我似咩？」

　　「好鬼似。」

　　「哦。」我有啲心灰意冷咁講。





　　究竟我發生咗咩事，明明後日就同自己鐘意嘅人表白，但係我好似一啲都唔關心咁...何俊昇呀何俊昇，你究竟係咪真係鐘
意曉欣嘅。

　　我返到屋企，咁啱撞到依琳。　　

　　我地兩個只係同對方打咗個招呼，無講過一句嘢。我返到自己間房，攤係張床度，開始諗返我地以前嘅事...

　　六年前，當時嘅小學三年級嘅我成日係屋企附近嘅公園玩，而依琳都係公園嘅常客。

　　「無人陪你玩呀？」

　　「唔。」

　　「不如我同你一齊玩啦，我叫依琳，你呢？」





　　「俊昇。」

　　「跟住我嚟啦，有啲嘢想捭你睇。」佢捉住我隻手講。

　　我地嘅相遇就係咁隨便，咁唔有趣。我地雖當時係讀緊唔同嘅學校，但係幾乎日日都會一齊玩。

　　兩年後，依琳佢因為升中，再都無出現過，我地兩個都無同對方問聯絡方式，所以我地兩個直到最近夾Band先見返對方。

　　唉，我係人際關係出真係好失敗。

　　第二日，諗到聽日就要同曉欣表白，真係唔係好想起身。

　　我睇咗睇Whatsapp，因為我之前同另外三人講過依幾個星期為咗考試唔洗練習，我又無加入咩班群，所以一個新嘅訊息都無。正當我將手機擺返係床隔離，打算訓多一陣，手機嘅鈴聲突然響起。我睇咗睇，係浩朗。

　　「喂，咩事打過嚟呀？」





　　「俊昇，你聽日都係唔好去表白喇。」

　　「吓？」我完全無法相信浩朗嘅話。

　　「我認真嘅，我啱啱睇咗班群，原來曉欣佢一早就有男朋友，係隨天宇。」

　　聽到隨天宇依個名，我成身打咗個冷震，因為佢不但只係校草，而且係之前因為我係校運會偷走而罵咗我一餐嘅訓導個仔，性格都係非常之差，成日因為自己係訓導嘅仔去蝦人。最
好笑嘅係，個死人訓導又好包庇佢，對佢做嘅事隻眼開隻眼閉。

　　「真嘅？」我問。

　　「無錯，真係隨天宇。如果捭佢知你同佢表白嘅話...」

　　「咁死喇，我之前仲同曉欣一齊去睇戲，食飯...」





　　「希望曉欣佢無同佢男朋友講喇...」

　　「唔...多謝你嘅好心，不過我聽日都係會約佢。」

　　「WAIT WHAT？！」浩朗對我仍然打算約曉欣嘅舉動好驚訝。

　　「雖然佢係有男朋友，但係我唔想係我人生中又加多一個遺憾。」

　　「你認真嘅？」

　　我諗咗一陣，同佢講：「係，我認真嘅。」

　　「咁...既然你都決定咗，我諗我都係無辦法阻止你。」





　　「咁放完假後見喇。」我講完就cut咗線。

　　我攤係張床度，望住日歷，感覺好復雜。

　　「明知係一場贏唔到嘅戰鬥，你點解仲要去呀？」另一個我同自己講。

　　「我其實都唔知，雖然頭先係同浩朗講咗因為唔想係人生中...」我講到一半，只係覺得自己好可笑。

　　「咪傻喇，到頭嚟依啲都只不過係你自己嘅藉口。」另一個我有啲灰心咁講。

　　「但係我真係搵唔到理由...」

　　「既然係咁不如一開頭唔好做，你而家仲有時間呀。」

　　又係嘅，我一直而嚟都係咁。

　　「或者都係你講得啱，放棄佢係對我地兩個最好。」我答。

　　「最後做定唔做都係你決定，遺憾依家嘢...」

　　我諗咗好耐，最後都係決定放棄佢。

　　我回過神嚟，原來己經過咗成兩個鐘，我睇咗睇IG，見到其他人都係同人玩，真係好灰。由細到大我嘅朋友五隻手指數得曬，而家連依琳都搞到關係咁差...我嘅人生真係好失敗。

　　我就係咁嘥咗成日攤咗係張床度，只係望住手機，望住其他人嘅開心人生。

　　另一方面，依琳佢因為自己同俊昇嘅事而搞到自己好煩，程度不亞於俊昇。佢決定少有地打電話捭自己嘅朋友。

　　「喂？」係電話另一邊嘅人說。

　　「係我依琳。」

　　「咩事呀你，聽起嚟好煩喎。」

　　「呃...係咩？」

　　「係呀。咩事呀你？」

　　依琳歎咗口氣，同佢一五一十咁講咁成件事。

　　「哇...」依琳嘅朋友聽完成件事完全唔知點答佢好。

　　「我都預咗嘅喇。」依琳又歎咗口氣。

　　「我識咗你兩年，都係第一次聽你會因為依啲事煩。」

　　「我打捭你唔係只聽你哇，你有無咩建議？」依琳有啲唔耐煩咁講。

　　「依類型嘅事我都遇過，但係你咁樣真係好棘手喎。而家我捭到你嘅建議只有一個字－等。」

　　「你講真嘅？！」

　　「咁佢而家只係當你係好多年朋友，而且你地兩個又因為你之前嘅行為而搞到咁，我真係只可以叫你等。」

　　「唉，睇嚟都係咁喇，唔講喇，Bye。」依琳講完就Cut咗線。

　　佢坐係張櫈度，一直重復住頭先佢朋友嘅建議。忽然佢嘅手機突然響起，依琳睇咗睇，係俊昇打嚟嘅。

　　「喂...你打嚟做咩呀？」

　　「依琳，你聽日得唔得閑呀，我想同你一齊出去。」

　　「誒？！」

《待續》