《名為青春的樂章》（ 逢星期日晚更新）: 第二話：第一次真正嘅練習（上）
第二日，我先同依琳交換咗電話號碼，方便以後聯絡，順便開咗個Whatsapp Group。
啟明：誒？
俊昇：啟明，你可唔可以加埋嗰個鼓手入嚟，咁之後練習嘅時候方便啲。
啟明：OK，等我一陣。你都加嗰個Bass手入嚟啦。
俊昇：OK。
旻宇加入了群組。
依琳加入了群組。
旻宇 : 大家好，我係鼓手旻宇。
依琳：大家好，我係Bass手依琳。
俊昇：旻宇你好。不如下個禮拜六喺學校附近嘅Band房練習吧。
啟明：我得閑。
依琳：Me Too。
旻宇 : 我都得閑，咁禮拜六就喺學校度等啦。
俊昇：咁不見不散。
另外三人：OK！
之後個日中午，我同浩朗食嘢時同佢講咗我夾到樂隊嘅事。佢聽到啟明佢真係想夾樂隊時笑咗起來。
「估唔到你真係成功夾到隊Band呢，如果我無同你話陽啟明佢都想夾Band嘅話，你應該晨早就已經放棄呢。」
「多謝你呢。」我用連我都覺得有少少肉麻嘅語氣講。
「又唔需要咁肉麻，搞到我好唔舒服。」
「sor。」
佢笑咗笑說：「又唔需要道歉。係啦，你地係咪下個星期六練習呀？」
我聽到後覺得好奇怪，佢點知道我地打算下個星期六練習？不過我仲未問佢點解，佢就自己回答咗我心中嘅問題。
「我係好好奇我點知？係咁嘅，我本來想約旻宇佢下個星期六一齊去旺角行下，但係佢話下個星期六樂隊有練習唔得閑。所以我咪知囉。」
「你識得旻宇？」
「55，旻宇係我中一個陣嘅死黨，之前校運會我地乙組一千五百米嘅冠軍就係佢。」
我嘗試係記憶中搵到任何關於當時校運會嘅記憶，但係我只記得當時我好似偷走咗，最後第二日被訓導罵咗一餐嘅事，完全無注意過啲冠軍之類。加埋浩朗佢平時都無介紹佢啲朋友捭我識，所以睇嚟我都係下個星期六先真係見到佢。
「睇嚟你嘅人緣真係好好呢。」我說。
「唔係，每次我有事都係只有你係度支持我。」
「又係嘅...」
「鈴...鈴...鈴...」說明午飯時間完結嘅鐘聲又一次響起了。
之後我都好期待下個星期六嘅到來，唔知佢地又係點諗呢?
十二月九日，姐係我地依隊樂隊第一次練習嘅日子，個日我突登比平時早起身，速速換好衫，拿埋結他就出門。
咁啱依琳同我同一時間出門，於是我地兩個就一齊去學校等埋啟明和旻宇。
搭西鐵期間，我打算主動同佢傾下依幾年嘅事。
「呃...依琳。」
「咩事呀，俊昇。」
「都有幾年無聯絡，估唔到原來我地一直都係同校。」
「我都係呢...」
可能太耐無聯絡，我地兩個只充滿住尷尬嘅氣氛。
「咁三年無見，點呀？」依琳首先打破了我地之間嘅寂靜。
「同以前差唔多，只不過...」
正當我講到一半，一把熟悉嘅聲從我身邊響起。
「何俊昇？！估唔到會係依度見到你呢。」我拎轉頭望，居然係吳曉欣。
「呃...hi.」
係我一旁嘅依琳係我耳邊道：「佢係邊個？」
「我隔離位。」我細細聲咁答。
「係啦，你地做咩呀？」曉欣問。
「咁我地係度夾Band，今日係第一次練習。」
「哦～」
忽然西鐵嘅廣播響起了：「天水圍站到了。」
「咁我先走啦，禮拜一見。」曉欣講完就走了。
「bye。」我講。
另一邊，啟明因為琴晚掛住寫歌搞到凌晨三點先訓，而家仍然係度訓。
忽然佢身邊嘅手機響起了。
「咩事呀。」啟明好唔耐煩咁講。
「陽啟明，你仲記唔記得咗今日要練習㗎？」係電話另一邊嘅係好嬲嘅旻宇。
「OH SXXT！我唔記得咗！」啟明依一刻先醒起今日要去練習。佢同旻宇Cut咗線之後以佢最快嘅速度換好衫，帶埋電子琴同埋佢琴晚通頂寫嘅歌就出門了。
「阿明，我係你屋企樓下已經等咗半個鐘喇，不如再遲啲。」旻宇好唔耐煩咁講。
「對唔住呀，阿宇，快啲行啦。」講完佢地就即刻趕去學校。
而我地已經一早係學校門口等啟明和旻宇佢地。
「係啦，你係咪鐘意吳曉欣呀？」
依琳突然間咁講，嚇到我措手不及。
而且捭佢講中，搞到我根本無辦法反駁，只可以默認。
「我講中呢。睇見你一見到佢就咁靜，除咗鐘意佢係咩？」依琳佢笑笑口咁講。
「咁成件事係點嘅？」依琳繼續追問落去。
無計之下，我惟有將我同曉欣佢嘅事一五一十咁講出嚟。
是咁的，我同佢嘅故事要從三個月前，當時我地班主任Ms.Chan將我地編做隔離位開始。作為一個唔習慣同人地講嘢嘅我居然會同一個女仔坐，九成九一定係Ms.Chan得登嘅。
本身我同埋曉欣佢基本上無嘢傾，日日都係靜到不得了，直到有一日佢無意中見到我得閑無嘢做寫嘅歌詞，我地先有個共同話題。佢不但覺得我的夾Band夢唔係妄想，反而一直都係度支持我。最後我地就係咁做咗好朋友。而我就不知不覺間鐘意咗曉欣佢。
聽完我依個足以令人尷尬症發作嘅故事後，依琳佢忍唔住笑咗出嚟。
「我就預咗係咁㗎喇。」我講。
「唔係，只不過你過咗三年都係無變過。」佢講完後又笑咗出嚟。
「你過咗三年，笑點都係咁鬼死低啦。」
與此同時，啟明同旻宇都過咗嚟。等陣，嘜旻宇係女㗎咩？！原本係Whatsapp群時見到佢嘅自我介紹同佢個名個陣我咗以為佢係男嘅，反正都無所謂，女鼓手有咩出奇姐？
「對唔住呀俊昇，我訓過龍，搞到我地遲咗。」啟明上氣唔接下氣咁講。
「無所謂，都只係遲咗五分鐘姐，阿Sam佢認該唔會介意嘅，行啦。」講完我就帶住另外三人去Band房。
我地第一次嘅練習，究竟會點呢？
《待續》
------------------------------------------------------------
作者的話：因為我平時寫一回嘅速度太快（本回其實是在星期二寫完的），所以更改為一周更新兩回（星期四和日更新）