[絕對無糖分]就係咁，我搬左入一幢充滿一樓一嘅唐樓: ９６　再遇薇琪

我拎住個光團，望住最後一道門，呢道門，應該就係阿ＫＩＮＧ內心世界。

打開門後，我就行左入去。

然而，當我行入去後，我手嘅光團好似比風吹左出門外，我望一望門外嘅五個光團幻化返人形……

「點解？」其中一個問。

「一定係囝囝佢仲好排斥我地……」其中一個講。



而我，望住佢地五個話：「唔緊要，我會帶佢出黎。」

然後，門突然關上。

呢度……好凍……

果種凍，唔係非一般嘅凍，而係一種由希望而生但從絕望而滅嘅凍，凍到剌骨入肉，凍到內心難受。

我係呢個空間到串步難行，就係因為呢一種凍令到我好難受。



就係呢個時候，果把聲出然左，「你可以拎盞油燈出黎，就無咁難受㗎嗱。」係陰陽怪把聲。

聽到佢把聲後，我問：「你又會係度？」

「我一直存在係你身入面，你係邊度出現，我就會係邊，我係度有咩咁出奇呢？」佢反問。

……咁……佢又講得岩嘅。

佢召喚左盞油燈出黎後，我個身就無咁凍，開始暖返，亦都無比呢種凍再整得難受，然後陰陽怪個就出現左係我面前，望一望四圍後話：「呢一種係怨念，但點解我感受唔到有怨體。」



「怨體？」我問，但係陰陽怪就話：「你地Ｄ凡人唔知咁多㗎嗱，跟住我行啦。」

就係咁，我跟住陰陽怪後面行，直到我見到前方有一束強光射住某個位，而果個被射住嘅位，有一個人蹲係度，自己把緊自己，不停係度震，遠睇就見到佢口不停講緊唔知咩野。

當我慢慢行近，聽到嘅野就愈黎愈大聲。

「道可道……非常道……名可名……非常名……」

原來係道德經，而蹲左係度果個人就係阿ＫＩＮＧ。

「睇黎Ｄ怨氣係由佢以發，估唔到一個人自己都可以發到咁大怨氣。」陰陽怪講完後，我地兩個望實阿ＫＩＮＧ，而我地兩個同佢之間就只有一步距離。

阿ＫＩＮＧ慢慢咁望住我地，但口中仍然不停念緊道德經，而我就問：「阿ＫＩＮＧ，你……」但當我想開口問佢有無野果陣，一個女人無啦啦憑空而生，我未見過呢個女人，但佢就用好嫵媚嘅眼神望住我，而且好親匿咁攬住阿ＫＩＮＧ講：「估唔到，你封閉到咁都有人入黎探你。」

我望住呢個女人嘅眼神，然後口中突然衝口而出講左個名：「薇琪？」



個女人望住我話：「估唔到，你識我。」