[絕對無糖分]就係咁，我搬左入一幢充滿一樓一嘅唐樓: １００　開心的全家福

我面前道門外，腳步愈黎愈近，直到打開門後，我見到係一個淚流滿面嘅阿ＫＩＮＧ，而佢眼神係好空洞，就好似個心比人淘空左一樣。

雖然我係佢面前，但佢好似望穿左我咁睇唔到我。

「緊係睇你唔到啦，你只係返回時間點，實體係唔會出現㗎。」陰陽怪把聲響起。

「咁如果佢見唔到我，我又點幫佢搵返初心啊。」我問。

「放心啦，船到橋頭自然直。」陰陽怪話。



我又望返阿ＫＩＮＧ，見到佢慢慢住低，拎左本道德經出黎讀……然而，我慢慢見到佢下面條褲鼓起。

「喂，你係未ＧＡＹ㗎，望男人果度都有。」陰陽怪話。

「頂你啦！唔覺意咋！」我回話，然後諗起阿ＫＩＮＧ果陣同我地講，因為同薇琪造愛果陣，佢有讀過道德經，所以每當佢一諗起道德經果陣都會諗起同薇琪造愛嘅畫面。

「咦，如果我係呢個時候令佢唔諗起薇琪，咁係未可以？」我問，而我見到陰陽怪點一點頭後，就想盡方法諗點樣下以令到佢係呢個時候諗返起個初心。

靈光一閃。



「陰陽怪，你係神仙黎，有樣野唔知你做唔做到！」我望住佢問。

「講黎聽下。」佢話……頂啊，佢唔係可以讀到我心㗎咩，點解仲要我講出黎。

而我就同佢講：「我而家係一個性無能，下面無撚用，剩係射到精，你可唔可以暫時將我呢種狀態過比呢個時間點嘅阿ＫＩＮＧ，等佢得過諗字，下面起唔到頭，咁未唔可以對性產生癮囉！」

陰陽怪愕然咁望一望我：「虧你諗到呢個方法，又好似真係得得地ＷＯ。」

然後，我望住隻手慢慢移去佢下體嘅阿ＫＩＮＧ，大叫陰陽怪：「如果係得！就快Ｄ轉比佢啦！佢就黎打飛機啊！」



陰陽怪笑左下，「知道，唔好咁急。」佢手揮一揮，我感覺到一股暖流從我身上面流左出黎，直飛向阿ＫＩＮＧ。

而我見到阿ＫＩＮＧ打左下冷震後，摸一摸下體，露出左一好奇怪嘅樣，但都係一邊讀緊道德經，然後，讀讀下讀慢左，佢用手拉開自己條褲，望一望自己下面，好奇怪咁話：「點、點解無反應㗎！？」

佢奇怪嘅表情慢慢開始慌張，讀道德經嘅速度加快，亦都不時望一望自己下體……「點解會咁㗎！？

然後，佢跑到自己個書包旁邊，拎左一條底褲出黎……

「一定係薇琪比佢果條底褲，估唔到佢真係咁聽話日日戴住……」我望住佢話，然後見到阿ＫＩＮＧ聞果條底褲，又讀多幾句道德經後，望一望自己下體。

「點、點解會無反應㗎！？」阿ＫＩＮＧ話。

我記得，有晚阿ＫＩＮＧ同我係天台飲酒，佢話情願自己性無能都好過性上癮，但而家見到佢咁，好明顯唔似佢咁講。

人總是犯賤。



然而，陰陽怪係我旁邊講：「你咁早，係可以阻止佢用唔到性去發泄，但都唔係記返起初心ＷＯ。」

佢咁樣講一講又好似幾岩ＷＯ，但對於點樣令阿ＫＩＮＧ記返起初心，我真係無咩方法，但就係呢個時候，有五團光入左黎。

「你地無理由可以入到黎㗎ＷＯ。」陰陽怪話。

而果五團光，就係我係另外兩道門帶黎，阿ＫＩＮＧ爸同阿ＫＩＮＧ媽嘅光。

「我地都係用盡方法先撞到入黎，希望可以幫到手，如果你地所講嘅初心係我地同阿ＫＩＮＧ一齊讀道德經的話，我諗阿ＫＩＮＧ本道德經最後果頁果張相，可以幫到佢。」五團光一齊疊聲講野個效果真係有少少嘈……

「最後果頁張相？」我疑問，然後望一望陰陽怪又問：「有無方法可以幫佢地？」

陰陽怪揮一揮手，一陣風唔知係邊度吹左入黎，張地下本道德經吹到最後果頁，原來，最後果頁張相……



「係、係……」阿ＫＩＮＧ望住本道德經，最後果頁張相，係我曾經見阿ＫＩＮＧ父母跌左嘅全家福。

佢望住張全家福，眼淚又開始流……「究竟點解我會變成咁！？點解我而家讀道德經下面會有反應！？我唔想咁啊！我想變返讀道德經果陣都可以開開心心嘅自己！」

佢慢慢拎起張全家福，而我見到全家福後面寫住嘅字，「一齊好開心讀完道德經後影的全家福」。