《名為青春的樂章》（ 逢星期日晚更新）: 第一話:我真係估唔到我居然夾到一隊樂隊
大家好，我叫何俊昇，係一個中三學生。
眾所周知，我地要面對嘅係決定咗之後三年人生嘅選科。我就同唔少同齡嘅中學生一樣，好好咁讀書，咁之後嘅三年都會輕鬆啲。
但其實我一直都有一個願望，就係可以夾到一隊樂隊。當然，係香港鐘意音樂嘅人唔算太多，加埋大多數人都唔會願意，想夾隊樂隊間直難過登天。
從半個月前開始，我就一直係度搵識彈樂器嘅人，不過次次都係食檸檬。最後正當我都開始有啲放棄時候，奇跡居然發生咗在我身上。
個一日，我朋友浩朗睇見我想放棄，同我講：「俊昇，雖然我除咗牧童笛之外完全唔識任何樂器，但係我之前聽講有人同你一樣想夾樂隊。」
「我知你係想鼓勵我，叫我唔好放棄。但係咁樣落去，我諗我都係作罷好啲。」
「我唔係講笑呀，聽人地講隔離班嘅陽啟明佢好似同你一樣都想夾樂隊，或者你試下去搵佢睇下點。」
「好呱。」我有啲hea咁答。
陽啟明，係學校入面出曬名的學霸，連我這些唔會理八掛嘅人都曾經聽過佢嘅大名，反正當時我已經放棄咗七成，就諗住問下佢，睇下佢點。於是個日午息，我去咗隔離班搵佢。
「呃...請問你係咪陽啟明？」
陽啟明佢有啲驚奇咁望住我講：「我係，你搵我咩事？」
「係咁嘅，我之前聽講你想夾Band，咁我都想夾，不如一齊夾？」
我最初都認為佢會話唔會，點知佢居然同我講：「你都想夾？！」
我聽到喱句話個陣成個人愣咗，估唔到我地的學霸真係想夾樂隊（雖然諗返起其實有咩出奇）。我同佢講我係認真想夾，佢好開心咁同我講：「我其實同你一樣一直係度搵人搵咗好耐啦。咁你識彈咩樂器？」
「結他同埋唱歌...呱。」
「咁...我再睇下可唔可以搵多一個人。」
我地之後互相交換咗Whatsapp，而且傾咗好耐。
「鈴...鈴」好快午息就完了，啟明話佢會再一次去睇下有冇人想夾，我都決定再一次搵Band友。結果不出所料，我第N次食咗檸檬，不過今次有啟明係度，希望佢可以搵到Band友啦。
我最後就咁樣搞到六點幾先返到屋企。
正當我返到門口時，有人突然拍咗拍我，嚇到我三魂唔見七魄。我拎轉頭一睇，原來係住係我隔離，大我一年嘅依琳。我地兩個某程度上係青梅竹馬，只不過自從我地上咗中學後就好少聯絡。
「好耐無見呢，俊昇。」依琳說。
「好耐無見。」
我喱一刻先發現，原來我地一直都係度讀同一間學校，果然我嘅社交圈子真係好細，而係喱一刻我先醒起，依琳佢由細到大都有彈Bass。
於是我鼓起勇氣問佢：「係啦，你仲有冇彈Bass呀？」
「有，你問我喱啲做咩？」
「係咁嘅，其實我想夾一隊樂隊，係度搵緊人，你有無興趣？」
「唔...好啦。」依琳佢諗咗一陣同我講。
我聽到佢嘅話，直接愣了。咁樣落去，我可能真的可以夾到一隊Band。於是我同依琳講了聲再見返到屋企後即刻Whatsapp啟明，跟佢講我搵到Bass手。
俊昇：啟明，我搵到Bass手啦！
啟明：真嘅？！我咁啱搵到個鼓手，今次真係可以夾到一隊樂隊啦！！
俊昇：NANI？！😱😱😱
啟明：咁你聽日帶埋個Bass手過嚟啦，我仲要溫書，先走了。88
俊昇：咁聽日先了。88
到頭來，我所謂嘅妄想可能真係實現到。
《待續》