《名為青春的樂章》（ 逢星期日晚更新）: 第三話：第一次真正嘅練習（下）
係去Band房嘅期間，啟明佢對我知道學校附近有Band房好好奇。
「係喇俊昇，點解你會知道依度附近會有Band房嘅？」
「係咁嘅，我家姐嘅男朋友阿Sam係依度有開Band房，而佢又好好心，免費捭間Band房我地用。」我說。
「真係嘅？！」係我一邊嘅依琳不禁讚歎。
「55，琴日佢過嚟我屋企食飯，佢真係散發住一種暖男嘅氣質，仲話咩打算等家姐大學畢業後就結婚之類嘅...」我講下講下，突然有啲暈，可能係因為琴晚掛住寫曲太夜訓掛。
話到未講完，我地就到咗阿Sam嘅Band房。阿Sam佢見到我地，好開心咁迎接我地。
「昇，佢地就係你地隊樂隊啦？」
「沒錯。」我說。
之後其他人都阿Sam佢打咗個招呼，入咗去間房。
「哇～」我地四個一見到間房真係得個「哇」字。
「依間就係成間舖最好嘅房，就捭你地喇。」係我後面嘅阿Sam拍咗拍我膀頭說。
「真...真係唔該你呢。」我說。
「真係愛屋及烏呢...」一直無講嘢嘅旻宇都開咗口。
「咁Have Fun!」阿Sam講完就出咗返去。
我地二話不說就那刻準備所有嘢，而啟明都再檢查佢琴晚寫嘅歌。
「咁邊首歌先呀。」坐咗係架鼓嘅旻宇一講，我先醒起我唔記得咗帶埋啲曲過嚟！
「呃...我唔記－」我仲未講完，一直都只係度較電子琴設定嘅啟明拿出了他自己寫嘅歌救場。
「好彩我有帶姐。」
「多...多謝你呀！啟明！」
我此刻對啟明嘅感謝之情無法用言語形容。
「咁事不宜遲，由...『VOICES』開始喇！」
「OK!ONE TWO THREE FOUR!」旻宇說。
出乎意料地，我地一塌糊塗，根本唔知我地係度彈嘜。
「哇，我地真係成盤散沙咁，咁就休息一陣先喇。」我說。
係依琳同埋旻宇各自練習期間，我就同啟明一齊研究住佢寫啲歌。啟明佢係歌詞部分真係好強，直接可以寫捭歌手去唱，只不過係曲嘅方面，佢嘅風格實在唔適合以一隊樂隊嚟彈。
「唔...係詞個方面你無問題，但係曲方面就...」我說。
「咁我一直以嚟都係自己一人一琴，突然要作多三種樂器可能真係唔適合。」
「咁不如係曲方面就成隊一齊作喇。」我笑住同啟明講。啟明佢都同意。
「旻宇，你可唔可以試下打一段Beat呀？」我轉頭同旻宇說。
旻宇佢點了點頭，打咗一段簡單嘅節拍，而我就順住依個節拍開始加入其他嘅樂器。
首先係依琳嘅Bass，為成首歌打好一個基礎，然後再加入啟明嘅電子琴，最後到我嘅結他。
睇嚟我地一開頭成盤散沙咁係因為一開頭嘅節拍好難捉摸，只要節拍清晰分明後就好咗好多。
「果然都係交捭你去作曲好啲。」啟明向我說。
「咁詞就交捭你啦。」我說。
之後我地一邊重新幫啟明嘅歌作曲，一邊去練我地之間嘅默契。
「Ok,咁我琴晚寫個啲就全部重新作好，不如俊昇你試下加入人聲。」
「呃...」雖然我當初話我會做主唱，但係要我唱歌，我真係有啲怕羞。
「我嚟啦。」依琳說。
我同啟明兩個有啲驚訝咁望住佢。
「我以前做過合唱團主唱，所以應該唔會太難聽掛。」
「咁...先捭依琳佢試下喇。」啟明說。我都點了點頭同意。
於是我地先捭依琳唱，睇下點。估唔到佢把聲真係好好聽，同Florence + The Machine嘅主唱有幾分相似。
「唔...咁點呀，俊昇？」旻宇同啟明問我。
「咁不如試下雙主唱？」我諗咗一陣說。
「雙主唱？！要好大默契嘅喎。」另外三人說。
「咁呀...不如就交捭依－」我仲未講完，依琳佢突然插咗嘴入嚟。
「都係雙主唱喇，我想同俊昇一齊唱。」
佢一咁講，搞到個氣氛好尷尬。
「呃...你頭先好似講咗啲好容易令人誤會嘅嘢喎...」我說。
依琳依一刻先知道自己究竟講咗咩，臉紅到不得了。
「當...當我無講過！我只係想試下雙主唱姐，唔好諗多咗！」依琳佢好緊張咁講，有啲可愛。而我地三個一齊笑咗出嚟。
「笑...笑咩呀你地？！」依琳佢好嬲咁講，真係好可愛。
「無嘢，只不過你咁樣真係好可愛...哈哈哈...」旻宇講到一半又爆笑了。
「好啦，咁就雙主唱喇，俊昇、依琳，你地就試下，睇下效果係點。」啟明佢冷靜咗落嚟後說。
我同依琳相視咗一陣，決定一齊做主唱。
「好，我就同依琳一齊做主唱喇。」我說。
我地將所有嘅歌詞重新整理過，以適合兩個人唱。
我地個日練習咗成日，直到阿Sam佢過嚟同我地講要閂門先走。我睇咗睇手機，原來已經係下晝五點了。我同旻宇同啟明講咗聲Bye，就同依琳一齊搭西鐵返去。而係搭西鐵期間，唔知係好彩定係唔好彩，我又遇到曉欣佢。
「咁啱嘅？」曉欣佢見到我好似好開心咁。
「係呢，咁啱嘅。」我說。
死喇，我同佢講咩好呀。
「呃...」
「其實你同黃依琳佢係咩關係呀？」曉欣佢突然間咁問我，我成個人直接愣咗。
「我同俊昇只不過係樂隊隊友同埋好多年朋友姐，我地之間無咩呀。」一直企係我隔離嘅依琳見到我唔知有咩講，幫我解咗圍。
「無...無錯，我地兩個只係好多年朋友，無咩特別關係。」我連忙配合依琳。
「哦～原來係咁。」曉欣說。
「元朗站到了。」西鐵嘅廣播又一次響起，我同曉欣講咗聲『再見』就同依琳一齊返屋企。
忽然曉欣嘅手機響起了。
「喂，天宇，你搵我咩事呀？」曉欣佢有啲興奮咁答。
《待續》