《咁我俾你揸，你揸唔揸？》: 2. 過份親切

調完位同派完通告後，miss Lee隨即叫各位自我介紹。

大家好，我叫唐靜怡，可以叫我糖糖㗎，希望可以同各位做好朋友啦。
大家好，我叫呂嘉希。
大家好，我叫黃達龍，你哋可以叫我做龍仔或啊龍都OK。
你哋好，我叫林恩樂，同糖糖，仲有cherry係好朋友，希望呢3年可以同大家做個朋友啦。
大家好，我呢就叫韋嘉杰，希望同大家可以和平共處啦。（鍾景輝腔調）
大家好，我叫莊凱倫，今年係Repeat生，希望各位師弟師妹可以包容一下我，但唔好過份關心我，包括林恩樂，thanks。
你哋好啊，我叫胡婥莉，係樂樂口中所講嘅cherry，希望可以同大家做個朋友。
大家好，我叫陳綺璇，我嘅好朋友係packy，希望大家多多指教。





經過一輪自介之後，到咗小息。

「莊凱倫，咩嘢叫唔好過份關心你啊？我對你好係因為你對我比我啊哥仲要好，關心你亦係因為你關心我同緊張我。舊年成半年冇見到你直到知道你Repeat，我都已經擔心住你，而你依加叫我哋唔好過份關心你？」恩樂憤怒地說。「你哋識㗎？」靜怡疑惑著，「我由識佢啊哥林恩華，就識得佢。BTW我意思係叫你哋唔好過份關心我姐，我唔想因為Repeat而要比你哋關心我關心到好似個老人家咁，老到老人痴呆到連返屋企都唔識返嗰種。」，「但我冇將你當成老人家，我只當係我好朋友，就好似糖糖同cherry咁。」，「佢唔係話你當佢係老嘢，只係唔想你太擔心佢，既然佢已經Repeat，而又肯Repeat，我相信佢慢慢恢復返你以前所識嘅莊凱倫。」婥莉說畢就撫摸恩樂個頭。

「Hey，我叫黃達龍，如果有時間嘅話，一齊出去玩啦，咁就唔會有咁大壓力。」，「你請我嘅話，無任歡迎。」，「如果你係驚冇洗費嘅話，去KFC返PT囉，反正我有長假期都係返KFC嘅。」，「Thanks，我本身喺delifrance度返PT。」，「咁你應該唔驚冇錢去玩㗎啦。」婥莉插把嘴入去，「凱倫哥哥係想草錢讀U咋，所以先冇額外嘅錢去同你哋玩囉。」，「唔怪之得啦，仲以為你係嗰D市儈，哈哈！」，「你就市儈。」