《咁我俾你揸，你揸唔揸？》: 4.1 映童視角

「到第5組啦…」
「好緊張，究竟會同邊個一組呢，千祈唔好同A班D ON9一齊啊！」映童心裏呼喊住，但現實往往令人失望。
「A班嘅李社安同林超園，B班嘅羅映童， 同埋C班嘅莊凱倫，你哋就係第5組。」，「屌，真係同ON9一齊QAQ，仲要同個ON9中嘅ON9。咦，莊凱倫？係咪嗰個Repeat生呢？原來佢係C班，總算有個正常嘅人，呼~」

Miss Ling 分完組後， 隨即響起小息鐘聲。
「咪走住，下一堂劏牛眼，每組最少買1對牛眼返嚟做解剖實驗。記得啊，冇牛眼嘅，成組人罰抄今堂講過嘅嘢10次。」
「又劏牛眼？舊年先劏完啵，睇嚟佢真係好鍾意牛眼呢。」映童內心的吶喊。

正當凱倫出生物室之際，隨即問：「Hi，你係咪傳說中嘅嗰一位Repeat生啊？」，「係啊，er…唔記得你個名，你係？」，「我係B班嘅羅映童，請多多指教！」，「我係C班嘅莊凱倫，多多指教。」，「唉，都唔明miss Ling做乜要將我編喺同個Repeat嘅廢物同一group。」李社安同佢班嘅同學一邊行，一邊屌凱倫，更莫視凱倫嘅存在。「唔使理個on9㗎，A班出晒名ON9多，而且聽A班D FD講，佢成績衰到啱啱60分，但講嘅就講到自己把撚炮咁」映童安慰凱倫，「唔係吖，佢講得幾中肯㗎，而且佢啱啱好60分，但我就連10分都過唔到，哈哈。」凱倫一邊無奈地傻笑，一邊返班房。





「佢係我組嘅組員，有冇咩方法幫到佢呢？羅映童啊羅映童，快D諗吓辦法啦，唔可以比佢繼續自暴自棄㗎。」映童一邊拍打自己塊面，一邊諗D辦法幫佢。