[絕對無糖分]就係咁，我搬左入一幢充滿一樓一嘅唐樓: ９８　道德經

衝入黎嘅光化成兩個人形，你阿ＫＩＮＧ阿爸阿媽，佢地兩個望住比薇琪抱住嘅阿ＫＩＮＧ就話：「原來就係妳搞到我個仔咁。」

薇琪笑左笑後話：「其實，唔係我搞成你個仔咁，而係你個仔自己搞到自己變成咁，因為係你地遺傳，你地係點嘅人，你個仔就係咩野人，我只要稍稍引誘下佢，佢就好似而家咁泥足深陷。」

「妳講咩啊！」阿ＫＩＮＧ爸好嬲咁對住薇琪大喝左一聲後就衝左過去，但係就快接近佢果陣，無啦啦就彈開左。

佢好愕然咁望住後問：「點……點解會咁？」

薇琪笑住話：「係你個仔抗拒你地，唔關我事。」



我望住阿ＫＩＮＧ，佢求救嘅眼神當中慢慢帶有少少怨恨。

「就係呢種怨恨。」陰陽怪同我講：「呢種怨恨，令阿ＫＩＮＧ望記左佢嘅初心。」

阿ＫＩＮＧ阿爸阿媽而家同薇琪對峙緊，而阿ＫＩＮＧ口入面不停念住道德經，一邊望住我……望住我有咩用姐，我撚知而家要點樣幫你咩。

然而，陰陽怪同我講：「不如駁一駁，唔知成唔成功。」

「駁一駁？」我問：「用咩駁啊，用手指啊？」



陰陽怪指一指我拎出黎嘅油燈，然後話：「呢盞燈係你同我嘅功德，點都有少少神力嘅，你成盞油燈車埋去，應該可以趕走薇琪。」

我望一望佢，然後望一望盞油燈……「你都痴撚線嘅！呢盞燈係關乎我射唔射到精㗎，一陣我車過去後熄左，咁我未又要做另一樣野補返個功德先射到精囉！你諗過其他方法啦！」

陰陽怪反一反白眼話：「你未傻啦，油燈著左係無咁易熄㗎，除非你係將油燈嘅功德轉化為陽氣過比個就死嘅人啦，如果唔係咁，你想佢熄都幾難。」

我疑惑咁望住佢，「係未真㗎，你唔好哄我ＷＯ。」

「係啊，男人就未咁婆婆媽媽啦。」陰陽怪講完呢句後，佢就將支油燈一野車埋去薇琪度，薇琪見到後，真係好驚咁消失左……



但係消失嘅唔止係得薇琪，我見阿ＫＩＮＧ阿爸阿媽都因為油燈嘅功德，彈返出門外，而且四圍都突黑晒，變返一道光照射住阿ＫＩＮＧ。

我見到咁，就問：「喂！而家變返頭先咁！有無事㗎！」

而陰陽怪就指一指阿ＫＩＮＧ後講：「你睇睇你個朋友先啦。」

我望住佢，見到阿ＫＩＮＧ開始無再念道德經，佢慢慢企左起身，行到我面前話：「我……我訓左幾耐？」

下！？訓左！？

「……我點知。」我直接答佢，然後佢伸出手，自己望住自己對手後話：「我記得……我有意識果陣，係想……打飛機㗎ＷＯ。」

下……打飛機……

「咁除左打飛機，你仲記得Ｄ咩？」我問。



然後，阿ＫＩＮＧ諗左陣，開始遮住自己耳仔，好辛苦係度亂叫：「我唔聽啊！好煩啊！我唔想聽到佢地把聲啊！」

我見到佢咁，行埋去拉開佢雙手，然後問：「咩野聲啊，我咩都聽唔到ＷＯ。」

佢好辛苦望住我話：「我阿爸同阿媽吵架Ｄ聲啊，我咁大個人都未見過佢地咁㗎。」

吵、吵架？我諗起果陣阿ＫＩＮＧ話當年，記得佢父母吵果陣，又真係話自己打飛機㗎ＷＯ，唔通眼前呢位阿ＫＩＮＧ係……

「啊！！！！！！！！」佢又一聲苦叫，而我咩都做唔切嘅情況下，好大吸力將我往下拉咁，我下意識咁四圍搵野捉住，但四圍都好空，無野比我捉……「陰陽怪！發生咩事啊究竟！？」我問佢，但佢就好輕鬆咁話：「放心啦，無事。」

佢講完後，又突然平靜……而眼前有束光，我向住呢束光一步一步咁行過去後，見到嘅，係一家三口係個餐桌食飯。

果一家三口，就係阿ＫＩＮＧ、以及佢對父母。



「囝囝，要食多Ｄ野先快高長大㗎。」阿ＫＩＮＧ媽話。

「知道。」阿ＫＩＮＧ答，呢個阿ＫＩＮＧ睇得出係個小童。

然後，佢地食完飯後，阿ＫＩＮＧ爸拎左樣野本書出黎，佢放左係阿ＫＩＮＧ面前後話：「囝囝你成日嘈住話要呢本經，今日爸爸就送比你。」

阿ＫＩＮＧ拎起左本書，好開心咁話：「好野，以後可以同爸爸一齊念道德經。」

原來呢本係道德經。

而媽媽就笑左笑話：「你睇囝囝幾乖，咁細個就想同你一齊讀道德經。」

然後，阿ＫＩＮＧ行左去阿ＫＩＮＧ媽個位，而阿ＫＩＮＧ媽就抱起佢，跟住阿ＫＩＮＧ就話：「我地要一齊讀，你地以後都要日日陪我一齊讀。」

阿ＫＩＮＧ父母聽到後，會心一笑話：「好，以後我地一齊讀。」



道德經，原來唔止係一本教阿ＫＩＮＧ道德嘅書，就係一本連接左佢地屋企嘅物件。