[絕對無糖分]就係咁，我搬左入一幢充滿一樓一嘅唐樓: １４０　唯快不破

沉重嘅一夜過後，係未新嘅開始？

我剩係知今日一張開眼起身，見到嘅係小春用一個差Ｄ打到茄輪嘅距離，同我四目交投……

「阿……小春先生，你搞咩咁早痴咁埋？」我問。

「蕃薯！係未一世人兩兄弟先！？」小春問。

我望住佢無反應。



「你個仆街！我平時都對你不簿！返工幫你打卡！飲汽水實留返最口一啖比你！問你係未兄弟！你而家連點下頭都唔肯！」小春哥……你唔好咁激動住先……你痴到咁埋，我而家點頭實同你打車輪……

我推開左佢後，答佢：「我緊係同你係兄弟啦，但你做咩無啦啦咁問先。」

小春突然好感動咁望住我，捉住我雙手，差唔多喊咁話：「果然無識錯你……我有件事好需要你幫手！」

「咩啊？」我問。

「你而家有幾多錢！？」小春問。



下！？晨早流流搞咁多野，原來係借錢……佢時不時都係咁，次次問我借幾百，我拎左個銀包睇睇，「有幾百囉，你急住用就拎去先啦。」

小春望住呢幾百蚊，又無啦啦發癲話：「原來我地之間嘅兄弟情，就只值呢幾百蚊……」

我無奈咁望住小春問：「咁你又想點撚樣啊？」

佢好激動咁望住我問：「有無３萬８借住黎先？」

我聽到個數目後呆左呆，然後思考佢係未講笑，但望住佢個咁誠懇嘅眼神，呢條友仔今次又唔似講笑……「無啦啦借咁多做咩……」當我問完呢一句後，我記返起果陣集總比我睇個價目表上面，其中一項嘅價錢……仲有薰衣草講過嘅友情價數目。



「３萬８！？」我成個人突然醒晒：「……你想點！？」

小春用一個好誠懇嘅眼神望住我講：「我一世人嘅幸福，就靠呢３萬８，一場兄弟，你有無啊？」

我望住眼前嘅小春，心入面幾千句仆街衝緊出黎，唔通黎唔切做９賤輝？比薰衣草搶先一步？

成個朝早小春就不停咁煩住我，無論我刷緊牙、去廁所、換衫佢都跟出跟入，到我出門口做野，佢都跟住晒。

「喂！你今日好似ＤＡＹ　ＯＦＦ唔駛返架ＷＯ！」我話。

而小春就係後面拉住我衫尾話：「你借比我啦，做兄弟有今生無來世。」

「就係做兄弟先唔借比你！」我話，但係我唔記得左小春係唔知我估到佢想用３萬８假結婚呢單野，佢用好奇怪眼神望住我問：「你知我用黎做咩？」

我求其咁話：「平時都唔係借咁多，無啦啦借咁多一定有Ｄ事發生！」講完我唔理三七廿一就跑走左。



就係咁，我跑住返ＫＦＣ，而小春亦都跑住跟左上黎，直到我返到去後，見到眼前嘅境像……

一入到門，我就見到一個牌寫住「集腋成裘，每人捐１００救救輝仔一生的幸福」。

……咩黎架？

遠處我見到阿ＫＩＮＧ向的揮手，我行左去後就問：「喂，門口個牌咩黎，咁ＯＮ９嘅，我地間ＫＦＣ搞緊募捐咩？」

阿ＫＩＮＧ就答：「點鬼知個賤輝傻左邊條線，今日一早返黎我就見到有個咁嘅牌，問佢做咩佢又唔講，剩係對住部電話一邊淫笑一邊打ＭＳＧ，都唔知佢搞咩。」

於是我慢慢行去賤輝身後，因為佢剩係掛住ＳＤ　ＭＳＧ發覺唔到我慢慢接近，我係佢身後望到，同佢ＳＤ緊ＭＳＧ嘅係薰衣草，期間仲見到句ＭＳＧ大既係「我係未好叻啊，叫Ｄ同事客人募捐我地結婚Ｄ錢」……

ＷＨＡＹ　ＴＨＥ　ＦＵＣＫ！！！！！估唔到薰衣草真係出左手，仲一次過向小春同賤輝出手！