[絕對無糖分]就係咁，我搬左入一幢充滿一樓一嘅唐樓: １０１　解決？

突然間，有一種好大嘅吸力將我抽起，我驚慌咁望住陰陽怪問：「咩事！？」

陰陽怪只係笑左笑，「可能係，得左掛。」

「下！？得左？唔明你講咩ＷＯ！」我講完後，個吸力更加大，好似想將我呢個人抽離係呢個空間咁，而我又對陰陽怪話：「我都未喚醒阿ＫＩＮＧ嘅初心！」

「初心呢樣野，係要當時人自己喚醒，心癮亦都一樣，要由果個人本身自己解，我地要做嘅野已經做左，就跟住呢個吸力返去啦，可能，所有野已經唔同左。」陰陽怪講完後，我就比呢個吸力抽離左呢個空間。

然後，返到三道門前面。



我見到，左邊同右邊道門，都企左阿ＫＩＮＧ父母，然而，中間果道門，阿ＫＩＮＧ都企左係前面。

佢地三個互相對望左一下後，相擁左係一齊。

「姐係？」我問。

「姐係真係得左囉。」陰陽怪話。

我望住佢地互相而視，會心微笑，然後，我聽到陰陽怪把聲係我後面講：「時間到。」



望住佢地咁溫馨，我都感受到果種溫……暖……等等！？頭先陰陽怪講咩話？佢話時間到？咁姐係……

當我正想回頭望佢之際，個頭又好似比人重擊左一下……係啊……又係陰陽怪從後嘅重擊，我又返到現實。

「頂你……次次都打頭……」我抱住好痛嘅頭慢慢起身，係我面前見到三個仍然訓緊嘅阿ＫＩＮＧ同佢父母，以及係旁邊等到就訓嘅小春。

「點啊？搞店？」小春見到我醒左後問。

而我就答：「我諗係掛……」



我望住佢地三個人，見到佢地三個人雖然未醒，但佢地三個隻手係拖住左，而且我仲發現佢地三個人中間有張相，果張相係佢地三人嘅全家福。

然後，佢地三個陸逐醒左，三人互望左一眼。

「囝囝……」阿ＫＩＮＧ媽話。

然後阿ＫＩＮＧ望住佢父母話：「阿爸……阿媽……我……」

欲言又止嘅阿ＫＩＮＧ未講，佢阿爸就話：「唔駛講，一家人唔駛講咁多，我地明。」

我唔知咁樣算唔算幫左佢地，但我感覺到，佢地三個人之間嘅隔漠好似掃而空。

然後，我就無點阻住佢地交流，我同小春都行開左。

然後，又過左幾日，見到阿ＫＩＮＧ如常返工做野。



然後，亦都見到阿ＫＩＮＧ仲有去叫雞，但去少左好多。

過左一個星期後，佢有日約我放工食飯，然後去我住果幢有好多一樓一嘅唐樓嘅天台度，飲酒吹水。

「你知唔知而家搬返同阿爸阿媽住，真係多返好多錢用。」

「而且性呢一種癮好似慢慢減少，叫少左雞都多左錢用。」

「仲有，個人真係爽左好多，你果日話幫我精神返，其實用左咩野方法？」係阿ＫＩＮＧ講講下野中途，佢問左我呢個問題。

「無啊，我剩係比你飲左杯野。」我答佢。

佢聽完後，笑左笑話：「點會咁簡單，你仲叫左我父母黎，我知道一定仲有野我唔知。」佢用疑惑嘅表情望住我，但之後又笑左聲話：「不過算啦，你唔講我都唔迫你，但真係好怪，你比我飲左果杯野後，我好似發左場夢咁，係夢入面，我變左做性無能。」



我聽到後笑左出黎：「咁你想性無能定性上癮？」

佢只係又笑一笑話：「我想做正常人。」

睇黎，佢心人面嘅癮好快就會無晒，就同陰陽怪所講，心癮始終都要果個人本身自己解，然後佢又好興奮咁同我講：「你知唔知而家我阿爸同阿媽好返，晚晚做完野返到去，佢地都好嘈。」

「好嘈？佢地吵架？」我問。

「咁又唔係，阿爸晚晚都叫阿媽著學生裝同佢造愛，而阿媽又要求阿爸如當佢狗咁，晚晚不知造到幾嘈。」阿ＫＩＮＧ笑得好大聲講。

……但係，我唔想知，我唔想知一個上左年紀嘅師奶著住學生裝，後面比個老漢用老漢推車個情境係點。

所以我都乾笑左一下，最後，果晚我醉到訓左，係夢入面見到陰陽怪同我講：「恭喜你又整著多一盞油燈。」