[絕對無糖分]就係咁，我搬左入一幢充滿一樓一嘅唐樓: ９７　原意初心

同呢個女仔一直四目交投，而我問身邊嘅陰陽怪：「你上次話，係阿ＫＩＮＧ身入面感受到另一個存在，係未就係呢個女仔？」

陰陽怪望一望個女仔，搖一搖頭話：「唔係，佢充其量都只係一個誘惑，反而，我覺得你朋友本身先係果一個存在。」

「你意思我一直感受到果種寒意咀咒，係阿ＫＩＮＧ自己引發？」我問，而陰陽怪點一點頭後話：「但而家最重要，係處理左佢個誘惑先。」

薇琪聽到後，笑左幾聲後話：「想處理我，未痴心妄想，處理左我就等於推阿ＫＩＮＧ去死。」

下！？咁大件事㗎咩！？我望一望陰陽怪，而佢反左下白眼話：「個撚個反派都係咁講㗎啦，你唔撚係信掛。」



……佢講到咁似ＣＣＴＶＢ　Ｄ劇集咁嘅。

然後，薇琪就話：「一個人係人生最脆弱果陣，染左癮，你估話戒就戒到咩？呢個係種習慣黎，就好似每個人起身會做Ｄ咩都唔同，但始終係果個人嘅習慣，想改都改唔到，最緊要係，性呢種毒，可以幫阿ＫＩＮＧ填補心靈上嘅空虛，你話係唔係啊，阿ＫＩＮＧ？」

佢用手撫摸緊阿ＫＩＮＧ塊面，然後隻手慢慢一直落，落到去阿ＫＩＮＧ下面……

頂！佢幫阿ＫＩＮＧ打飛機啊！

但係阿ＫＩＮＧ仍然係度念緊道德經……



「就係妳！就係妳令到阿ＫＩＮＧ性上癮！」我指住佢話，但係薇琪搖一搖頭後講：「唔係啊，唔係我，只不過係阿ＫＩＮＧ最脆弱嘅時候，就得我呢種癮係佢身邊，佢唯有用我黎填補佢心靈上嘅創傷、痛苦，從而再得到快感、快樂。」

「阿ＫＩＮＧ而家不知幾唔快樂！」我話。

而薇琪又答：「咁係因為佢一出世就生存係一個道德觀念咁重嘅家入面姐，你睇下佢，我而家一邊幫佢打飛機，佢都係一邊念緊道德經，但好彩果陣真嘅薇琪將性同道德經連接左，如果唔係咁的話，阿ＫＩＮＧ點會咁易性上癮。」

我聽完後諗左諗後話：「連接左？」

「無錯，如果當初真薇琪無係同阿ＫＩＮＧ造愛果陣念道德經，咁阿ＫＩＮＧ以後就唔會每次念都會有性衝動，令到念道德經變成阿ＫＩＮＧ對性嘅催化劑，就等同有一樣野其實可能可以忘記，但只要望到有關嘅野，提起某一Ｄ字，就會諗返起所有嘅回憶。」薇琪答：「阿ＫＩＮＧ呢個性上癮，係已經徹底成為左佢嘅習慣，就係佢一直都習慣化道德經一樣。」



講到咁，唔通阿ＫＩＮＧ性上癮係無解！？咁我幫唔到阿ＫＩＮＧ拎功德，咁未姐係等同我一世都無撚用！！！！！！！！

唔可以㗎！！！

唔可以比呢件事發生㗎！！！

然而，阿ＫＩＮＧ突然停口咩都唔講咁望住我……「救我……」呢句說話令到薇琪好驚訝咁望住阿ＫＩＮＧ：「你竟然……會主動求救。」

我一直係度諗，一直係度諗，阿ＫＩＮＧ都求救，咁我要點先救到佢，係呢一刻，陰陽怪突然話：「你要明白，阿ＫＩＮＧ念道德經最本身嘅原意初心係Ｄ咩。」

原意？初心？

我望住阿ＫＩＮＧ果副渴望被救嘅樣，再聽住佢口中所念嘅道德經，然後，聽到薇琪話：「你唔好以為可以挑出我手心，你同你阿爸阿媽一樣，骨子裡都係淫亂㗎！」

阿爸？阿媽？



阿ＫＩＮＧ念道德經嘅原意係？

漸漸地，漆黑一片嘅區域慢慢透光，頭先五個光團直衝入左黎。