[絕對無糖分]就係咁，我搬左入一幢充滿一樓一嘅唐樓: １３７　集種

究竟係邊撚個比左我個ＩＤ薰衣草呢？從返工都放工返到黎，通訊軟件個交友提示仲不停響緊，我又不停拒絕。

腦入面不停排除有咩人……應該唔會係賤輝，一黎佢無我ＩＤ，二黎如果係佢比，佢見到我被邀請，應該唔會唔知，邊會發咁大脾氣。

更加唔係小春，而我咁熟悉小春性格，當佢對一個女人咁迷的話，係實唔會比我ＩＤ果個女人。

但係除左佢地，薰衣草仲可以問邊個拎？龍威哥？提子哥？集種？定係其他姐姐仔？究竟係邊個！？

好奇心下，我ＡＣＣＥＰＴ左佢個朋友邀請，第一句就問佢：係邊個比我ＩＤ妳！？



薰衣草：做咩要知呢？
我：講
薰衣草：你咁惡
薰衣草：我唔講
我：……請妳話比我知
薰衣草：我係唔會做二五女㗎
我：咁妳做咩加我朋友呢？
薰衣草：我又野想問你啊
我：我都話唔會答妳點樣先落到黎香港嘅問題
薰衣草：我都唔係問呢Ｄ


薰衣草：呢Ｄ野咁難，你點會識
我：……
薰衣草：我想問香港有咩地方夜晚食野好，小春同賤輝都約我下次黎香港果陣，帶我去食飯
我：我！唔！知！

ＳＤ完呢三個ＭＳＧ後，我就ＤＥＬ左佢朋友，電話仲不停響起友通知，但係我無力咁訓係床上面，諗起陰陽怪果晚同我講果個話題。

如果真係要幫薰衣草落黎，我真係做唔出，我係唔會同佢假結婚……但係！？如果我幫佢搵個人假結婚呢？

……等等！我諗緊咩啊！我點可以有呢Ｄ咁嘅諗法㗎！我一直都反對假結婚！點可以幫人咁做而斷送其他人幸福呢！？而且果個人係薰衣草！佢擺到明係會一假結婚完就即刻離婚果Ｄ人黎。



……但係，我望一望自己下面，如果唔咁做，我下面無機會起到頭，就因為呢個問題，我最後放棄左自己底線，行到龍威哥間房……

「龍威哥，我有野想問？」我好尷尬咁係佢門口同佢講。

而龍威哥停止睇佢手上本港漫，然後同我講：「入黎啦，想問咩？」

「ＥＲ……ＥＲ……」我吱唔左好一陣，直到龍威哥都有少少唔耐煩話：「你條友仔特登入黎阻住我睇漫畫㗎？」

「唔係啊！」我話：「……我想問，通常假結婚係點搞㗎？」

龍威哥一聽到我咁講後，對眼睜到勁大咁望住我問：「咩事啊你，你想假結婚咩？」

「唔係我啊，我只係想問下姐。」我話，而龍威哥用一個好疑惑嘅表情望住我講：「呢方面我唔太熟，但我知道集種識呢Ｄ野，你可以去問佢。」



「哦！咁我去問佢先。」我正想出門口果陣，龍威哥叫住我：「蕃薯，你唔係無女無成咁，想假結婚搵個女仔掛。」

我聽完後笑左笑話：「真係唔係啊，我只係想了觲下，八掛下姐。」

「點都好，你仲細，呢Ｄ野真係唔好搞啊。」龍威哥語重心長咁話。

離開龍威哥間房，我慢慢行去集種間房，講真，我係度都住左一段時間，同集種係無咩交流，原因係因為我真係唔太聽得明佢所講嘅廣東話，我成日叫佢可以講普通話，但佢唔聽硬係話落度黎香港，點可以唔講廣東話……

但係要我向一個陌生人問呢Ｄ事，我又真係唔知點問好，當我行到佢間房，係門口望住佢不停督緊五部電話哄緊人買點數，我更加唔知可以點問。

直到……「咦，里抓我有屎啊？」

我真係聽唔撚明佢講咩，次之都要估估下咁，「係啊，我可唔可以入黎啊？」

「可耳啊，肛肛想搵人朴我扮其他淫。」佢話，然後就拍一拍佢身邊個位。



我慢慢行入去，而腦入面就不停諗，我應該點樣開始問佢好呢？