[絕對無糖分]就係咁，我搬左入一幢充滿一樓一嘅唐樓: １０２　第二盞油燈

我望住眼前兩盞著左嘅油燈。

「估唔到搞咁多野先著多一盞。」我講完後嘆一嘆氣，然後陰陽怪就係旁邊講風涼話：「點會呢，你知唔知有人要好幾十年先著到一盞㗎。」

「下！？咩話！？要好幾十年！？」我話：「咁姐係有可能我都老先拎返我下面Ｄ功能？」

陰陽怪點一點頭。

仆佢個街！我老左下面先有撚用返的話，咁我仲拎黎把鬼咩。



算，問返Ｄ重要野先。

「咁我今次係拎返咩野功能啊？」我問。

然後，陰陽怪行左去新著左果盞油燈度望左望話：「等我感應下先。」

「下？感應，你唔係知道邊盞燈係咩功應㗎咩？」我問。

而佢就講得一副理所當然咁，「我知佢拆開左咩功能，但邊盞打邊個功能我知條鐵咩。」



……咦，點解個心突然有少少不安。

我望住佢感受左一陣後，就同我講：「我感應到，呢盞油燈功能係充血。」

……充血？姐係點？

我行近去，問佢：「充血？可唔可以講得細明少少？」

佢聽到我咁問，反左下白眼話我：「你唔係識少量生物㗎咩，自己諗下啦。」



當一個男人要扯旗果陣，要興奮先，然後會大量充血落Ｄ海綿體令到下體扯起……哦！！！原來係呢個意思！咦！！！咁呢個係一個好重要嘅功能ＷＯ！

「咁我拎左充血！係未姐係硬到？」我問。

然後，陰陽怪好天真地搖一搖頭：「緊係未得啦，你都未拎返海綿體令條野變硬，點會硬到啊。」

下！？分到咁仔細咩！？

「你快Ｄ講邊盞油燈係整到海綿體令條野變硬果個功能！」我捉住陰陽怪，跑去其他油燈慢慢感應，但係佢一副懶洋洋嘅狀態話：「算啦，既來之，則外之，你下面扯唔扯到旗射精，係天意，係緣份，你慢慢努力啦。」

然後，我又聽到一陣電話響聲……屌，又夠鐘。

我將個頭伸比佢，而佢都好識趣咁話：「終於識得配合下。」佢一野打左落黎……都係好撚痛，原來有Ｄ野，就算配合左都會好撚痛……