《咁我俾你揸，你揸唔揸？》: 1. Repeat的我

「莊凱倫同凱倫媽媽，到你哋啦！」李sir指示留喺最後嘅凱倫同媽咪入班房聽report。

「由於你半年冇出席過，而你嘅考試亦唔合格，所以冇辦法比你升中5。」李sir無奈的指住成績表上的紅字~下學年留級來說，而一旁嘅訓導主任同導師亦各自安撫凱倫同流下淚嘅媽咪，「凱倫，你中3嘅chemistry同biology嘅成績好好，你考唔考慮轉科啊？」訓導主任miss Lam問道，但凱倫心裡只有一個想法，「既然讀唔成書，咁我出去做嘢賺錢囉，反正我都到咗法定工作年齡。」。「我記得喺你中1第一次入嚟圖書館嘅時候問過我：「啊sir，你呢度有冇一D關於社工學嘅書㗎？」，喺嗰陣嘅追問先知道你想做一個社工，去改善依加綜援嘅規則，你唔通咁就想放棄你嘅理想？放棄好容易，個個都做得到，但係當你後悔嘅時候，就會知道太遲啦。」導師感嘆的說。

聽到呢度，凱倫終於喺大家面前崩潰大喊，隨即喺眾人安撫完之際，邊流淚邊講：「好，我Repeat，如果我下年再係咁，再下年我點都唔會再re。」，「你試咗呢次嘅Repeat先啦，可能你再下年升到班呢，比D信心自己啦，凱倫。」miss Lam說罷，凱倫就點頭示好。


9月1日

「喂，凱倫，聽講你今年都仲喺C班啊可，我就喺D班度，仲有林海成同陳眾瑜都係，而且樂樂都喺C班，大家拍住上啦。」恩華說道。「嗯！」冇心情嘅凱倫隨便應答，但隨即被箍住頸嘅海成安慰住「咪咁灰啦，開學第一日就咁冇零神氣，你睇林恩華吖，佢嘛又係早你2年Repeat，依加咪又係一條活龍，雖然讀書呢味嘢我哋幫唔到你，但係我嘅樂樂可以幫吓你手啊！」，「食屎啦你，咩嘢我係你嘅啊？我只當你係我哥D豬朋狗友罷了。除咗你，凱倫哥哥。你有唔明就搵我啦，我識嘅會儘量幫你。」一邊嘴炮住海成，一邊安慰住凱倫嘅樂樂。





「叮叮叮叮叮……」

隨住早會鐘聲響起，眾人都返去自己班嘅隊伍排好隊。

「各位同學，早晨！」副校長一如以往喺嘜度向大家打招呼。「校長，老師，各位同學早晨。」喺操場上嘅每一位學生都異口同聲地說，當然少不了好似凱倫咁hea住講。

經過一大堆嘅宣布同廢話，終於返到班房。

「喺派通告前，我哋調一調位先。」正班主任miss Lee說畢就開始調位，身材中高嘅凱倫自然就被調去最後排。





皓南 潔珊 柏靈 海婷 凱倫 嘉莉 海宇 文彬
帕德 綺璇 路飛 珮琪 嘉杰 秀雅 周俊 思欣
偉瑞 璐思 柏傑 郭碧 卓釗 蓮娜 泳思 詠彤
俊新 婥莉 紀維 柏斯 安怡 偉傑 德朗 安潔
寶靈 恩樂 永進 斯達 碧淇 汶傑 豌洪 靜怡
教師枱