《咁我俾你揸，你揸唔揸？》: 3. 新的開始

幾日後

「叮叮叮叮叮」伴隨著上堂鐘聲，學生們各自為咗去上自己所修嘅科而轉課室。

「各位同學好，我係你哋biology嘅miss Ling，揭去page7。」

27分鐘後

「好啦，仲有時間剩就分組啦。」
「&@$£¥€$￠」伴隨住miss一邊分組，嘈雜聲亦自然而然一邊咁發出嚟。




「到第5組啦，A班嘅李社安同林超園，B班嘅羅映童， 同埋C班嘅莊凱倫，你哋就係第5組。」
Miss Ling 分完組後， 隨即響起小息鐘聲。
「咪走住，下一堂劏牛眼，每組最少買1對牛眼返嚟做解剖實驗。記得啊，冇牛眼嘅，成組人罰抄今堂講過嘅嘢10次。」，講完後，雞飛狗走，彷彿只剩低一D狗毛同雞毛。

正當凱倫行返班房之際，突然被後面嘅人截停，「Hi，你係咪傳說中嘅嗰一位Repeat生啊？」，「係啊，er…唔記得你個名，你係？」，「我係B班嘅羅映童，請多多指教！」，「我係C班嘅莊凱倫，多多指教。」，「唉，都唔明miss Ling做乜要將我編喺同個Repeat嘅廢物同一group。」李社安同佢班嘅同學一邊行，一邊屌凱倫，更莫視凱倫嘅存在。「唔使理個on9㗎，A班出晒名ON9多，而且聽A班D FD講，佢成績衰到啱啱60分，但講嘅就講到自己把撚炮咁」映童安慰凱倫，「唔係吖，佢講得幾中肯㗎，而且佢啱啱好60分，但我就連10分都過唔到，哈哈。」凱倫一邊無奈地傻笑，一邊返班房，有一刻，C班所有人都以為佢又受咗D咩打擊。

「叮叮叮叮叮」

「啊屌，數學堂¥£$&€」凱倫頓時感到十分頭痛，「放鬆D啦，一陣有咩唔識就問我啦。」婥莉安撫住凱倫。