[絕對無糖分]就係咁，我搬左入一幢充滿一樓一嘅唐樓: ９５　理想、本性、真我

（同大家講聲對唔住先，因為呢幾日跨年＋公司太忙＋做激光矯視檢查後睇野唔清，所以停左好幾日無upload 新文，而家更新會回復返軌道，希望大家繼續睇落去，謝謝。）

佢地兩個化成左一團光團然後融合返變成一團後，飛左去我掌心，我拎住呢團光，經過果位「慾念」……佢同個學生妹用緊招老漢推車……

見到佢個樣，又真係好老漢。

我無理咁多行出門，然後，去到最左邊嘅一道門，打開後行入去……係一個好溫馨嘅家，而家入面只有一個女人，果位係阿ＫＩＮＧ嘅媽媽。

佢見到我入黎後，就問：「……點解……未見過你嘅，你係邊個？你做咩係我屋企？」



我望一望四圍，察覺到Ｄ光好似有Ｄ變化。

「唔駛驚，我只係黎睇下妳有咩要幫手？」我講，然後見四圍Ｄ光無再震。

「幫手……？」佢自己問左自己一下後，就話：「有啊，可唔可以話比我知，我個真命天子幾時出現啊？」

「真命天子？」我問。

然後佢好熱情咁點住頭話：「係啊，真命天子啊，有左佢，我就可以建立我嘅家，我就可以相夫教子，做一個賢妻良母。」



突然，呢個家抖動得好緊要，連Ｄ光都忽明忽暗，然後，一個黑團出現，係黑團入面仲行左個人出黎。

……又係阿ＫＩＮＧ媽媽黎。

「咩賢妻良母！妳邊做到！妳一出世就注定係做奴！妳一出世就注定係丰Ｍ黎！」估唔到呢個阿ＫＩＮＧ媽媽連抖Ｍ都識講。

我望住佢地兩個後，就問：「妳地兩位各自係？」

然後，賢妻良母阿ＫＩＮＧ媽話：「我叫『理想』。」



而抖Ｍ阿ＫＩＮＧ媽就話：「我叫『本性』。」

「唔係㗎！！！我本性唔係咁㗎！我係想相夫教子……」「唔係！妳一直都唔想咁！妳一直都想比人虐待！點解妳唔認！」佢地兩個不停係度爭執，間房抖動得更加劇烈。

突然，又有一把聲係我身後傳出：「唔駛理佢地，佢地成日都嘈到拆天咁㗎。」我轉個頭望一望，見到一個衣著普通嘅阿ＫＩＮＧ媽後問：「妳又係？」

「我係『真我』。」然後佢張開手，將兩個嘈緊嘅阿ＫＩＮＧ媽分開後話：「我感覺到你係想黎幫我，係唔係？」

我聽到後點一點頭。

「雖然而家已經同老公離左婚，但我最想嘅係可以同個仔一家團聚。」真我阿ＫＩＮＧ媽講完後，我掌心嘅果團光幻返成兩位阿ＫＩＮＧ爸。

佢地對望左幾下後，一齊同我講：「呢次真係要靠你。」

我望住佢地後話：「交比我，信我。」



然後，佢地都變成一團光咁飛向我手心，變成一團光。