[絕對無糖分]就係咁，我搬左入一幢充滿一樓一嘅唐樓: １０３　她們

唔知係未我呢排多疑呢？成日覺得有人係背後怒視住我咁……但當我發現，係佢怒視住我果陣，我就知道唔係我多疑，係我果陣嘅誤會令到佢咁做。

話說，果陣忙住幫阿ＫＩＮＧ搵功德……咁最後當然係幫佢搵初心啦……係果陣，我懷疑過ＶＩＶＩ，而小雨就好惡咁同我講：「我同你講，你唔好再抵毀ＶＩＶＩ，佢係一個點嘅人，我比起呢度所有人都更清楚，我會保護佢，唔會比其他人係佢背後亂講佢Ｄ野。」

呢句話每當我見到小雨怒視住我果陣，我都會記起。

講返ＶＩＶＩ同小雨先，先前我都有講過佢地係一對同性戀嘅情侶，其實當我知道果一刻，我都打左個突。

打左個突，唔係因為佢地係同性戀，而係點解會有一對同性戀情侶會出黎做雞？而且仲要做埋同一幢……最緊要係，佢地點解會行呢一條路？



究竟佢地接客果陣，個心入面又係諗緊咩呢？而我所知，ＶＩＶＩ同小雨都好多客會黎搵佢，佢地個架步Ｄ客真係駱驛不絕，而且兩個架步就係連住……

咁如果佢地其中一個接緊客，另一邊無，呢度隔音又唔多好，旁邊果個未聽到佢比個麻甩佬屌緊囉？佢地唔會為彼此傷心㗎咩？

其實我對呢一對同性戀情侶好多問題想問，但無奈我無呢個膽，而發生上一次誤會事件，我就更加無呢個膽問佢地兩個，而我有唔好意思問其他人。

……咁其實又唔係唔好意問嘅，每當我覺得同Ｄ姐姐仔開始熟少少果陣，都會唔覺意問一問，但佢地都係吱唔咁話呢Ｄ人佢地唔方便講。

咁我都唔知係佢地唔方便，定佢地都唔知情啦。



只係佢地，係我心目中就更加多神秘色彩，我亦都以為呢個會成為我一世人嘅秘密。

但點知有一晚，一個停電夜，令到我可以解開呢一個秘密。